Gernika-Lumo: dendak eta merkataritza: Diru-laguntzak 2010

Diru-laguntzak 2010 etiketadun mezuak erakusten. Erakutsi mezu guztiak

2010(e)ko uztailaren 5(a), astelehena

EVE 2010: Etxetresna Elektrikoen Renove Plana

ELEKTROGAILUEN RENOVE PLANA: 2010

Informazio hau gazteleraz ere irakurri dezakezuLaguntzaren Xedea
Laguntzaren Zenbatekoa
ONURADUNAK: Bezeroak
ONURADUNAK: Dendak
Eskabideak Aurkezteko Epea
Informazio gehiago

LAGUNTZAREN XEDEA

Programa honek etxean kontsumitzen den energia elektrikoa murriztea dauka helburu. Hori lortzeko, egun etxeetan erabiltzen diren hozkailuen, izozkailuen, garbigailuen, ontzi-garbigailuen, labeen eta gaineko sukaldeen ordez, A klaseko edo hortik goragoko energia-etiketa duten etxetresnak erabiltzea. Horretaz gain, garbigailu eta ontzigarbigailuen kasuan, A garbiketa-eraginkortasuna dutenak.

Orduan, A energia-kalifikazioa edo handiagoa duten etxetresna elektrikoen eskurapena diruz lagunduko da, baldin eta etxetresna eraginkor berriak mota bereko etxetresna zahar bat ordezkatzen badu.

INDIZEA

LAGUNTZAREN ZENBATEKOA

Diruz lagunduko diren etxetresna elektrikoak eta bakoitzari dagokion diru-laguntzaren zenbatekoa
hauexek dira:

Etxetresna	diru-laguntza (€/tresnako)
Hozkailua eta hozkailu-izozkailua, A++ energia-kalifikazioarekin	125
Izozkailua, A++ energia-kalifikazioarekin	125
Hozkailua eta hozkailu-izozkailua, A+ energia-kalifikazioarekin	105
Izozkailua, A+ energia-kalifikazioarekin	105
Garbigailua, A energia-kalifikazioarekin, A garbiketa-efikaziarekin eta energia-kontsumoa 170 Wh/kg. edo txikiagoa ala termoeraginkorra	105
Ontzi-garbigailua termoeraginkorra edo A energia-kalifikazioarekin, A garbiketa-efikaziarekin eta energia-kontsumoa 0,98 kWh/ziklo edo txikiagoa	105
Indukziozko gaineko sukaldea	105
Ontzi-garbigailua, A energia-kalifikazioarekin, A garbiketa-efikaziarekin eta energia-kontsumoa 0,98 kWh/ziklo baino handiagoa	85
Labea, A energia-kalifikazioarekin	85
Indukzio mistozko gaineko sukaldea	85
Gasezko gaineko sukaldea	50

INDIZEA

ONURADUNAK: BEZEROAK

Pertsona fisiko edo juridiko publiko eta pribatuak. Pertsona horiek laguntza-ildo honen baitan jasotako etxetresna-mota bakoitzetik bakar bat ordeztu dezakete, baldin eta haren ordez A klaseko edo hortik goragoko etiketa energetikoa duen beste etxetresna elektrikoren bat eskuratzen badute, erabiltzeko bada eta Euskal Autonomia Erkidegoan bizi badira.

Laguntza jasotzeko bezeroek egin behar duten tramite bakarra etxetresna programara atxikitako denda batean erostea da eta ordeztutako etxetresna entregatzea. Atxikitako denden zerrenda EVE-ko orrian aurkitu daiteke eta guztiek Ekimenaren logotipoa ikusteko moduan edukiko dute.

INDIZEA

ONURADUNAK: DENDAK

2010eko Etxetresna Elektrikoen Renove Planera atxiki nahi diren dendek Atxikimendu Protokoloa bidali behar dute EVE-ra. Dokumentu hau erakunde honen orrian aurkitu dezakete. Bestalde Etxetresna Elektrikoen + Euskadi 09 Renove Planera atxikitako dendek, kontrakoa idatziz adierazi ezik, 2010eko Etxetresna Elektrikoen Renove Planarekin ere bat egingo dute.

Dendek berariaz prestatutako aplikazio informatiko bat edukiko dute operazioen datuak sartzeko, aplikazio horren lotura programaren orrian dago: SALTOKIENTZAKO SARRERA

INDIZEA

ESKABIDEAK AURKEZTEKO EPEA

Diru-laguntza eskabideak aurkezteko epea 2010eko uztailaren 2an hasiko da, eta 2010eko azaroaren 30ean edo plan honetara esleitutako aurrekontua agortzean amaituko da.

INDIZEA

INFORMAZIO GEHIAGO

EVE-ko orrian informazioa:

INDIZEA

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:

2010(e)ko ekainaren 25(a), ostirala

EUSKO JAURLARITZA: ETE eta Autonomoentzako Finantza-Laguntzaren Programa 2010

ENPRESA TXIKI ETA ERTAINENTZAKO, BANAKO ENPRESABURUENTZAKO ETA PROFESIONAL AUTONOMOENTZAKO FINANTZA-LAGUNTZAREN PROGRAMA

Informazio hau gazteleraz ere irakurri dezakezu

Laguntzaren xedea
Onuradunak
Finantza mota
Finantzatzeko moduko egoerak
Finantzatzeko moduko pasiboak
Abal-eragiketen ezaugarriak
Epea bukatu aurreko kenketak
Beste datu batzuk
Eskaerak
Eskatzeko epea
Finantza-erakunde Laguntzaileak
Intereseko loturak

Laguntzaren xedea:

Laguntza honen bidez bankuaren finantzaketa lortu ahal izango da, modalitate ezberdinetan, eta horrela zirkulatzailearen beharrak bete, epe laburreko zorra berritu eta epe laburreko zorra epe ertain eta luzerako zorrera egokitu ahal izango da, bai eta, behar izanez gero, inbertsio-planak bizkortzeko finantza-izaera duten jarduerak egin ere.

Horretarako Eusko Jaurlaritzak lankidetza-hitzarmenak hitzartuko ditu Elkarrekiko Berme-Baltzu eta Finantza-Erakunde laguntzaileekin.

INDIZEA

Onuradunak

Honako hauek izango dira Berme eta Finantza-lerro hauek eska ditzaketenak:

Jarduera ekonomikoa eta egoitza Euskal Autonomia Erkidegoan duten enpresa txiki eta ertainek (ETE).
PFEZri lotutako jarduera ekonomikoen bidez etekinak lortzen dituzten eta egoitza Euskal Autonomia Erkidegoan duten banakako enpresaburu eta profesional autonomoek.

INDIZEA

Finantza mota

Mailegu operazioak interes-tasa bereziekin eta Elkarrekiko Berme-Baltzu baten (OINARRI edo ELKARGI) abalekin .

INDIZEA

Finantzatzeko moduko egoerak

ETEak

Finantza-egitura
egokitzeko proiektuak finantzatzeko modukotzat hartuko dira enpresak aurkeztu duen finantza-egitura ez bada egokia etorkizunean moldatzeko eta, nolanahi ere, bere kapital arrunta balantzearen guztizkoaren %10 baino gutxiagokoa bada, edo kapital arrunt horren aldaketa negatiboa izan bada azken ekitaldian.

BANAKAKO ENPRESABURUAK ETA AUTONOMOAK

Finantza-egitura egokitzeko proiektuak finantzatzeko modukotzat hartuko dira eskatzaileak aurkeztu duen finantza-egitura ez bada egokia etorkizunean moldatzeko.

INDIZEA

Finantzatzeko moduko pasiboak

Zenbagarriak izango dira, bermearen mailegu-eragiketen zenbatekoa kalkulatzeko, Kontabilitate Plan Orokorreko balantzearen pasibo arruntaren 4. eta 5. multzoak osatzen dituzten partida hauek (merkataritza-hartzekodunak eta epe laburrerako zorrak):

400.– Hornitzaileak
401.– Hornitzaileak, ordaintzeko merkataritza-efektuak
407.– Hornitzaileentzako aurrerakinak
520.– Kreditu-erakundeekiko epe laburrerako zorrak
521.– Epe laburrerako zorrak
524.– Epe laburrerako finantza-errentamenduengatiko hartzekodunak
525.– Epe laburrean ordaindu beharreko efektuak
527.– Kreditu-erakundeekiko zorren epe laburrerako interesak
528.– Zorren epe laburrerako interesak

Zenbatuko diren saldoak:

“Merkataritza-efektuen, kreditu-kontuen” eta “merkataritza-hartzekodunen deskontu-eragiketetan”, eskabidea egin aurreko 12 hilabeteetako batez besteko saldoa zenbatuko da.
“Kreditu-erakundeekiko” zorretan, eskabidearen hurrengo bi urte naturalen amortizaziorako
zenbatekoen batura zenbatuko da.

INDIZEA

Abal-eragiketen ezaugarriak

MAILEGUAK:

Kopuruak: 50.000 euro eta 600.000 euro artean enpresa txiki eta ertainentzat / 10.000 euro eta 100.000 euro artean AUTONOMOENTZAT
Interes-tasa: euribor + %1,5 Ez da biribiltzerik onartuko
Ez da bestelako komisio edo gastu gehigarririk aplikatuko
Amortizazio-epea: hiru urtekoa izango da, eta urte bateko gabealdia ezarri ahal izango da, amortizaziorako
Hiru hilean behin egingo da amortizazio-kuoten likidazioa

ABALAK:

Azterketa-komisioa: %0,15 behin bakarrik, abala eskatzean
Abal-komisioa: %0,50 urtero

INDIZEA

Epea bukatu aurreko kenketak

Mailegu-hartzaileak aurretiaz ezeztatu edo amortizatu ahal izango du mailegua, inolako kosturik gabe.

INDIZEA

Beste datu batzuk

Elkarrekiko Berme-Baltzu baten kide izateak erakundearen partaidetzak erosteko betebeharra dakar, partaide hauek abala kitatzean bueltatuko dira.

INDIZEA

Eskaerak

Hitzarmena sinatu duten Elkarrekiko Berme-Baltzuen bulegoetan aurkeztu beharko dira:

INDIZEA

Eskatzeko epea

Laguntza hauek indarrean egongo dira aurreikusitako aurrekontua amaitu arte.

INDIZEA

Finantza-erakunde Laguntzaileak

Aurrezki-Kutxak:

Bilbao Bizkaia Kutxa
Caja Vital Kutxa
Gipuzkoa Donostia Kutxa
La Caixa
Caja Galicia
Caja de Ahorros de Navarra
Cajamadrid

Kreditu-kooperatibak:

Caja Laboral Popular
Ipar Kutxa Rural
Caja Rural de Navarra

Bankuak:

Banco Bilbao Vizcaya Argentaria
Banco Santander
Banco Guipuzcoano
Bankinter
Banesto
Banco Popular Español
Banco Sabadell Atlántico
Bankoa
Banco Pastor
Deutsche Bank

INDIZEA

Intereseko loturak

Eusko Jaurlaritzako informazio orria

2010eko otsailaren 9ko 41/2010 DEKRETUA (ARAUA)

2010eko otsailaren 18ko AGINDUA (DEIALDIA)

INDIZEA

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:

2010(e)ko ekainaren 24(a), osteguna

EUSKO JAURLARITZA: MEC 2010 Programa, Merkataritzako Saltokiak Modernizatzeko Laguntza-Programa

MERKATARITZAKO SALTOKIAK MODERNIZATZEKO LAGUNTZA-PROGRAMA: MEC 2010

Informazio hau gazteleraz ere irakurri dezakezu

NOTA: Zure eskaera ONLINE egin nahi baduzu prestatu dugun TUTORIALA jarrai dezakezu urratsez urrats egiteko. Artikulu honen amaieran tutorialean sartzeko lotura daukazu.

Eusko Jaurlaritzako Industria, Berrikuntza, Merkataritza eta Turismo Sailak MEC 2010 diru-laguntza programaren eskatzeko epea ireki berri du. Laguntza hauen helburua merkataritza-ekipamenduak modernizatzeko inbertsio-proiektuei laguntza ematea da.

Laguntza honen onuradunak:

Negozio-bolumenaren aldetik, jarduera nagusia merkataritza duten enpresa ertain eta txikiek jaso ahal izango dituzte laguntza hauek.

Ez da eskatzen antzinatasun minimoa merkataritza jardueran, hau da, denda berriek ere laguntza hau eska dezakete.

INDIZEA

Diruz lagun daitezkeen inbertsioak:

Laguntza hauek ondorengo kontzeptuon barruan sartzen diren inbertsioak lagunduko dituzte:

Merkataritza-jarduera garatzeko beharrezkoak diren altzariak, ekipamenduak, lokala eta kanpoko nahiz barruko elementuak (merkataritza-errotuluak barne) eraberritzeko eta eguneratzeko inbertsioak.
Informatika-ekipoak, aplikazioak eta hauen osagarriak, beti ere merkataritza-prozesuen barruan integraturik badaude edo enpresa-kudeaketarako badira.

INDIZEA

Nota Garrantzitsuak:

Inbertsio garbia (BEZ gabe) gutxienez 2.000 eurokoa aktibo orokorrean eta 600 eurokoa informatika-ekipoak erosteko izango da
Aktiboak berriak izan behar dira
Gutxienez hiru urteko amortizazio-aldia ezarrita eduki behar dute
Ezin dira hirugarrenei laga
Ezin dira enpresa eskatzaileak berak fabrikatuak, eginak edo garatuak izan
Laguntza jasotzen duten inbertsio-proiektuak Euskal Autonomia Erkidegoaren lurraldearen barruan kokatu behar dira

INDIZEA

Inbertsioak egiteko epea:

Inbertsio proiektuak 2010 urtean gauzatu egin behar dira (urtarrilaren 1etik), ETA 2009 urtean egin direnak baina 2009ko irailaren 5etik aurrera (hau barne).

INDIZEA

Laguntzen kopurua:

Laguntzak hauek itzultzekoak ez diren diru-laguntzen bidez gauzatuko dira. Programa honetako laguntzetarako diru-laguntzen, onartutako inbertsio-proiektuaren kostuaren (BEZ gabe) ehunekoak hauexek izango dira:

Orokorrean:

%15 altzariak eta erreformak egiteko
%20 Informatika-ekipoak eta aplikazioak

Gehikuntzak:

%2 gehiago denda merkatari elkarte baten kide bada
%2 gehiago dendak UNE 175000 ziurtagiri badauka
%3 gehiago dendak Merkataritza Bikaina ziurtagiri lortu badu

Edozein kasutan ez du diru-laguntzaren gehieneko zenbatekoak 12.000 euro gaindituko.

INDIZEA

Eskaerak:

Eskatzeko orriak honako hauen helbideak eskura daude:

Eusko Jaurlaritzako Industria, Berrikuntza, Merkataritza eta Turismoko lurralde bulegoetan
Merkataritza Laguntza Teknikorako Kabineteen sarean
Interneten:

Diru-laguntza Internet bitartez tramitatu

Eskaera orriak deskargatu (pdf formatuan)

Hirugarren Datuen Alta

Eskaerak aurkezteko lekua Eusko Jaurlaritzako Industria, Berrikuntza, Merkataritza eta Turismoko lurralde bulegoak dira.

INDIZEA

Eskatzeko epea:

MEC Laguntza programaren eskaerak aurkezteko azken eguna 2010ko irailaren 30a da.

INDIZEA

MEC LAGUNTZA INTERNET BITARTEZ TRAMITATZEKO GIDA

INDIZEA

Dudarik baldin badaukazu mezu bat bidali dezakezu Gernika-Lumoko Merkataritza Dinamizatzeko Bulegora, horretarako klikatu irudi honetan:

INDIZEA

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:

2010(e)ko apirilaren 26(a), astelehena

SPRI 2010: Inbertsiorako Finantza Laguntzak, AFI

AFI PROGRAMA 2010: FINANTZA LAGUNTZAK INDUSTRIAN, MERKATARITZAN ETA TURISMON

Informazio hau gazteleraz ere irakurri dezakezu
Onuradunak
Diru-laguntza jaso dezaketen inbertsioak
Laguntza Mota
Maileguen Baldintzak
Leasing operazioen Baldintzak
Laguntza kopurua
Eskaerak eta Epea
Loturak

Onuradunak:

Jarduera nagusia Industrial, Merkataritza edo Turistikoa duten ETE eta Autonomoek. Beste zerbitzu aktibitateak EZ DIRA SARTUKO (ile-apaindegiak,...)

INDIZEA

Diru-laguntza jaso dezaketen inbertsioak:

Laguntza jaso dezaketen aktiboak 2007ko Kontabilitate Plan Orokorreko epigrafe hauetan sartzen direnak izango dira:

206 Aplikazio informatikoak
210 Lurrak eta ondasun naturalak (turismo-arlokoak izan ezik)
211 Eraikuntzak
212 Instalazio teknikoak
213 Makineria
214 Tresneria
215 Beste instalazio batzuk
216 Altzariak (merkataritza-eta turismo-arlokoak bakarrik)
217 Informazio-prozesuetarako ekipoak
218 Garraio-elementuak (turismo-arlokoak bakarrik)
219 Bestelako ibilgetu materialak

Inbertsioek baldintza hauek bete behar dituzte:

Laguntza eskatzen den ekitaldiari dagokion inbertsio-bolumena, gutxienez, 100.000 eurokoa izango da industria-sektorean, 30.000 eurokoa turismo-sektorean eta 30.000 eurokoa merkataritza-sektorean.
Laguntzak kalkulatzeko, horiek eskatu diren urtean bertan aktiboak eskuratzeko ordaindutako zenbatekoa baino ez da aintzat hartuko.
Inbertsio-proiektua eta dagozkion polizak 2010. urtean gauzatutakoak izan beharko dira.

INDIZEA

Laguntza Mota:

Laguntzak inbertsioak ordaintzeko eskatutako mailegu edo leasing-go interes-tasaren hobaria izango dira.

INDIZEA

Maileguen Baldintzak:

ZENBATEKOA:Diruz lagundu daitekeen mailegua izango da bi zenbateko hauetatik txikiena:

Diruz lagundu daitekeen inbertsioaren %100.
Finantza-erakundeak baimendutako maileguaren zenbatekoa.

EPEA: Gutxienez, 5 urte eta, gehienez, 7 urte, hasierako gabealdia barne dela; gabealdi hori, gehienez, honelakoa izango da:

7 urterako maileguak: 24 hilabete.
6 urterako maileguak: 18 hilabete.
5 urterako maileguak: 12 hilabete.

SPRI-k bestelako epeak ere onar ditzake (gutxieneko epea 5 urtekoa izango da, betiere), baldin
eta formalizatutako maileguan berariaz jasotzen bada berau laguntza-programa honetan sartuta dagoela. Nolanahi ere, horrek ez du aldaketarik ekarriko laguntzen zenbatekoan. Zenbateko hori, bestalde, ez da inoiz izango 7 urterako maileguei dagokiena baino handiagoa.

EPEMUGAK: Gutxienez, hilero izango dira.

GEHIENEZKO INTERES-TASA APLIKAGARRIA:

ICO maileguetan: ICO interes-tasa
ICO ez diren maileguetan: SPRI-k eta finantza-erakundeek sinatu duten lankidetza-hitzarmenean erabaki dutena

INDIZEA

Leasing operazioen Baldintzak:

Laguntza jasotzeko leasing operazioek baldintza hauek bete behar dituzte:

Enpresa onuradunak konpromisoa hartuko du erosteko aukera gauzatzeko, hala dagokionean; konpromiso hori kasuan kasuko formalizazio-agirian jasoko da.
Finantza Errentamendu bidez Eragiketak Finantzatzeko Hitzarmena izenpetuta duen erakunde batek gauzatu beharko du finantza-errentamendua.

ZENBATEKOA: Diruz lagundu daitekeen leasing-a izango da bi zenbateko hauetatik txikiena:

Diruz lagundu daitekeen inbertsioaren %100.
Finantza-erakundeak baimendutako leasing-en zenbatekoa.

EPEA: Gutxienez, bi urte eta, gehienez, bost urte

SPRI-k bestelako epeak ere onar ditzake, baldin eta formalizatutako leasing edo finantza-errentamenduan berariaz jasotzen bada berau laguntza-programa honetan sartuta dagoela. Nolanahi ere, horrek ez du laguntzen zenbatekoa aldatuko. Zenbateko hori, bestalde, ez da inoiz izango 5 urterako finantza-errentamenduei dagokiena baino handiagoa.

EPEMUGAK: Gutxienez, hilero izango dira.

GEHIENEZKO INTERES-TASA APLIKAGARRIA:

SPRI-k eta finantza-erakundeek sinatu duten lankidetza-hitzarmenean erabaki dutena

INDIZEA

Laguntza Kopurua:

laguntza operazioaren interes-tasaren hobaria izango da eta kopurua hauxe izango da::

Oro har: 1,5 puntuko hobaria
0,50 puntu gehiago Hitzarmenaren sinatzaileetarikoa den Elkarrekiko Berme Sozietateren batek eragiketa abalatuz gero.

Oharrak:

Interes-tasaren hobaria ez da izango handiagoa eragiketa baimentzean aplikatutako interes-tasa nominala baino.
Diruz lagundu daitezkeen maileguen eta/edo finantza-errentamenduko eragiketen balioaren urteko gehienezko zenbatekoa, enpresa onuradun bakar batek eskuratu dezakeena, ez da 1.500.000 eurotik gorakoa izango.

INDIZEA

Eskaerak eta Epea:

Eskaerak: Eskaeren tramitazioa finantza entitateetan bertan egingo da.

Eskatzeko Epea: 2010eko urriaren 15 arte

INDIZEA

Loturak:

Informazioa: AFI programako informazio telefonoa : 902 540 818

SPRI-ko web orrian informazioa

Programaren Fitxa

Araua

INDIZEA

2010(e)ko urtarrilaren 28(a), osteguna

Eusko Jaurlaritza 2010: langile autonomoentzako ezohiko laguntzak

PRODUKZIO JARDUERARI EUSTEKO LAGUNTZAK

LAGUNTZAREN XEDEA
ONURADUNAK
DIRU-LAGUNTZEN ZENBATEKOA
ESKATZEKO AZKEN EGUNA
ORDAINTZEKO MODUA
INFORMAZIO TELEFONOAK
LOTURAK

LAGUNTZAREN XEDEA:

Produkzio-jarduerari eustea datozen sei hilabeteotan.

ONURADUNAK:

Langile autonomoak izango dira, Euskal Autonomia Erkidegoan enpresa-jardueraren bat burutzen badute eta honako baldintza hauek betetzen badituzte:

Laguntza eskatu aurreko 6 hilabeteetan langabezia kapitalizatu ez izana.
Besteren konturako langilerik ez izatea.
2009ko lehen hiruhilekoan fakturazioa % 35, gutxienez, murriztu izana aurreko urteko aldi berarekin alderatuta.
Aldi baterako Ezintasuna estalia izatea.

Kooperatiba-sozietateetako eta lan-sozietateetako bazkide diren langile autonomoek ezin izango dituzte jaso laguntza hauek.

DIRU-LAGUNTZEN ZENBATEKOA:

Diru-laguntzaren zenbatekoa 1.125 euro izango da langile autonomo bakoitzeko.

ESKATZEKO AZKEN EGUNA:

2010eko abenduaren 19 arte.

ORDAINTZEKO MODUA:

Lehenengo ordainketan diru-laguntzaren guztirakoaren %50 ordainduko da, diru-laguntza emateko Ebazpena eman ostean eta esanbidezko ukorik izan ez bada.
Bigarren ordainketan diru-guztirakoaren %50 ordainduko da, laguntza zertarako erabili den egiaztatzen denean laguntza eman osteko sei hilabeteetako Gizarte Segurantzaren kuotak ordaindu izanaren agiriak aurkeztuta.

INFORMAZIO TELEFONOAK:

LANBIDE

901 222 901
945 160 600

LOTURAK:

Eusko Jaurlaritzako informazio orria LANBIDE-ko informazio-orria Legeria

Eusko Jaurlaritza 2010: langile autonomoentzako ezohiko laguntzak

LANGILE AUTONOMOAK BIRZIKLATZEKO ETA HORIEN LANBIDE KUALIFIKAZIOA ETA ENPLEGAGARRITASUNA HOBETZEKO LAGUNTZAK

LAGUNTZAREN XEDEA
ONURADUNAK
PRESTAKUNTZA-ESKAINTZARAKO SARBIDEA ETA EZAUGARRIAK
DIRU-LAGUNTZEN ZENBATEKOA
ESKATZEKO AZKEN EGUNA
ORDAINTZEKO MODUA
INFORMAZIO TELEFONOAK
LOTURAK

LAGUNTZAREN XEDEA:

Diruz lagunduko dira honako jarduera hauek: Enplegu eta Gizarte Gaietako Sailak diruz lagundutako prestakuntza-eskaintza osotik, edo Hobetuz-Langileen Prestakuntzarako Euskal Fundazioak kudeatutako prestakuntza-eskaintzatik aukeratutako prestakuntza-ibilbideetan edo prestakuntza-ekintzen sorta integratuan izena eman eta parte-hartzea, betiere enpresa-jarduera bertan behera utzi behar izan duten langile autonomoen lanbide-kualifikazioa hobetzen badute.

ONURADUNAK:

Langile autonomoak, Euskal Autonomia Erkidegoko edozein udalerritan erroldatuta daudenak eta Gizarte Segurantzaren langile autonomoentzako Erregimenetako edozeinetan Alta emanda egon ostean jarduera eten egin behar izatearen ondorioz Gizarte Segurantzan eta EJZn baja hartu dutenak, baldin eta honako baldintza hauek betetzen badituzte:

Enpresa-jardueraren etetea eskaera egin baino sei hilabete lehenago, gutxienez, gertatu izana.
Gizarte Segurantzan, gutxienez, 18 hilabetez jarraian kotizatzea, edo bestela, 36 hilabetez txandaka, betiere bost urteko epean.
Enpleguko bulego publiko batean erregistratuta egotea.

Kooperatiba-sozietateetako eta lan-bazkide diren langile autonomoek ezin izango dituzte jaso laguntza hauek.

PRESTAKUNTZA-ESKAINTZARAKO SARBIDEA ETA EZAUGARRIAK:

Langile autonomoak prestakuntza-eskaintzarako sarbidea izango dute honako zehaztapen hauei jarraiki:

Enplegu eta Gizarte Gaietako Sailak eta Hobetuzek kudeatutako laguntzen onuradun diren prestakuntza-zentro eta erakundeek, ahal den neurrian, ikastaro bakoitzeko plazen %15 gordeko dute hurrengo artikuluan aipatuko diren langile autonomoentzat.
Ikastaro horietarako sarbidea eta aurre-inskripzioa Lanbide Euskal Enplegu Zerbitzuaren Orientabide Zerbitzuen sarearen bidez egingo da.
Onuradunek aipatutako prestakuntza-ekintza batean edo gehiagotan aurreinskripzioa eginez, gutxienez, honako eremu hauetako prestakuntza eta kualifikazioa lortuko da: «Enpresa Plana edoNegozio Plana», «Laneko arriskuen Prebentzioa» eta «Berdintasuna».
Onuradun bakoitzari agindutako prestakuntza-ibilbidearen edo prestakuntza-ekintzen sorta integratuaren iraupena, gutxienez, 250 ordu presentzialekoa izango da.

Onuradunek ikastaro bat baino gehiago egin ditzakete batera, edo bata bestearen segidan.

DIRU-LAGUNTZEN ZENBATEKOA:

Prestakuntza-prozesuan (gehienez ere sei hilabete iraungo du), onuradunek 480 euroko laguntza jasoko dute hilero.

ESKATZEKO AZKEN EGUNA:

2010eko abenduaren 19 arte

ORDAINTZEKO MODUA:

Emandako diru-laguntza honela ordainduko da: Lanbideren Orientabide Zerbitzuek prestakuntza-prozesuko aurreinskripzioa egin ostean, hilean 480 euro ordainduko dira, gehienez ere sei hilabetez.

INFORMAZIO TELEFONOAK:

LANBIDE

901 222 901
945 160 600

LOTURAK:

Eusko Jaurlaritzako informazio orria
LANBIDE-ko informazio-orria
Legeria

Eusko Jaurlaritza 2010: langile autonomoentzako ezohiko laguntzak

LANGILEAK KONTRATATZEKO LAGUNTZAK

LAGUNTZAREN XEDEA
ONURADUNAK
DIRU-LAGUNTZEN ZENBATEKOA
ESKATZEKO AZKEN EGUNA
ORDAINTZEKO MODUA
INFORMAZIO TELEFONOAK
LOTURAK

LAGUNTZAREN XEDEA:

Langileak kontratatzea gutxienez sei hilabeterako.

ONURADUNAK:

Langile autonomoak izango dira, jarduera Euskal Autonomia Erkidegoan garatzen badute eta besteren konturako langileak kontratatzen badituzte. Horretarako, honako baldintza hauek bete beharko dituzte:

Diru-laguntzaren xede diren kontratuak lanaldi osokoak edo partzialekoak izango dira, eta lanaldi partzialekoak izanez gero, aplikatu beharreko hitzarmen kolektiboan lanaldi osotzat hartutakoaren erdia, gutxienez, izan beharko du.
Enplegu Zerbitzu publiko batean langabe moduan erregistratutako pertsonei egin behar zaizkie kontratuak, betiere gutxienez hiru hilabeteko antzinatasuna dutela.
Indarreko hitzarmenean finkatutako soldatak ordainduko dira.
Onuradunek ez dute inor kaleratu behar izan eskaera egin aurreko 12 hilabeteetan.
Honako hauek ezin izango dira kontratatu: banakako enpresaburuaren ezkontidea, eta bigarren mailara arteko odolkidetasunagatiko, kidetasunagatiko edo adopzioagatiko aurreko, ondorengo eta/edo zeharkako ahaideak. Sozietate motako enpresetan, edozein bazkideren ahaideak ere ezin izango dira kontratatu.

Kooperatiba eta lan-sozietateetako bazkide diren langile autonomoek ezin izango dituzte jaso laguntza hauek.

DIRU-LAGUNTZEN ZENBATEKOA:

Kontratatutako pertsonei dagokien eta enpresak ordaindu beharreko gizarte-segurantzaren kuotaren %100, gehienez ere sei hilabetez. Gizarte Segurantzaren 1. kotizazio-taldean barne hartutako kontratazioak badira (ingeniariak edota goi mailako tituludunak), laguntzak kuota horren %50ekoak izango dira.

ESKATZEKO AZKEN EGUNA:

2010eko abenduaren 19 arte

ORDAINTZEKO MODUA:

Guztirakoaren %50 ordainduko da, diru-emateko Ebazpena eman ostean eta esanbidezko ukorik izan ez bada.
Bigarren ordainketan diru-guztirakoaren %0 ordainduko da, laguntza zertarako erabili den egiaztatzen denean, kontratatutako langileei dagokien Gizarte Segurantzaren kotizazio-buletinak (Tc1 eta Tc2 ereduak), laguntza eman osteko sei hilabeteetakoak, aurkeztuta.

INFORMAZIO TELEFONOAK:

LANBIDE

901 222 901
945 160 600

LOTURAK:

Eusko Jaurlaritzako informazio orria
LANBIDE-ko informazio-orria
Legeria

SPRI 2010: Mikroenpresa Digitala Programa

MIKROENPRESA DIGITALA: INTERNET KONEXIA DUTEN ORDENADOREAK EROSTEKO DIRU-LAGUNTZA

LAGUNTZAREN XEDEA
ONURADUNAK
DIRU-LAGUNTZAREN FORMA ETA KOPURUA
LAGUNTZA HAU ESKATZEKO AZKEN EGUNA
INBERTSIOAK EGITEKO EPEA
ESKAERA EGITEKO ERA
ESKAKIZUN GARRANTZITSUAK

Enpresak
Ordenagailuak
Prozedura

LAGUNTZAREN XEDEA:

Laguntza honek Internet conexioa duten ordenadoreen erosketa bultzatu nahi du. Konexioa banda zabalekoa izan behar da

ONURADUNAK:

ETEak EHEan duten egoitza.

DIRU-LAGUNTZAREN FORMA ETA KOPURUA:

Fondo galdutako laguntza inporte hauekin:

%25eko diru-laguntza, ordenagailu berri bakoitzeko, eta 250 euroraino gehienez.
%50eko diru-laguntza interneteko alta gastuetarako eta internetera konektatzeko ordaindu beharreko kuotetarako, aurreneko6 hiletan. Horietarako diru-laguntza 200 eurokoa.
Biruskontrako hardwarea edota software lizentziak eskuratzeko gastuen %100eko diru-laguntza; eskatzaile bakoitzari 90 euro emango zaizkio gehienez.

LAGUNTZA HAU ESKATZEKO AZKEN EGUNA:

2010ko abenduaren 31a arte 2010

INBERTSIOAK EGITEKO EPEA:

Laguntza-eskaera aurkeztu aurreko 12 hilabeteetan eginiko fakturak baino ez dira onartuko.

ESKAERA EGITEKO ERA:

Laguntza Eskaera internet bidez bete beharko da, SPRI web gunean xede horretarako prestatuko duen helbidean: LOTURA.
Lotura honetan GIDA OSOA aurkituko duzu laguntza eskaera urratsez urrats betetzeko (gazteleraz): TUTORIAL

ESKAKIZUN GARRANTZITSUAK:

Enpresak:

Diru-laguntza hau ETEek eska dezakete bakarrik
SPRIk KZguneen Sarean mikroenpresentzat eskaintzen dituen IKTen erabilerari buruzko ikastaroetariko batera nahitaez etortzea (enpresa onuraduneko kide bat)

Ordenagailuak:

Programa honek zehaztutako gutxienezko espezifikazioak bete edo gainditu behar dituzte.
Ekipoaren fakturak Sistema Eragile baten lizentzia erosi izana egiaztatu beharko du (Windows edo doakoa).
Ordenagailuen fakturetan SINADURA DIGITALEKO IRAKURGAILUA teklatuan edo USB kanpo irakurgailuan dagoena zehaztu behar da

Prozedura:

Laguntza eskaerak bakarrik onartuko dira batera egiaztatzen badira ekipamendu informatikoen erosketa eta interneteko konexioa.
Interneterako sarbidea banda zabaleko izan behar da.
Enpresek behin barakkik eskatu dezakete laguntza hau.
Eskaera internet bidez bete beharko da, SPRI web gunean.

ICO 2010: ICO LIKIDEZIA 2010

FINANTZIAZIO ILDOA: ICO LIQUIDEZ 2010

ESKATZEKO EPEA
BEZEROAK
AMORTIZAZIO-EPEA ETA INTERESEN LIKIDAZIOA
BEZEROEK ESKA DEZAKETEN GEHIENEZKO FINANTZAZIOA
INTERES-TASA
KOMISIOAK
BORONDATEZKO ZORRAREN AURRE-KITAPENA
TRAMITAZIOA
DOKUMENTAZIOA
BERMEAK

Loturak ICO-ko web-gunera

ESKATZEKO EPEA:

2010eko abenduaren 20 arte, edo aurrekontutako kreditua eman arte.

BEZEROAK:

Autonomoak eta edozein tamainako enpresak Kreditu Entitateko zorra-betebeharrak egunean dauzkatela.

AMORTIZAZIO-EPEA ETA INTERESEN LIKIDAZIOA:

1, 3 eta 5 urte, gehi 1 urteko gabe-aldia.Finantziazio mota guztietan bai interesen likidazioaren periodikotasuna bai amortizazio-epea bezeroak eta Kreditu Entitateak erabakiko dituzte.

BEZEROEK ESKA DEZAKETEN GEHIENEZKO FINANTZAZIOA:

Autonomoak eta 50 langile baino gutxiago duten enpresak: Gehienez 2 milioi euro.
50 langile edo gehiago duten enpresak: 50 milioi eurotaraino.

INTERES-TASA:

A modalitatea (finantzazioa eta arriskua konpartituta)

Operazio hauen arriskua ICO-k eta Kreditu Entitateak partekatzen dute.Tasa bi hauetako tasa finko ertaina:

ICO-k emandako %50 dirutarako: Lagapen-tasa finkoa gehi marjina (%2, %2,50, %3, %3,50).
Kreditu Entitateak emandako %50 dirutarako: Lagapen-tasa finkoa gehi marjina (%2, %2,50, %3, %3,50), gehi gehienezko %1,50ko diferentziala.

Kreditu Entitateak operazioaren arriskua ikertuko du eta dauden lau marjinetako bat aplikatuko du arrisku horren arabera. ICO-k ezarriko duen marjina Kreditu Entitateak bere bezeroei ezartzen dien berdina izango da.

B modalitatea (%100ean ICO-k finantzatuta)

Operazio hauetan ICO-k diru osoa ematen du baina arriskua Kreditu Entitateak onartzen du.Lagapen-tasa finkoa gehi %3,50eraino.

KOMISIOAK:

A modalitateko operazioetan: %0,40 flat-a.
B modalitateko operazioetan: komisiorik gabe.

BORONDATEZKO ZORRAREN AURRE-KITAPENA:

Bezeroa eta Kreditu Entitatea ados badaude edozein momentutan egin dezakete aurre-kitapen bat, bai osoa bai partziala, baldintza hauekin:

Lege 41/2007, de regulación del mercado hipotecario barruan sartzen diren operazioak: %0,50 flat-a garbitutako inporteaz.
Beste operazio guztietan: %1 flat-a garbitutako inporteaz.

TRAMITAZIOA:

Zuzenean banku eta aurrezki kutxen bulegoetan. Eskaerak kreditu entitateak beraiek ikertuko eta aprobatuko dituzte aipatutako baldintzetan

DOKUMENTAZIOA:

Bezeroak kreditu entitateak eskatzen dion dokumentazio guztia aurkeztu beharko du.

BERMEAK:

Kreditu-entitate bakoitzak erabakiko du bezeroak aurkeztu behar dituen bermeak eta hauek izan daiteke:

Hipotekazkoak
Pertsonalak
Abalak
Elkarrekiko Garantia Elkartea

Loturak ICO-ko web-gunera

EZAUGARRI OROKORRAK:
http://www.ico.es/web/contenidos/6/0/5451/index.html?n=1
INTERES-TASAK:
http://www.ico.es/web/contenidos/6/0/5451/index.html?n=2
ENTITATE KOLABORATZAILEAK:
http://www.ico.es/web/contenidos/6/0/5451/index.html?n=3

ICO 2010: ICO INBERTSIO NAZIONALA 2010

FINANTZIAZIO ILDOA: ICO INBERTSIO NAZIONALA 2010

ESKATZEKO EPEA
BEZEROAK
BEZEROEK ESKA DEZAKETEN GEHIENEZKO FINANTZAZIOA
GEHIENEZKO FINANTZAZIOA
ONARTUTAKO INBERTSIOAK
AMORTIZAZIO-EPEA
BEZEROARENTZAT INTERES-TASA
KOMISIOAK
BORONDATEZKO AMORTIZAZIO AURRERATUA
TRAMITAZIOA
DOKUMENTAZIOA
BERMEAK
BESTE BITARTEKARITZAKO ILDOEKIN BATERAEZINTASUNA
BATERAGARRITASUNA

Loturak ICO-ko web-gunera

ESKATZEKO EPEA:

2010eko abenduaren 20 arte, edo aurrekontutako kreditua eman arte.

BEZEROAK:

Lurralde nazionalean inbertsioak egiten dituzten autonomoak, ETEak eta beste enpresa guztiak.

BEZEROEK ESKA DEZAKETEN GEHIENEZKO FINANTZAZIOA:

Autonomoak, Mikroenpresak eta Enpresa Txikiak: 2 miloi eurotaraino, operazio bakar batean edo zenbait operaziotan.
Enpresa ertainak eta beste enpresa guztiak: 10 miloi eurotaraino, operazio bakar batean edo zenbait operaziotan.

GEHIENEZKO FINANTZAZIOA:

Inbertsio-proiektuaren %100koa.

ONARTUTAKO INBERTSIOAK:

Aktibo finko produktiboak: berriak eta bigarren eskukoak.
Automobilak, prezioa (BEZ barne) 24.000 euro baino txikiagoa denean.
Enpresa eratzeko gastuak, proiektuaren osoaren %10eko mugarekin.
Enpresak erostea.
Balio Erantsiaren Gaineko Zerga (B.E.Z.) edo Impuesto General Indirecto Canario (I.G.I.C.).

Finantzatuko den inbertsioa ezin izango a 2009ko urtarrilaren 1ean dagoeneko hasita, eta 12 hilabeteko epean, finantzazioa sinatzearen datatik, amaituko da. Inoiz ez dira finantzatuko Pasiboen berregituratzeak eta beste zergak.

AMORTIZAZIO-EPEA:

Bezeroek aukera hauen artean bat har dezake:

3 urte gabe-aldirik gabe
5 urte, 0 edo 1 urteko gabe-aldiarekin.
7 urte, 0 edo 2 urteko gabe-aldiarekin.
10 urte, 0 edo 3 urteko gabe-aldiarekin.
12 urte, 0 edo 3 urteko gabe-aldiarekin.

BEZEROARENTZAT INTERES-TASA:

Finkoa, ICOk hamabost egunero komunikatzen duen kotizazioa, gehi %2,00raino
Aldakorra, 6 hilabetera Euriborra gehi diferentziala, ICOk hamabost egunero komunikatzen duen kotizazioa, gehi %2,00eraino

KOMISIOAK:

Kreditu entitateek ezin dute komisiorik eskatu irekieraz, ikerketaz edo disponibilitateaz.

BORONDATEZKO AMORTIZAZIO AURRERATUA:

Amortizazio aurreratua bai osoa bai partziala, edozein momentutan egin dezake bezeroak baldintza hauekin:

Tasa aldakorra: ez da penalizaziorik egongo.

Tasa finkoa:

Lege 41/2007, de regulación del mercado hipotecario barruan sartzen diren operazioak:

% 0,50 flat-a kitatutako kantitatearen gainean, interesen likidazio datan, kitapena lehen 5 urteetan egiten bada.
%0,25 flat-a kitatutako kantitatearen gainean, interesen likidazio datan, kitapena lehen 5 urte pasa eta gero egiten bada.

Beste operazio guztietan: %1 flat-a kitatutako kantitatearen gainean.

kasu guztietan, amortizazioa lehen 2 urteetan egiten bada komisio bat aplikatuko da.

TRAMITAZIOA:

Zuzenean banku eta aurrezki kutxen bulegoetan. Eskaerak kreditu entitateak beraiek ikertuko eta aprobatuko dituzte aipatutako baldintzetan.

DOKUMENTAZIOA:

Bezeroak kreditu entitateak eskatzen dion dokumentazio guztia aurkeztu beharko du.Bezeroak finantziazioa jaso duen inbertsioak egin den justifikatzeko fakturak, ordainketa-orriak, proiektuak, eskriturak edo beste dokumentu aurkeztuko ditu.

BERMEAK:

Kreditu-entitate bakoitzak erabakiko du bezeroak aurkeztu behar dituen bermeak eta hauek izan daiteke:

Hipotekazkoak
Pertsonalak
Abalak
Elkarrekiko Garantia Elkartea

BESTE BITARTEKARITZAKO ILDOEKIN BATERAEZINTASUNA:

Finantziazio ildo hau eta "ICO-INVERSIÓN EMPRENDEDORES 2010/ICO EKINTZAILEAK 2010" bateraezinak dira.

BATERAGARRITASUNA:

Ildo honek Europar Batasuneko "de mínimis" baldintzak bete behar ditu eta bateragarria beste Autonomi erkidegoko eta beste instituzioen laguntzekin, baina Europar Batasunak finkatu egin dituen mugak errespetatu behar ditu.

Loturak ICO-ko web-gunera

EZAUGARRI OROKORRAK:
http://www.ico.es/web/contenidos/6/0/137/index
INTERES-TASAK:
http://www.ico.es/web/contenidos/6/0/137/index?n=2
ENTITATE KOLABORATZAILEAK:
http://www.ico.es/web/contenidos/6/0/137/index?n=3

2010(e)ko urtarrilaren 27(a), asteazkena

ICO 2010: ICO EKINTZAILEAK 2010

FINANTZIAZIO ILDOA: ICO EMPRENDEDORES 2010

ESKATZEKO EPEA
BEZEROAK
BEZEROEK ESKA DEZAKETEN GEHIENEZKO FINANTZAZIOA
GEHIENEZKO FINANTZAZIOA
ONARTUTAKO INBERTSIOAK
AMORTIZAZIO-EPEA
BEZEROARENTZAT INTERES-TASA
ICOREN BONIFIKAZIOA
KOMISIOAK
BORONDATEZKO AMORTIZAZIO AURRERATUA
TRAMITAZIOA
DOKUMENTAZIOA
BERMEAK
BESTE BITARTEKARITZAKO ILDOEKIN BATERAEZINTASUNA
BATERAGARRITASUNA

Loturak ICO-ko web-gunera

ESKATZEKO EPEA:

2010eko abenduaren 20 arte, edo aurrekontutako kreditua eman arte.

BEZEROAK:

Mikroenpresak, 2009ko urtarrilaren 1etik aurrera eratuta
Autonomo profesionalak, Ekonomi Jardueren gaineko Zergan alta 2009ko urtarrilaren 1etik aurrera egin baldin badute eta mikroenpresak badir

Mikroenpresak izango dira betebehar hauek betetzen dituztenak:

2009ko abenduaren 31an gehienez 9 langile edukitzea
2009ko abenduaren 31an fakturazioa edo balanTze orokorra 2 miloi euro ez gainditzea

BEZEROEK ESKA DEZAKETEN GEHIENEZKO FINANTZAZIOA:

300.000 euro, operazio bakar batean edo zenbait operaziotan.

GEHIENEZKO FINANTZAZIOA:

Inbertsio-proiektuaren %100koa.

ONARTUTAKO INBERTSIOAK:

Aktibo finko produktiboak: berriak eta bigarren eskukoak.
Automobilak, prezioa (BEZ barne) 24.000 euro baino txikiagoa denean.
Enpresa eratzeko gastuak, proiektuaren osoaren %10eko mugarekin.
Enpresak erostea.
Balio Erantsiaren Gaineko Zerga (B.E.Z.) edo Impuesto General Indirecto Canario (I.G.I.C.).

AMORTIZAZIO-EPEA:

Bezeroek aukera hauen artean bat har dezake:

3 urte gabe-aldirik gabe
5 urte, 0 edo 1 urteko gabe-aldiarekin.
7 urte, 0 edo 2 urteko gabe-aldiarekin.
10 urte, 0 edo 3 urteko gabe-aldiarekin.
12 urte, 0 edo 3 urteko gabe-aldiarekin.

BEZEROARENTZAT INTERES-TASA:

Finkoa, ICOk hamabost egunero komunikatzen duen kotizazioa, gehi %2,15eraino
Aldakorra, 6 hilabetera Euriborra gehi diferentziala, ICOk hamabost egunero komunikatzen duen kotizazioa, gehi %2,15eraino

ICOREN BONIFIKAZIOA:

ICOk bezeroari operazioaren interes-tasaren %1,50a bonifikatuko du. Inporte hau kapitalaren amortizazio partziala izango da.Bonifikazio honen kantitatea 65 eurokoa da finantziazioko 1.000 eurona.

KOMISIOAK:

Kreditu entitateek ezin dute komisiorik eskatu irekieraz, ikerketaz edo disponibilitateaz.

BORONDATEZKO AMORTIZAZIO AURRERATUA:

Amortizazio aurreratua bai osoa bai partziala, edozein momentutan egin dezake bezeroak baldintza hauekin:

Tasa aldakorra: ez da penalizaziorik egongo.

Tasa finkoa:

Lege 41/2007, de regulación del mercado hipotecario barruan sartzen diren operazioak:

%0,50 flat-a kitatutako kantitatearen gainean, interesen likidazio datan, kitapena lehen 5 urteetan egiten bada.
%0,25 flat-a kitatutako kantitatearen gainean, interesen likidazio datan, kitapena lehen 5 urte pasa eta gero egiten bada.