2010eko Udako Merkealdiak

MERKEALDIA: 2010EKO UDA

Informazio hau gazteleraz ere irakurri dezakezu

Uztailaren 1ean emango zaio hasiera 2010eko udako merkealdi denboraldiari. Irailaren 30era arte iraungo du merkealdi denboraldi honek. Salmenta modalitate berezi hau erabili nahi duten dendek jakinarazi egin behar dute zein datetan atxikiko zaizkion merkealdi denboraldiari.

Dendek era askean izango dute aukera merkealdiak noiz hasi eta noiz bukatu nahi dituzten. Baldintza bat dute horretarako baina, hots, gutxienez, astebetekoa izango da eta, askoz jota, bi hilabetekoa.

• Krisiak jota

Krisiak argi eta garbi nabarmendu du aurtengo merkealdi hau. Badira aspalditik eskaintza bereziak burutzen diharduten dendak, kanpaina ofizialari aurrea hartuta. Halaber, 2009an eman zen salmenta kopurua eta aurtengoa antzekoa izatea espero da. Pertsona bakoitzak 90 euro inguruko gastua egingo du, bataz beste.

• BEZa, protagonista

Aurtengo merkealdietan ezaugarri berezi bat agertu zaigu, hots, BEZaren igoera, uztailaren 1etik aurrera indarrean jarriko dena. Igoera honek jendea erostera bultza dezake, lehen denboraldi honetan denda askok bere gain hartuko baitu BEZaren igoera, haien interes marjinak murriztuz. Kontsumitzeko aukera paregabea da, hortaz, ez baita jasan behar izango kostu erantsi hori.

• Administrazioari abisua ematea

Bi dira salmentak merkealdian egingo dituen dendak datak jakinarazteko erak:

1. Bertaratuta: Komunikazio agiria bete eta Industria, Merkataritza eta Turismo saileko Lurralde-bulegora norberak eraman.
2. Internet-en bidez: Oso erraza den aplikazioan dendako datuak bete. Sartzeko hemen klikatu egin behar da: MERKEALDIKO KANPAINA

Komunikazioa Internetez egin nahi baduzu GIDA hau erabili dezakezu.

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN: