MLTK Gernika-Lumoko EKAINAren Boletina

MLTK Gernika-Lumo: 2009KO MAIATZAREN BULETINAREN INDIZEA

---

• ARGIAREN PREZIO BERRIAK:

Argi-Merkatuaren liberalizazioak tarifak aldatu ditu

---

• MARKETINA: PREZIOA SUSTAPEN TRESNA:

PREZIOA Marketin tresna da

• PREZIOA eta DENDAREN IRUDIA
• PREZIOA eta BEHERAPENEN TRANPA
• PREZIOA eta BALIOA
  

---

• 2009KO UZTAILEKO ERAKUSKETA AZOKAK

2009ko Uztaileko Erakusketa-Azokak

Elektrizitate-Merkatuaren liberalizazioa: Informazioa Tarifa berriei buruz

ARGITASUN GUTXI TARIFA ELEKTRIKOETAN

Informazio hau gazteleraz ere irakurri dezakezu

Merkatu elektrikoaren liberalizazioa dela eta, 2009ko uztailaren 1a izan da tarifa elektriko berriak indarrean sartu diren data. Honek guztiak ematen duena baino garrantzi handiagoa du, baina ez zaio merezi duen zabalkundea eman.

Zergatik? Tarifa berriak indarrean jartzean, enpresa txikietan hiru hileko faktura elektrikoen %5en igoera eragin dezakeelako. Beraz, zuhur eta zuzen jokatzea baino ez dugu.

TARIFA BERRIAK:
Etxeko kontsumorako, oinarrizko bi tarifa mota daude:

• Azken Baliabidearen Tarifa (ABT)
  

Tarifa mota hau ez dago liberalizatuta eta ordaindu beharreko zenbatekoa legez dago araututa. Tarifa mota hau 10 kW baino potentzia txikiagoa kontratatuta duten bezeroek baino ez dezakete har. Tarifa honek, orain arte aplikatu izan diren tarifen aldean, %2ko igoera izango du 2009ko uztailetik aurrera.

Azken Baliabidearen Tarifa besterik adierazi ezean aplikatzen da, hots, tarifa hori nahi izanez gero ez da deus egin behar. Era horretan, egungo enpresa hornitzaileak bideratuko du fakturazio tarifa mota hau komertzializatuko duen baimendutako enpresara.

Tarifa mota honekin ados egon ezean, liberalizatutako merkatura jotzea baino ez dago eta aldaketa egin enpresa komertzializatzaileek egin dezaketen eskaintza onartuz. Hala eta guztiz ere, adituek itxarotea aholkatzen dute, eta ondo irakurtzea egiten diren eskaintzak. Balizko deskontuak enpresa berriekiko lotura ez aldatzeko konpromisoa dator batera, eta luzaroan garesti atera daiteke.

• Tarifa liberalizatua
  

Tarifa liberalizatua ez dago araututa eta, horren ondorioz, aldakorra izan daiteke. Aldakortasun honetan, esaterako, petrolioaren kotizazioan izan daitezkeen aldaketek izan dezakete eragin.

10 kW baino gehiagoko potentzia kontrataturik duten bezeroek derrigorrean hartu behar dute tarifa mota hau, eta ez dute ABT kontratatzeko eskubiderik. Kontsumitzaile multzo honek onartu behar izango du enpresa komertzializatzaileek egiten dizkioten eskaintzetariko bat edo beste. Kolektibo honetan denda eta enpresa kopuru handia dago sartuta, eta aukeratu egin beharko dituzte nahitaez enpresa elektrikoen eskaintzak.

GALDERAK ETA ERANTZUNAK:

• Zertan aldatuko dira tarifa elektriko berriak?
  

Uste izatekoa da liberalizazioak prezioak merkatu egingo dituela. Hala eta guztiz ere, pentsatzekoa da elektrizitatea sortzen duten horniduren (petrolioa, gasa…) prezioek gora egiten badute, elektrizitatearen garestitzea ekarriko dutela.

Tarifa libreen gorabehera zein izango den ezin da ziurtatu, baina ABTa aldatu egingo da elektrizitatearen ekoizpen-kostuak aldatuz gero.

• Ba al da aldatzerik ABT-tik merkatu librera eta alderantziz?

ABT izateko eskubidea izanez gero, tarifen arteko aldaketak erabat libreak dira, baina kontuan hartu behar da enpresa komertzializatzaileak bertan geratzeko konpromisoa exijitu ahal duela eta horrek, jakina, aldaketak egiteko aukerak mugatzen ditu.

• ABT izateko eskubiderik eduzki ezean, zer egin dezaket?

10 Kw baino handiagoko potentzia kontrataturik baldin baduzue, derrigorrezkoa da merkatu librera igarotzea. Kasu honetan, merkatuan dauden eskaintzak aztertu eta aukeratu egin behar da.

• Hornidurarik gabe geratzeko arriskua al da deus egin ezean?
  

Ez, baina merkatu librera ez igarotzeak zigorra dakar: tarifa-gehikuntza. Hirihilabeteko tarifan %5eko gehikuntza aplikatuko da ABT-n jarraitzen duzun bitartean. Merkatu liberalizatura igarotzeko azken epemuga 2010. urtea da.

• Eta orain, zer egin behar dut?
  

- Kontrataturiko potentzia 10 kW-koa baino txikiagoa bada, ez da ezer egin behar eta ABT aplikatuko da. Aurrerantzean, merkatu librean dagoen eskaintzaren bat interesatzen bazaizu, horixe aukeratu eta kitto.
- Kontrataturiko potentzia 10 kW-koa baino handiagoa bada, derrigorrezkoa da eskaintzak bilatzea merkatu librean eta bat aukeratzea.

Informazio Gehiagoa
Ministerio de Industria, Turismo y Comercio

EGILEA:

Borja Escalona

Merkataritzarako Teknikaria

MLTK Gernika-Lumo-k sortua

Marketing-aren Elementuak: PREZIOA

KRISIA, MERKEALDIAK ETA PREZIOAK

Informazio hau gazteleraz ere irakurri dezakezu

Krisi garai honetan, funtsezko unea iritsi da saltokientzako: merkealdiak. Gauza nabaria da garai honetan prezioak merkatu egiten direla, baina krisia dela eta, 2009ko udaldiko merkaldia gogorrenatarikoa izango delakoan gaude. Iragartzen ari diren deskontuak handienak dira aspaldiko partez.

Merkatariek eurek adierazitakoa dugu arestian esandakoa, eta markek (fabrikatzaileek) era orokorrean egin dute prezioen merkealdiaren aldeko apostu hori, marketin gisa, etekinak hobetze aldera.

PREZIOAK MARKETING-TRESNA GISA:
Osagai hauek guztiak kontuan izanda, prezioak marketinaren protagonista ia bakarrak bilakatu dira. Egia da bezeroak inoiz baino gehiago begiratzen diola prezioari, baina erosteko erabakia hartzen duenean ez da kontuan hartzen duen gauza bakarra. Hau horrela balitz, Discount eta Hard Discount saltokiak izango lirateke saltzen bakarrak.

Salmenta estrategia prezioan baino ez oinarritzeak, prezioak merkatzean, hain zuzen ere, kontuan hartu beharreko arriskuak sor ditzake:

• SALTOKIAREN IRUDIA: Prezioa marketina egiteko baliabide nagusitzat erabiltzeak mugatuko egingo luke saltokiaren irudia eta “prezio” saltoki bilakatzeko arriskua dakar.
  

• MERKEALDIAREN TRANPA: Prezioa merkatzeak salmenta kopurua handitu ezean, saltokiaren egoerak hobera barik, txarrera egingo du.
  

• PREZIOA vs BALIOA: Bezeroak ez du produktu bat erosten, balioa baizik. Balioa ordaintzen du, eta balioa praktikoa da, eta baita emozionala ere.

BERAZ, ZER EGIN DEZAKEGU?
Prezioa marketin gisa erabil daiteke eta erabili egin behar da. Abagune eder hau ezin da baztertu. Baina kontuan hartu behar dira era indiskriminatuan erabiltzeak saltokian eragin ditzakeen arriskuak. Hortaz, honako aholku hauek emango dizkizuegu:

• Merkealdiaren baliabidea neurrian erabili.
• Merkealdia itxuraldatu eta beste alternatiba batzuk erabili, esaterako, sustapen-opariak, pack-deskontuak,…
• Kobratzen diren zerbitzu osagarriak sustatu, produktua bera sustatu beharrean.
• Merkealdia txeke-opari gisa eskaini, gero egin daitezkeen erosketak helburu.
• Bezeroaren leialtasuna lortze aldera, puntudun txartelak eskaini, erositakoaren kopuruagatik opariak egin,...

LABURBILDUZ:
Erabil al daitezke merkealdiak sustapen-kanpaina gisa?
Jakina! Ezin zaio uko egin hain eraginkorra den baliabide horri. Artikulu honetan azaldu nahi dena da ezin dela baliabide hori izan sustapenerako erabili behar den bakarra.

Prezioak jaisteak saltokiaren irudi txarra emango luke?
Ez du zertan. Alderantziz, irudi ona emango lukeelakoan gaude. Prezioa ez dadila protagonista izan, hori da gakoa. Prezioa beste era batera jantzi, edertu, dotoretu eta saldu behar da. Hori baino ez da.

Gaur egun saltoki guztiek dituzte deskontuak eta eskaintzak, baita saltoki handiak ere. Nik neuk ere hori egin ezean, ez naiz desfasaturik geratuko?
Erabakiak ezin dira hartu bestek egiten duelako; bezeroaren premiak hartu behar dira helburutzat. Bezeroak produktua prezio onean erosi nahi badu, horixe da eskaini behar zaiona. Baina ez hori soilik, tartean badaude beste baliabide batzuk ere, esaterako, sustapen kanpainak, pack-aurrezkiak, bezeroen leialtasuna lortze aldera egin daitezkeen deskontuak edo, besterik gabe, bezeroari gogoraraztea herriko dendetan erostea merkeagoa dela, Simpson kanpaina esaten zen bezala.

EGILEA:

Borja Escalona

Merkataritzarako Teknikaria

MLTK Gernika-Lumo-k sortua

PREZIOA eta BALIOA

EZ DU BALIO DUENA BALIO ETA EZ DU BALIO DUEN BALIOA: ZERK BULTZATZEN DU BEZEROA EROSTERA?

Informazio hau gazteleraz ere irakurri dezakezu

Bezeroek ez diote soilik prezioari begiratzen. Horrela balitz, produktu merkeenak erosiko lituzkete beti. Garestienak, bestalde, urdindu egingo lirateke erakusleihoetan. Beste hainbeste gertatuko litzateke dendekin, deskontu dendak baino ez lirateke egongo.

Baina ez da hori gertatzen. Erosketa bat egiten denean, osagai emozionalak bere garrantzia du eta honek baldintzatu egiten du erosketa. Balioa da eta erosleak balio hau antzeman egiten du, erosgaiak transmititu egiten dio erosleari balio hori.

PREZIOA:
Prezioa aldagai erreal eta ezaguna da. Zenbaki bat da, zenbatu eta batu dezakeguna…eta honako eragiketaren emaitza du:

Numeragailuaren eta izendatzailearen elementuak aldakorrak izan daitezke inguruabarren, establezimenduaren, zeharkako eta zuzenak diren kostuen arabera. Horrela, 10 euro balio duen ondasun bat eros daiteke. Baina gerta daiteke beste une batean edo beste denda batean ondasun berdina erostea 11 eurotan. 10 euro horiek erabilita, erosleak, bestalde, ondasun bat edo bat baino gehiago eros ditzake.

BALIOA:
Ondasunak duen balioagatik egiten da erosketa. Odasun hori, gainera, onura da eroslearentzat, arazo bat konpontzen dio, asebete egin du edo nahi bat betetzen laguntzen dio. Balioa honela defeni dezakegu:

Goiko formulan ikus dezakegunez, balioak zortzi aldagai ditu, eta horietako bat prezioa da (ordainketa). Baina beste zazpi aldagi ditu balioak eta, horietan eraginda, produktuak duen balioa emenda liteke.

Formulan adierazten ez dena hauxe da: aldagaiak ponderatu egiten dira, hots, den-denek ez dute garrantzi bera eta ponderazio hauek aldatu egin daitezke. Horrek esan nahi duena da ponderazioetan ematen diren aldaketek ez dutela zertan aldaketa bera eman azken emaitzan.

Prezioa jaisteak emendatu egiten du produktuaren balioa. Baina prezioak behera egiten duen neurrian, gero eta gutxiago aldatzen da balioa. Are gehiago, zero prezioa izanda, litekeena da balio handiagoa izatea prezio handiagoa duen ondasunak baino. Eta hori gainontzeko aldagaiek prezioa konpentsatu egiten dutelako gerta daiteke. Argi eta garbi gertatzen hau zaharkiturik dauden produktuetan. Zaharkiturik geratu den produktua erdi debalde ere sal daiteke, baina erosleek kasurik ere ez diote egingo, modernoago eta gaur egungoago den produktua erostea erabakiko dutelako.

PREZIOA eta BALIOA:
Erosleek konparaketak egiten dituzte eta balioak prezioa konpentsatzen duenentz erabakitzen (erosten) dute eta baita gure produktuak eta dendak eskaintzen duten balioa handiagoa denentz beste denda batek eskaintzen duenarekin alderatuz. Gonbaraketa honen ondorioak erabakiko du produktu hori gure dendan erosiko duen ala ez. Prezioak badu bere garrantzia, baina erosketa bat egiten denean ez da zio nagusiena.

EGILEA:

Borja Escalona

Merkataritzarako Teknikaria

MLTK Gernika-Lumo-k sortua

PREZIOA eta BEHERAPENEN TRANPA

PREZIO GATAZKAREN ARRISKUA: MERKEALDIEN GATIBU

Informazio hau gazteleraz ere irakurri dezakezu

Enpresaren eta honek komertzializatzen dituen produktuen irudia dagokion tokian jartzen laguntzen dute prezioek. Prezioek, halaber, funtzio garrantzitsua betetzen dute enpresaren biziraupenean, hots, baliabideak (dirua) ematen dizkiote enpresak aurrera jarrai dezan.

Salmentek behera egiten dutenean, prezioen erruagatik dela pentsatu ohi dugu. Hortaz, eskaerarekin bat egiteko asmoz, prezioak merkatzeko tentaldia izaten dugu. Estrategia honen gakoak aztertuko ditugu jarraian:

• AZALPENA:

Salmenta kopurua txikia da. Hau emendatzeko, prezioak jaistea proposatzen da.

• MITOA:
  

Salmentak txikiak dira, prezioak handiak direlako. Prezioak jaitsi eta salmentak gora egingo du eta, ondorioz, saltokiaren mozkinak ere bai.

• GERTATZEN DENA:

Salmentak igotzeko prezioak jaisteak ez du nahaitaez saldutakoaren kopurua igotzen. Hori dela eta, saltokia hasieran baino egoera okerragoan geratuko da. Alegia, kopuru bera salduko du edo apurren bat gehiago, baina marjinak urriagoak dira. Egoerak, hortaz, txarrera egiten du larriki.

• AZALPENA:

Bezeroa ez du soil-soilik prezioak motibatzen. Prezioa garrantzitsua da bai, eta areago krisi-koiunturan, baina are garrantzitsuagoa da erosten den produktuaren balioa.

Balio hau emozionala ere izan daiteke, ukiezina, eta ezin da beti diruarekin neurtu. Balio hau da, gainera, pertsona bultzatzen duena dendara, eta denda zehatz batera eta ez bestera, eta produktu zehatza erostera. Balio hau pertsonala da, emozionala eta besterenezina.

• TRANPA:

Dendaren diferentziazioa preziora mugatzeak eta soilik prezioara (edo batez ere preziora), ditugun bezeroak prezioari baino ez begiratzea dakar. Eta horrek honako paradoxa hauetara eramaten gaitu:
1: Bezeroek preziorik merkeenak bilatuko dituzte eta gure establezimenduak prezio hori eskaintzen ez badio, beste batera joango da.
2: Beti egongo da, beti, beste establezimendu bat gure prezioa baino merkeago eskainiko duenik.

• KONPONBIDEA:

Konponbidea erraza eta zaila da aldi berean:

Bezeroari nahi duena ematen zaionean erraza da, hau da, eskatzen digun balio hori ematen zaionean.

Baina bezeroak zer nahi duen ez dakigunean zaildu egiten da egoera. Bezeroa ezagutu egin behar da, bezeroak bere burua baino hobeto ia. Hori dela eta, honako galdera hau datorkigu burura:

Zer eskain diezaieket nire bezeroei benetan interesatu dakiekeenik eta beste denda batek eskaini ez deiezaiekeenik?

Erantzuna merkataritzaren arrakastaren gakoa da.

EGILEA:

Borja Escalona

Merkataritzarako Teknikaria

MLTK Gernika-Lumo-k sortua

PREZIOA eta dendaren IRUDIA

DENDAREN IRUDIAN PREZIO GATAZKAK DUEN ERAGINA

Informazio hau gazteleraz ere irakurri dezakezu

Prezioak dendaren irudia bermatzen laguntzen du. Dendak eta produktuak sailkatzen ditugu, hauek duten irudiaren arabera. Aldi berean, irudi hauek prezio jakinekin lotzen ditugu.

Denda batean erosten dena, ordea, ez da prezioa izaten, sentsazio bat da, bizipen bat, balio multzoa da eta prezioak bere garrantzia du, jakina, baina baita inguruak, dendako dekorazioak, dendariak bezeroari eskaintzen dio arreta, produktuaren kalitatea etabar.

Horiek horrela, merkatariaren estrategia eta marketina prezioan baino oinarritzen ez bada, ingurabar hori guztia desagertu egiten da eta produktu jakin bat erosteko kontuan hartu beharreko aldagai guztiak preziora murrizten dira.

IRUDIAREKIKO ARRISKUAK

Preziorik merkeenean oinarritutako salmenta estrategian bi bezero mota aurki ditzakegu:

• Gure establezimendua zein beste edozein berdin dion bezeroa dugu, alde batetik. Erabakia hartzeko arrazoi nagusiena prezioa izanez gero, bezeroak horri baino ez dio arretarik emango eta preziorik merkeenak dituen establezimendua baino ez du bilatuko.
  

• Gure produktuak axola ez dizkien bezeroak ditugu, bestetik. Hau da, gure produktuek ez diete bera erostera bultzatuko duen ezelako sentsaziorik eragiten, eta hau premia biziko produktuekin gerta daiteke.

ALTERNATIBA

Konponbidea erraza da, hots, marketina ezin da prezioan oinarritu. Bezeroa behar bezala ezagutu behar da, behar duena emateko, eta konponbideak bilatu behar dira establezimenduaren irudiaren kalterako barik, onerako direnak. Konponbideok asko eta ugariak dira, irudimena astinduz gero. Baina hori bai, den-denek egin behar dute bat establezimenduaren irudiarekin:

• Prezioen zeharkako merkaldiak: zerbitzu erantsietako kostuak murriztu edo kendu (etxerako garraio-kostuak, konponketak…)
• Etorkizunean egingo diren erosketetetan deskontuak eskaini.
• Bezeroen leialtasuna lortze aldera, zerbitzuak eskaini.
• Etabar.

EGILEA:

Borja Escalona

Merkataritzarako Teknikaria

MLTK Gernika-Lumo-k sortua

2009ko uztaileko Erakusketa azokak

NOTAK:

- Informazio hau Gernika-Lumoko MLTK-tik kanpo dator eta ezin dugu bere fidaltasuna %100ean egiaztatu.

- Leku honetatik kanpora irteten diren loturak daude.

---

2009KO UZTAILEKO ERAKUSKETA AZOKAK

NOTA: Azokak kronologikoki ordenatuta daude

(*) Datak zehaztu gabe


BREAD & BUTTER

2009ko uztailaren 1etik 3ra

Moda

BARCELONA

Fira Barcelona

---

FEIRA INTERNACIONAL DE MOSTRAS DO NOROESTE

2009ko uztailaren 7tik 12ra

Feria Internacional de Muestras del Noroeste (multisectorial)

FERROL (La Coruña)

FIMO / Consorcio Pro-Ferias y Exposiciones

---

THE BRANDERY, Post fashion Circus

2009ko uztailaren 7tik 9ra

Salón de marcas de moda masculina y femenina en Barcelona

BARCELONA

Fira Barcelona

---

SIMM

2009ko uztailaren 16tik 18ra

Salón Internacional de Moda de Madrid

MADRID

IFEMA / Feria de Madrid

---

MEETING TUNING CIUTAT DE REUS

2009ko uztailaren 18tik 19ra

Se puede encontrar vehículos tuneados pero también piezas de recambio, miniaturas, vestuario, así como actuaciones musicales y zona lúdica

REUS (Tarragona)

Fira de Reus

---

ARTESANTANDER

2009ko uztailaren 22tik 26ra

SANTANDER

Palacio de Exposiciones de Santader

---

FIRA DE SANT JAUME

2009ko uztailaren 24tik 26ra

Alimentación, venta directa, exhibición de animales y espectáculos ecuestres.

REUS (Tarragona)

Fira de Reus

---

ALMONEDA

2009ko uztailaren 31tik abuztuaren 4ra

SANTANDER

Palacio de Exposiciones de Santader