Gernika-Lumo: dendak eta merkataritza: EVEko diru-laguntzak 2010

EVEko diru-laguntzak 2010 etiketadun mezuak erakusten. Erakutsi mezu guztiak

2010(e)ko azaroaren 17(a), asteazkena

EVE 2010: Leihoen Renove Plana Etxebizitzetan

LEIHOEN RENOVE PLANA ETXEBIZITZETAN 2010

Informazio hau gazteleraz ere irakurri dezakezuLaguntzaren Xedea
Laguntzaren Zenbatekoa
ONURADUNAK: Bezeroak
ONURADUNAK: Dendak
Eskabideak Aurkezteko Epea
Informazio gehiago

LAGUNTZAREN XEDEA

Programa hau ohiko etxebizitzaren beiraztatutako itxiturak berritzeko laguntzak emateko eratu da, eraginkortasun handiko prestazio termikoak dituzten leihoak jarri ahal izateko (ikus Baldintza Orokorrak pdf formatuan). Beiraztatutako itxituratzat hauexek hartuko dira: berotutako leku edo gune batean dauden eta kanpo aldetik aldentzeko erabiltzen diren leihoak edo ate-leihoak, etxeko alorrean energiaren kontsumoa gutxitzeko xedez.

INDIZEA

LAGUNTZAREN ZENBATEKOA

Emango den diru-laguntzaren gehieneko zenbatekoa inbertsioaren %22 izango da (Ezarritako Oinarria). Nolanahi ere, leihoaren m2 bakoitzeko emango den gehieneko diru-laguntza 450 eurokoa izango da, eta etxebizitzako emango den gehieneko zenbatekoa 1.200 eurokoa izango da.

INDIZEA

ONURADUNAK: BEZEROAK

Etxebizitza baten jabea den pertsona fisikoa edo juridikoa edo haren usufruktuduna, edo haren errentaria, eta leihoak berritu nahi dituena. Etxebizitza Euskal Autonomia Erkidegoan egoteaz gain, ohiko etxebizitza izan behar da.

INDIZEA

ONURADUNAK: DENDAK

Diru-laguntza onuradungaiak eskatuko du, eta onuraduna nor izan daiteken aurreko puntuan dago adierazita.

Edozein kasutan jarriko diren leiho berri guztiek CE marka eraman beharko dute, eta arotzia metalikoaren kasuan, zubi termikoaren haustura eduki beharko dute.

Beira bikoitza Isolamendu Termiko Sendoa (ATR) deritzonaren modukoa izango da, eta transmisio
termikoaren balioa (ahalmen isolatzailea edo U balioa) honako hau edo txikiagoa izango da:

1,50 W/m2.K, beirak arotzia metalikoarekin batera jartzen direnean.
2,00 W/m2.K, beirak arotzia EZ metalikoarekin batera jartzen direnean. (PVC, zura, mistoa, poliuretanoa, etab.).

Gainera, leiho zuloak etxebizitzaren kanpo aldeko itxituren barruan izango dira, eta ez dute diru laguntzarik jasoko etxebizitzaren barne aldeko itxituretan kokatutako leihoek.

INDIZEA

ESKABIDEAK AURKEZTEKO EPEA

Diru-laguntza eskabideak aurkezteko epea 2010eko urriaren 9ean hasiko da eta 2011ko urtarrilaren 31an edo plan honetara esleitutako aurrekontua agortzean amaituko da.

2010eko urriaren 1a baino lehen egindako inbertsioak ezin izango dira baliatu programa honen dirulaguntzaz.

INDIZEA

INFORMAZIO GEHIAGO

EVE-ko orrian informazioa:

INDIZEA

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:

2010(e)ko uztailaren 5(a), astelehena

EVE 2010: Etxetresna Elektrikoen Renove Plana

ELEKTROGAILUEN RENOVE PLANA: 2010

Informazio hau gazteleraz ere irakurri dezakezuLaguntzaren Xedea
Laguntzaren Zenbatekoa
ONURADUNAK: Bezeroak
ONURADUNAK: Dendak
Eskabideak Aurkezteko Epea
Informazio gehiago

LAGUNTZAREN XEDEA

Programa honek etxean kontsumitzen den energia elektrikoa murriztea dauka helburu. Hori lortzeko, egun etxeetan erabiltzen diren hozkailuen, izozkailuen, garbigailuen, ontzi-garbigailuen, labeen eta gaineko sukaldeen ordez, A klaseko edo hortik goragoko energia-etiketa duten etxetresnak erabiltzea. Horretaz gain, garbigailu eta ontzigarbigailuen kasuan, A garbiketa-eraginkortasuna dutenak.

Orduan, A energia-kalifikazioa edo handiagoa duten etxetresna elektrikoen eskurapena diruz lagunduko da, baldin eta etxetresna eraginkor berriak mota bereko etxetresna zahar bat ordezkatzen badu.

INDIZEA

LAGUNTZAREN ZENBATEKOA

Diruz lagunduko diren etxetresna elektrikoak eta bakoitzari dagokion diru-laguntzaren zenbatekoa
hauexek dira:

Etxetresna	diru-laguntza (€/tresnako)
Hozkailua eta hozkailu-izozkailua, A++ energia-kalifikazioarekin	125
Izozkailua, A++ energia-kalifikazioarekin	125
Hozkailua eta hozkailu-izozkailua, A+ energia-kalifikazioarekin	105
Izozkailua, A+ energia-kalifikazioarekin	105
Garbigailua, A energia-kalifikazioarekin, A garbiketa-efikaziarekin eta energia-kontsumoa 170 Wh/kg. edo txikiagoa ala termoeraginkorra	105
Ontzi-garbigailua termoeraginkorra edo A energia-kalifikazioarekin, A garbiketa-efikaziarekin eta energia-kontsumoa 0,98 kWh/ziklo edo txikiagoa	105
Indukziozko gaineko sukaldea	105
Ontzi-garbigailua, A energia-kalifikazioarekin, A garbiketa-efikaziarekin eta energia-kontsumoa 0,98 kWh/ziklo baino handiagoa	85
Labea, A energia-kalifikazioarekin	85
Indukzio mistozko gaineko sukaldea	85
Gasezko gaineko sukaldea	50

INDIZEA

ONURADUNAK: BEZEROAK

Pertsona fisiko edo juridiko publiko eta pribatuak. Pertsona horiek laguntza-ildo honen baitan jasotako etxetresna-mota bakoitzetik bakar bat ordeztu dezakete, baldin eta haren ordez A klaseko edo hortik goragoko etiketa energetikoa duen beste etxetresna elektrikoren bat eskuratzen badute, erabiltzeko bada eta Euskal Autonomia Erkidegoan bizi badira.

Laguntza jasotzeko bezeroek egin behar duten tramite bakarra etxetresna programara atxikitako denda batean erostea da eta ordeztutako etxetresna entregatzea. Atxikitako denden zerrenda EVE-ko orrian aurkitu daiteke eta guztiek Ekimenaren logotipoa ikusteko moduan edukiko dute.

INDIZEA

ONURADUNAK: DENDAK

2010eko Etxetresna Elektrikoen Renove Planera atxiki nahi diren dendek Atxikimendu Protokoloa bidali behar dute EVE-ra. Dokumentu hau erakunde honen orrian aurkitu dezakete. Bestalde Etxetresna Elektrikoen + Euskadi 09 Renove Planera atxikitako dendek, kontrakoa idatziz adierazi ezik, 2010eko Etxetresna Elektrikoen Renove Planarekin ere bat egingo dute.

Dendek berariaz prestatutako aplikazio informatiko bat edukiko dute operazioen datuak sartzeko, aplikazio horren lotura programaren orrian dago: SALTOKIENTZAKO SARRERA

INDIZEA

ESKABIDEAK AURKEZTEKO EPEA

Diru-laguntza eskabideak aurkezteko epea 2010eko uztailaren 2an hasiko da, eta 2010eko azaroaren 30ean edo plan honetara esleitutako aurrekontua agortzean amaituko da.

INDIZEA

INFORMAZIO GEHIAGO

EVE-ko orrian informazioa:

INDIZEA

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN: