Gernika-Lumoko merkataritzaren behatokia: 1. jasoaldia

ETORKIZUNA DUEN SEKTOREA

Informazio hau gazteleraz ere irakurri dezakezu

Joan den 2023an, Gernika-Lumoko Udaleko Merkataritza Arloak hiriko Merkataritzaren Behatokia jarri zuen martxan, gure hiri-merkataritzari buruzko informazioa sistematikoki eta erregulartasunez biltzeko.

Ekintza honen helburua da informaziorik onena izatea arlo honetako jarduera gidatzeko, gure kaleak hartzen dituen merkataritza-sarea osatzen duten enpresa eta pertsona horien mesedetan.

Azterlanaren fitxa teknikoa:

Azterketa 2023ko irailaren eta 2024ko urtarrilaren artean egin zen, udalerriko saltokiei eta zerbitzu-enpresei gutunak, online inkestak eta elkarrizketa pertsonalak bidaliz. 38 establezimenduko lagina lortu zen, % 95eko konfiantza-mailarekin eta % 14,5eko lagin-errorearekin. Galdeketak merkataritzaren datuak, egoera ekonomikoa, digitalizazio-maila, etorkizunerako itxaropenak eta udalarekiko harremana bildu zituen.

Merkatariaren profila:

Datuek erakusten dutenez, titularren artean emakumeak dira nagusi ( % 74) eta 45,7 urteko batez besteko adina dute. Gainera, pertsona horien artean merkataritza-tradizio garrantzitsua dago, negozioen % 32 familiaren ondorengotzatik baitatoz. Udalerriaren ikur bereizgarria den lan egiteko modu bat betikotzen duten familia-sagak.

Merkataritzaren profila:

Gernika-Lumoko hiri-merkataritzaren daturik esanguratsuenak hauek dira:

• Establezimenduen % 95 Gernika-Lumoko erdigunean daude, eta % 90ek salmenta-puntu bakarra dute. Horrek merkataritza-ekosistema bat erakusten digu, 30.000 metro karratu baino gehiagoko merkataritza-azalera duen merkataritza-gune ireki garrantzitsu bat osatzen duena.
• Jabetza-erregimen nagusia alokairua da ( % 68 eta % 32 jabetzan).
• Establezimendu bakoitzeko batez besteko enplegua 3,11 pertsonakoa da; horietatik % 75 emakumeak dira eta % 45 autonomoak. % 90ek lanaldi zatituko ordutegia du, astelehenetik ostiralera, eta % 74k larunbatetan goizez bakarrik irekitzen du.
• Online presentzia maila altua da, ia % 80 Googleren bilatzailean eta sare sozialetan dago, % 61ek webgune propioa du eta % 53k WhatsApp Business erabiltzen du. Nabarmentzekoa da, halaber, % 40k badutela online salmenta-kanala, batez ere ekipamendu pertsonalaren eta etxekoen unitatearen sektoreetan.
• Sektorearen profesionaltasunari dagokionez, % 87k kudeaketa-programa bat du, eta % 61ek dio datuak eta informazioa ohiko moduan erabiltzen dituela negozioaren analisirako eta erabakiak hartzeko.

Sektorea hobetzeko proposamenak:

Azterlan honen puntu garrantzitsuenetako bat merkatarien iritziak eta iradokizunak biltzea zen, udal-ekintza hobetzeko. Asko izan dira jasotako ekarpenak, eta honako hauek izan dira gai garrantzitsuenetako batzuk:

• Gernika-Lumo aire zabaleko merkataritza-gune gisa balioestea, eta saltokien arteko bereizketa eta lankidetza sustatzea.
• Udalerrirako irisgarritasunarekin, zirkulazioarekin, erdiguneko aparkalekuarekin eta TAOrekin lotutako gaiak.
• Aisialdia eta merkataritza konbinatzea, tokiko erosketa eta kontsumo arduratsua sustatzeko.
• Merkatu Plaza biziberritzea.

Ondorioak:

Gernika-Lumoko hiri-merkataritzaren sektorea aurrez aurre dago. Gainerako herrietan bezala, kanpoko mehatxu askori. Hala ere, bildutako irudiak enpresa eta ekintzaile multzo bat erakusten du, zailtasunak zailtasun, etorkizuna badagoela eta aprobetxa daitezkeen aukerak daudela pentsatzen jarraitzen duena.

EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:

Eustat: Txikizkako merkataritzaren indizea (2023/IV)

2023: EGONKORTASUN GEHIEGI

Informazio hau gazteleraz ere irakurri dezakezu

Euskal AEko txikizkako sektorearen salmentak %0,9 gehitu ziren 2023. urte osoan, Eustatek landutako datuen arabera

Oharra: Kalkulu guztiak prezio konstanteetan egiten dira, hau da, inflazioaren eragina kenduta.

Euskal AEko Txikizkako Merkataritzaren Indizea. Urte arteko eta hilabete arteko aldakuntza-tasak (p). 2023/IV
	Prezio finkoak
	t / t-4	t / t-1	At / At-4
INDIZE OROKORRA lurralde historikoaren arabera
Euskal AE	0,3	0,3	0,9
Araba/Álava	-0,1	0,4	-1,3
Bizkaia	0,2	0,1	2,0
Gipuzkoa	0,6	0,5	0,2
INDIZE OROKORRA sektorearen arabera
Janariak	0,9	-1,1	1,2
Elikagaien saltoki espezializatuak	1,3	-0,2	-0,9
Elikagaiak nagusi diren establezimendu ez-espezializatuak	0,6	-1,8	2,1
Gainerako produktuak	1,1	2,0	1,4
Pertsonaren ekipamenduan espezializatutako establezimenduak	2,8	0,5	3,8
Etxearen ekipamenduan espezializatutako establezimenduak	-1,5	1,7	-2,4
Kontsumoko beste ondasunetan espezializatutako establezimenduak	6,0	0,9	5,8
Gainerako produktuak nagusi diren establezimendu ez-espezializatuak	-0,8	-1,2	1,7
Automoziorako erregaia	-8,4	-3,3	-3,6
INDIZE OROKORRA gasolindegirik gabe	1,0	0,5	1,3
LANGILERIA-INDIZEA
Euskal AE	1,1	-0,2	1,3
(p) Behinbehineko datuak
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
At/A(t4) Lehen hiruhilekotik behatutako azkenekora arte metatutako aldiko urte arteko tasa (At) aurreko urtean metatutako aldi beraren aldean.
Iturria: Eustat. Txikizkako Merkataritzaren Indizea (BMIt)

Elikadurako txikizkako merkataritzaren barruan, elikagaietan, edarietan eta tabakoan espezializatutako merkataritzako salmentak (fruta-dendak, harategiak, arrandegiak, etab.) %1,3 gehitu dira 2022ko laugarren hiruhilekoaren aldean. Supermerkatuen eta Hipermerkatuen salmentak, bestalde, %0,6 igo dira urte arteko terminoetan.

Gainerako produktuen txikizkako merkataritzaren barruan, bestelako kontsumo-ondasunetan espezializatutako sektorean (besteak beste, kirol-artikuluak, jokoak edo jostailuak) salmentak %6,0 igo dira aurreko urteko laugarren hiruhilekoaren aldean. Pertsonen ekipamenduan espezializatutako sektorean (arropa, oinetakoak, produktu kosmetikoak edo higienekoak) %2,8ko igoera izan da.

Aitzitik, Etxeko ekipamenduaren sektorean (etxetresna elektrikoak, altzariak eta telekomunikazio-ekipoak) eta Espezializatu gabeko eta gainerako produktuen sektorean (korrespondentzia edo Internet) salmenta-bolumena %1,5 eta %0,8 jaitsi da urte artean, hurrenez hurren.

Jatorrizko oharraren esteka: EUSTAT

EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:

Euskadi: txikizkako sektorearen salmentak % 4,9 hazi dira 2022ko lehen hiruhilekoan

2022. SUSPERRALDIAREN URTEA?

Informazio hau gazteleraz ere irakurri dezakezu

Eustatek landutako datuen arabera, 2022ko lehen hiruhilekoan, Euskal AEko txikizkako merkataritzaren sektorean salmentak % 4,9 igo dira, aurreko urteko hiruhileko beraren aldean. Sektoreko salmentak % 5,4 igo dira 2021eko lehen hiruhilekoaren aldean.

Aurreko hiruhilekoarekin alderatuta, eta urtaro-ondorioak kenduta, 2022ko lehen hiruhilekoko salmenta-indizea % 1,2 igo da.

Sektoreka, 2021eko lehen hiruhilekoaren aldean (urtebete bat), Gainerako produktuen salmentak %11,5 igo dira 2022ko lehen hiruhilekoan. Aldiz, termino berberetan, Elikagaien salmentak %0,7 jaitsi dira.

2021eko laugarren hiruhilekoarekin alderatuta, urtaro-eraginik gabeko terminoetan eta prezio finkoetan, Elikagaien eta Gainerako produktuen salmentak % 0,2 eta % 1,8 igo dira, hurrenez hurren.

Euskal AEko Txikizkako Merkataritzaren Indizea. Urte arteko eta hilabete arteko aldakuntza-tasak (p). 2022/I
	Prezio finkoak
	t / t-4	t / t-1	At / At-4
INDIZE OROKORRA lurralde historikoaren arabera
Euskal AE	4,9	1,2	4,9
Araba/Álava	-0,7	1,2	-0,7
Bizkaia	3,9	0,9	3,9
Gipuzkoa	9,5	1,8	9,5
INDIZE OROKORRA sektorearen arabera
Janariak	-0,7	0,2	-0,7
Elikagaien saltoki espezializatuak	3,3	-0,1	3,3
Elikagaiak nagusi diren establezimendu ez-espezializatuak	-2,5	0,7	-2,5
Gainerako produktuak	11,5	1,8	11,5
Pertsonaren ekipamenduan espezializatutako establezimenduak	11,7	0,6	11,7
Etxearen ekipamenduan espezializatutako establezimenduak	27,7	7,1	27,7
Kontsumoko beste ondasunetan espezializatutako establezimenduak	-4,5	-1,7	-4,5
Gainerako produktuak nagusi diren establezimendu ez-espezializatuak	-8,3	-1,3	-8,3
Automoziorako erregaia	-1,8	-1,4	-1,8
INDIZE OROKORRA gasolindegirik gabe	5,4	1,1	5,4
LANGILERIA-INDIZEA
Euskal AE	3,8	0,4	3,8
(p) Behinbehineko datuak
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
At/A(t4) Lehen hiruhilekotik behatutako azkenekora arte metatutako aldiko urte arteko tasa (At) aurreko urtean metatutako aldi beraren aldean.
Iturria: Eustat. Txikizkako Merkataritzaren Indizea (BMIt)

Elikagaien txikizkako merkataritzaren barruan, Elikagaietan, edarietan eta tabakoan espezializatutako merkataritza (hala nola fruta-dendak, harategiak, arrandegiak, etab.) % 3,3 hazi da 2021eko lehen hiruhilekoarekin alderatuta. Aitzitik, txikizkako merkataritza ez-espezializatua (batez ere, supermerkatuak eta hipermerkatuak) % 2,5 murriztu da.

Euskal AE osoan txikizkako merkataritzaren sektorean lan egiten duten pertsonen kopurua % 3,8 gehitu da 2022ko lehen hiruhilekoan, aurreko urteko lehen hiruhilekoaren aldean. 2021eko laugarren hiruhilekoarekin alderatuta, igoera % 0,4koa izan da.

EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:

2021, errekuperazioa pixkanaka iristen ari da

2021, URTEBETE ITXARONDA BAINA ZAILA

Informazio hau gazteleraz ere irakurri dezakezu

Merkataritzak %0,4ko beherakada izan zuen urte arteko tasan

Iturria: Eustat, Txikizkako merkataritzaren indizea (ICIm). I/2021

Euskal Autonomia Erkidegoko txikizkako merkataritza-sektoreak % 0,4 murriztu ditu salmentak 2021eko lehen hiruhilekoan, aurreko urteko hiruhileko berarekin alderatuta; hala ere, zerbitzuguneak kontuan hartu gabe, 2020ko lehen hiruhilekoaren maila berean jarraitzen dute (urte arteko % 0,0ko aldaketa).

Sektoreka, Elikaduraren salmentek % 1,4ko beherakada izan zuten. Gainerako produktuen salmentei dagokienez, joera kontrakoa izan da, % 1,4 igo baita. Kontuan izan behar da 2020ko martxoaren 14an alarma-egoera ezarri zela COVID19ren pandemiari aurre egiteko19, txikizkako merkataritzaren sektorearen jardueran aldaketa handia eragin baitzuen.

2020ko laugarren hiruhilekoarekin alderatuta, Elikaduran salmentak % 0,6 jaitsi dira, eta Gainerako produktuetan salmentak % 0,7 igo dira.

Elikaduraren txikizkako merkataritzaren barruan, Elikaduran, edarietan eta tabakoan Espezializatutako merkataritza (fruta-dendak, harategiak, arrandegiak, etab.) % 1,6 murriztu da 2020ko lehen hiruhilekoarekin alderatuta, eta txikizkako merkataritza EZ-Espezializatua, berriz, % 1,3 murriztu da (batez ere, supermerkatuak eta hipermerkatuak).

Gainerako produktuen txikizkako merkataritzan, 2021eko lehen hiruhilekoko salmentek bilakaera desberdina izan dute 2020ko hiruhileko berarekin alderatuta. Hala, Etxeko Ekipamenduan espezializatutako merkataritza, besteak beste etxetresna elektrikoak, altzariak eta telekomunikazio-ekipoak barne hartzen dituena, % 16,5 igo da, eta Beste Kontsumo-ondasun batzuetan espezializatutako txikizkako merkataritza (liburuak, papergintzako artikuluak, jostailuak eta kirol-gaiak, adibidez) % 6,0 igo da. Aitzitik, Pertsonaren Ekipamenduan espezializatutako saltokiak (jantziak, oinetakoak eta farmazia-produktuak, adibidez) % 9,0 egin du behera, eta ez-espezializatuak, berriz, % 2,6.

EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:

Hasiera ona merkataritzan

2019 URTEA ONDO HASI DA EUSKAL MERKATARITZARAKO

Informazio hau gazteleraz ere irakurri dezakezu

Txikizkako merkataritzak % 1,9 egin zuen gora, prezio finkoetan

Iturria: Eustat, TXIKIZKAKO MERKATARITZAREN INDIZEA (TMI). I/2019

EUSTATen datuen arabera EAEko txikizkako merkataritza-sektoreak %2,0 handitu zituen salmentak, prezio finkoetan, 2019ko lehen hiruhilekoan, aurreko urteko aldi beraren aldean.

Aurreko hiruhilekoari dagokionez, salmenta-indizeak %0,2ko igoera erreala izan du, urtaroaren araberako eraginak ezabatu ondoren.

Sektoreen arabera, elikagaigintzak %1,4 areagotu zituen salmentak 2019ko lehen hiruhilekoan eta gainerako produktuen txikizkako merkataritzak %2,4 egin zuen gora. Hori guztia, 2017ko aldi beraren aldean eta prezioen efektua kendu ondoren.

Elikagaigintzaren txikizkako merkataritzaren barruan, merkataritza espezializatuak % 0,1 egin zuen behera, eta elikagaiak nagusiak diren ez-espezializatuak %2,2 egin zuen gora.

Gainerako produktuen txikizkako merkataritzan aldakuntza positiboak izan ziren gainerako produktuak nagusi diren ez-espezializatuan (%9,7ko gorakada), etxeko ekipamenduan espezializatutako merkataritzan (%2,2 egin zuen gora) eta beste kontsumo-ondasun batzuetan espezializatuetan (%1,2 egin zuen gora). Ordea, pertsonaren ekipamenduan espezializatutako merkataritzan %0,8 egin zuen behera, hori guztia prezio finkoetan.

EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:

Eusko merkataritzak hazi egin du 2018 urtean

2018, URTE POSITIBOA EUSKAL MERKATARITZARAKO

Informazio hau gazteleraz ere irakurri dezakezu

Urteko azken hiruhilabeteko hazkundea gakoa 2018 urtean

Iturria: Eustat, TXIKIZKAKO MERKATARITZAREN INDIZEA (TMI). IV/2018

Eustaten datuen arabera, 2018ko laugarren hiruhilekoan, Euskal AEko txikizkako merkataritzaren salmentak %3,3 gehitu ziren prezio finkoetan aurreko urteko hiruhileko beraren aldean.

Aurreko hiruhilekoaren aldean, salmenta-indizea %1,4 erreala gehitu da, urtaro-eraginak behin kenduta eta urte osoan %0,9ko gehikuntza metatua izan da.

Sektoreka, elikagaien salmentak %3,0 gehitu ziren 2018ko laugarren hiruhilekoan, gainerako produktuenak %3,9 igo ziren eta automobilgintzarako erregaiarenak %1,0, betiere 2017ko aldi beraren aldean eta prezioen eraginik gabe.

Elikagaien txikizkako merkataritzan espezializatua %0,5 gehitu zen; elikagaiak nagusi diren ez-espezializatuan, %4,1.

Gainerako produktuen txikizkako merkataritzan aldakuntza positiboak izan dira sektore guztietan. Kontsumoko beste ondasunetan espezializatutako merkataritzan %4,5eko igoera gertatu da; pertsonaren ekipamenduan espezializatuan, %4,2koa; eta etxeko ekipamenduan espezializatuan, %2,3koa. Gainerako produktuak nagusi diren merkataritzaren sektorean gertatu da hazkunderik handiena, %8.4koa, dena prezio finkoetan.

2018ko balantzea

Urte osoan, txikizkako merkataritzaren salmentek %0,8ko gehikuntza erreal metatua eduki dute 2018ko datu metatuetan 2017koen aldean. Sektoreka, elikagaiak %2,0 igo ziren bakarra izan da eta gainerako produktuek eboluzio negatiboa eduki zuten, %0,2koa, urtean.

EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:

EUSTAT: Txikizkako salmentak 2015, hazkundea jarraitu da

URTEBETE BAT ZENBAKI GORRIRIK GABE

Informazio hau gazteleraz ere irakurri dezakezu

EUSTAT-ek argitaratu duen 2015 urterako Txikizkako merkataritzaren indizearen datuek aurten ere salmentek gora egin dutela diote. 2014 urtean gertatutako joera aldaketak jarraitu egin du 2015ean eta zenbakiek berri on bat eman dute.

Ez dugu oraindik kontsolidazio hitza erabiliko baina optimista izan gaitezke, dagoeneko salmenta kopurua bi urtez pixkanaka-pixkanaka igo da.

Lurraldearen arabera igoera handiena Araban ikusten dugu, kasu honetan hazkundea %5 baino handiagoa da, Bizkaia eta Gipuzkoan, ordea, hazkunde hau txikiagoa da, %2 ingurukoa baina positiboa nolanahi ere.

Orain espero dugu joera hau 2015 eta datozen urteetan sendotu dezala. Adierazle guztiek hala diote.

EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:

2014 urtebete positibo bat

JOERA ALDAKETA?

Informazio hau gazteleraz ere irakurri dezakezu

EUSTAT-ek argitaratu duen azken Txikizkako merkataritzaren indizearen datuek berri on bat ekarri diote sektoreari. Azken hiru urteetan jaso genuen salmenten beheranzko joera amaitu dela ematen da eta 2014 urtean, azkenean, salmenten indizeak handitu egin du.

Horrela, 2013 urtean aurreikusten zen joera aldaketa berretsi egin da. Sektoreko salmentak igotzen ari dira baina oraindik oso bide luzea dago aurrean krisialdi aurreko maila berreskuratzeko.

Lurraldearen arabera igoera handiena Araban ikusten dugu, kasu honetan hazkundea %5 baino handiagoa da, Bizkaia eta Gipuzkoan, ordea, hazkunde hau txikiagoa da, %2 ingurukoa baina positiboa nolanahi ere.

Orain espero dugu joera hau 2015 eta datozen urteetan sendotu dezala. Adierazle guztiek hala diote.
EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:

Ekonomia: Datu positiboak merkataritzan eta kontsumoan

KONTSUMOA HAZI DA EAE-N 2014KO LEHEN HIRUHILEKOAN

Informazio hau gazteleraz ere irakurri dezakezu

EAEko BPG hiruhileko arteko %0,3ko hazkundea izan du 2014ko lehenengo hiruhilekoan, aurreko hiruhilekoan erregistratutako tasaren joera sendotuz, Eustaten eginiko datuen arabera. Hazkundea Espainiakoa baino hamarren bat txikiagoa da, Espainiako Estatistika Institutuaren estimazioaren arabera.

Iazko lehen hiruhilekoaren aldean, EAEko BPGk % 0,4ko hazkundea izan du, azken bederatzi urte arteko hiruhilekoko tasa negatiboen ondoren. Urte arteko hazkundea Espainiako ekonomiarena baino bi hamarren txikiagoa izan da (% 0,6).

Merkataritzaren, Ostalaritzaren eta Garraioaren sektorearen jarduera-maila %0,2 igo da, honek, pasaden hiruhileko igoera batera tendentzia positibo bat finkatzen ari da.

Etxebizitzetako Azken Kontsumoko Gastua (Kontsumo Pribatua) lehenengoz igo da 2010eko amaieraz geroztik; izan ere, urte arteko bilakaera positiboa izan da, %0,2koa, hain zuzen. Bigarren hiruhilekoz jarraian, hiruhileko arteko tasa hazi egin da (azken honetan, %0,1).

Datu hauek guztiek BPG eta kontsumoa pixkanaka pixkanaka hobezten ari direla esan nahi ote dute. Espero dugu tendentzia hau jarrai dezala.

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:

2008a, ahazteko moduko urtea

2008AN TXIKIZKAKO MERKATARITZAREN SALMENTEK %3,2 EGIN ZUTEN BEHERA EAEN

Informazio hau gazteleraz ere irakurri dezakezu

EUSTAT-ek aldiro argitaratzen du Txikizkako Merkataritzaren indizea, eta EAEn sektore honek izan duen salmenten nondik norakoak biltzen dira bertan. Adierazle honen arabera, %3,2ko jaitsiera eman zen Erkidegoan urte horretan, eta, zifra hau dela eta, azken urteetan emandako goranzko joerarekin bukatu zen.
Azterketa lurraldeka egingo bagenu, Arabak izan ditu emaitza txarrenak. 2007ko urteari hazkunde txikienarekin eman zion hasiera, 2008an askozaz ere okerragotu zena, %4,4ko jaitsierarekin.

Bizkaiak eta Gipuzkoak, bestalde, egoera hobea izan zuten. 2007ko urtean hazkunde moderatua izan zuten. 2008ko urtean, ostera, jaitsiera garrantzitsuak baina ez hain nabarmenak nozitu zituzten.

Aldaketarako zantzuak:
Hiruhileko garapen grafikoan, dagoeneko 2009 urteko datuak (behin-behinekoak) biltzen dituena, beheranzko joera antzematen da salmentetan.Gogorarazi behar dugu, gainera, hiruhileko honetan izandako salmentak aurreko urteko hiruhilekoan izandakoekin alderatzen direla zifra hauek. 2008ko lehen hiruhileko salmentek beherantz egin zuten, 2007ko lehen hiruhilekoekin alderatuta.
2008ko urtean beheranzko joerari eutsi zion eta urtean zehar larritu egin zen egoera. Bizkaian, ostera, bere hartan mantendu ziren hirugarren hiruhilekoan izan ziren salmentak. Hala ere, jada aurreratu diren 2009 urteko datuek joera aldaketa egon daitekeela nabarmentzen dute. Salmentek beheranzko joeran jarraitzen dute, baina urtearen lehen hiruhilekoan behea jo so dutelakoan gaude.

Bigarren hiruhilekoan, ostera, goranzko joera hartu dute salmentek.
2009ko udako merkealdiek lagundu egin dute salmentak mantentzen eta hobetzen. Hortaz, kanpaina honetako datuak jaso ahala jakin ahal izango dugu joera hori hoberako

EGILEA:

Borja Escalona

Merkataritzarako Teknikaria

MLTK Gernika-Lumo-k sortua

Datu-iturburu: EUSTAT