Merkataritza Buletina: 2012KO MAIATZA

MERKATARITZA BULETINA: 2012KO MAIATZA

---

• DIRU-LAGUNTZAK
  

BONO DEKOR-a heldu da: %20 deskontuan altzariak erosteko

---

• PRESTAKUNTZA

2012ko ekainak 14: Merkatariei zuzendutako tailerra Markina-Xemeinen

---

• MARKETINA

Marketin-ean Experiencia

Aberatsek ere badakite negar egiten 2: Krisi banaketa denda sari handietan

---

• ERAKUSKETA AZOKAK: 2012KO EKAINA

Erakusketa Azokak: 2012KO EKAINA

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:

2012ko ekainak 14: Merkatariei zuzendutako tailerra Markina-Xemeinen

GERRILLA MARKETINA

Informazio hau gazteleraz ere irakurri dezakezu

Datorren ekainak 14 tailer interesgarri hau egingo da Markina-Xemeinen, espero dugu denden etengabeko hobekuntza bultzatuko duela.

Gerrilla marketina:
Gaur egungo merkataritza gatazka bezeroen buruan egiten da eta bertan, enpresa guztien mezuek beste guztiak gainditu nahi dute. Argi dago baldintza hauekin enpresa txiki batek, denda txiki batek, ezin duela enpresa handien esparru berean borrokatu. Finantza-baliabideen diferentzia ikusita denda txikiak gatazkatik kanporatuta izango dira hasi baino lehen.

Baina gudan bezala denda txiki batek gerrilla taktikak erabil ditzake enpresa handi bati gainditzeko. Ez du inoiz guda irabaziko baina bai bere merkatu-nitxo defendatzeko kapaza izan daiteke. Baliabide mugatuak direnez ekintzak argiak eta ez ohikoak izan behar dira lehiakide handiagoak saihesteko eta albotik erasotzeko.

Helburua:
Taillerak dendek komunikazioa egiten duten modua aldatu nahi du bere eraginkortasuna handitzeko.

Metodologia:
Parte teorikoa benetako adibideekin konbinatuko da, tailerra praktiko eta interaktiboa izango da.

Edukia:

• Zer baldintza eduki behar duten marketin-ekintza batek bere helburua lortzeko
• Zer egin gure komunikazio eta promozio ekintzak bezeroei gogorazteko
• Nola erabili gaur egungo dauden konbentzitzeko teknikak desberdina izateko
• Nola bultzatu bezeroak erostera
• Nola neurtu komunikazioaren kostea eta errentagarritasuna

Lekua eta tokia:
Data: 2012ko ekainak 14
Ordutegia: 14:15etika 16:30etara
Lekua: Leartibai Berrikuntza Gunea (Xemeingo etorbidea, 12A - Markina-Xemein)

Izena emateko kontaktatu e-posta helbide honetara e-posta honetara: blarrinaga@leartibai.com






EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:

Aberatsek ere badakite negar egiten 2: Krisi banaketa denda sari handietan

KRISI BANAKETA DENDA SARE HANDIETAN

Informazio hau gazteleraz ere irakurri dezakezu

Notizia ez da aspaldikoa: New York hirian beste denda bat ireki du Galizian kokatuta dagoen nazioarte mailako moda denda sare garrantzitsuak. Honela, Bilbon, Donostian edo Gasteizen egon daitekeen bezalako denda bat aurki dezakegu etxeorratzez josita dagoen hiri erraldoi horretan. Zeri buruz ari gara? Globalizazioaz, jakina.

Notizia hor dugu, bai, baina Estatu Batuetan eta Britainia Handian, egia esateko, hasi dira zarratzen hiri dendak. Prozesu honek hiri handietan baino ez du eraginik, momentuz. Hala eta guztiz ere, oraingo honetan ez dira merkataritza txikiak pertsianak jaitsi dituztenak, baizik eta nazioarte mailan izen eta ospe handia duten establezimenduak. Establezimendu hauek, gainera, harro erakusten dute erakusleihoetan antzeko denda zabalik duten herri eta hirietako zerrenda luzea.

Hasteko eta behin, merkatalgune eredu hori jo du krisiak, eta orain kale mailako denda sare handiei iritsi zaie txanda.

Prozesu honen zergatiak:
Krisiaren zartakoa ez da bakarra, badira beste faktore gehiago prozesu hau azalduko lituzketenak:

• Lehena: Hiri hauetako kale ia gehienetan antzeko merkatal sareak izaten ditugu. Gauza bera gertatzen da merkatalguneetan eta baita hiri ertainetan ere. Mundu mailako merkataritzaren homogeneizazio prozesu honek badu izenik: Frantzian, esaterako “Londonizazioa”; Bretainia Handian beste izen bat hartu du: “Hiri klonatuak”.
• Bigarrena: Hirietako merkatalguneetako sarbideak arazoak baino ez dituzte autoentzat, ez baitute doako aparkalekurik,… Aurrekoarekin lotuta dago arazo hau, hots, merkataritza guneak ezer berezirik eskaintzen ez badu, zertarako ahaleginik egin bertara joanda?
• Hirugarrena: Merkataritza kaltetuek besteak bezalakoak dira, “arima” gabekoak, estilo gabekoak, ez dira berritzaile eta desberdin. Marka da desberdintasun bakarra, produktu merkeagoak izatea ere ez dute desberdin egiten, edo outlet hitza eramatea: ez da nahikoa.
• Laugarrena: Kontsumitzaileen artean bada sentimendu gero eta sendoago bat, hots, toki merkataritza eta enpresetan kontsumitzearena. Batik bat, berrikuntzak direla eta, zerbitzuaren alde argi eta garbi apustua egin duen betiko merkataritzak.
• Bosgarrena: Merkataritza sare kaltetuak euren arteko lehian dihardute internet-en. Badira pertsonak dendan produktuak probatu, eta, gero, produktu horiek beroiek erosten dituztenak prezio hobean enpresaren web-gunean.

Toki merkataritzarako aukera
Egoera honek toki merkataritzari aukera hobezina eskaintzen dio. Enpresa txiki horri laguntzen dio hurkoa delako, bezeroak banan-banan ezagutzen dituelako (izenez, ezagutu ere). Merkataritza txiki hauetan bezeroak zer nahi duten badakite, zer duten gustuko, eta era pertsonalagoan eta egokiagoan eskainiko diete nahi duten hori. Honelakorik ezingo dute Japonian edo Estatu Batuetan egin bezeroak berdintsu hartzen dituzten antzeko establezimenduetan.

Merkatalguneentzako aukera
Auzo, kale, herrietako merkatalguneek jatorrak, nortasun handikoak, erabakigarriak eta atseginak izan behar dute bezeroekin.
Merkatalgune hauek aukera handiak dituzte, baldintza hauek betez gero. Eta sektore jakin batek ez du bestearen gainetik zertan jarri. Esaterako, badago kalitatezko elikagaien aldeko apustua egiterik (azokak…); modan eta jantzigintzan (boutikeak eta zapata dendak…). Alegia, edozein sektoretan, baina ahantzi barik nori zuzendua dagoen eskaintza, bezeroen ezaugarriak eta gustu bereziak kontuan hartuta, desberdintasun honetan baitago arrakastaren eta etorkizunaren gakoa.

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:

BONO DEKOR-a heldu da: %20 deskontuan altzariak erosteko

BONO DEKOR: %20KO DESKONTUA ALTZARIAK EROSTEKO

Informazio hau gazteleraz ere irakurri dezakezu

Bizkaiko Merkataritzako enpresari konfederazioak (CECOBI), Bizkaiko Foru Aldundiarekin batera BONO DEKOR kanpaina hasi du salmentak dinamizatzeko altzari dendetan.

Bono hauekin etxerako eta sukaldeko altzariak, lanparak eta koltxoiak erostean produktuen prezioan %20ko deskontua jasoko dute erosleek.

Bonoak Bizkaian baino ez dira erabilgarriak izango kanpainako atxikimen pegatina duten dendetan. Erosketak maiatzaren 15etik ekainaren 30era egin beharko dira.

---

Zer egin behar dute bezeroek deskontu hau eskuratzeko?

Deskontu hauek lortzeko hauxe da beharrezkoa:

1. Bonoak erostea: edozein BBKko kutxazain automatikoan, lehen 10.000 bonoek 5€ balioko dute, bono 10.001tik aurrera prezioa 10€tara igoko da.
2. Edozein atxikitutako dendetan gutxienez 300euroko (BEZ gabe) erosketa bat egitea ekainaren 30 aurretik.

OHARRA: Posiblea da dendetan kanpainan kanpoko produktuak egotea, produktu hauetan ez da deskonturik aplikatuko.

---

Zer egin behar dute dendek programan parte hartzeko?

Kanpaina honetan parte hartzeko ekintza hauek egin behar dituzte dendek:

1. Altzari-denda, sukaldeko altzari-denda edota elektratresna-denda izatea.
2. Kanpainan parte hartzea, horretarako beharrezkoa da CEBONI/AMUBIrekin kontaktatzea telefono zenbaki honetan 94 400 28 00 eta atxikipen-dukumentua betetzea.
3. Inskripzio-kuota ordaintzea: 100€ AMUBIko kideentzat eta 200€ beste denda guztientzat.
4. Dendako leku ikusgarri batean ipini kanpainako kartela eta promozioan hartuko diren produktuak ondo etiketatu.
5. Deskontua aplikatu bezero batek bono bat aurkezten duen bakoitzean.
6. Atxikipen-dokumentuan eskatzen diren betebehar guztiak bete.

---

Nola funtzionatzen den kanpaina?

Bezero batek 300€ baino gehiagoko erosketa bat egiten denean (gutxienezko PSP 324€) merkatariak %20 deskontua egingo dio BONO DEKOR aurkezten badu. Deskontuaren kopurua honela kalkulatuko da:

Adibide:
Erosketaren PSP: 400 €
Deskontua: 20% x 400 = 80 euro
Bezeroak ordainduko du: 320 euro

---

Laburpena:

• BONO DEKOR-rak BBK kutxazain-automatikoetan erosten dira, prezioa 5€ (10€ bono 10.001 aurretik). Bonoak gastatzeko epea 2012ko ekainaren 30era izango da
• BONO DEKOR-rak kanpainan arte hartzen duten dendetan baino ez dira erabilgarriak
• Gutxienezko erosketa 300 eurokoa (BEZ gabe) izan behar da
• Dendako produktu guztiek ez dute kanpainan parte hartu behar. Onartutako produktuek kanpainaren etiketa edukiko dute

---

Informazio gehiago:
CECOBI: Bizkaiko Merkataritzako enpresari konfederazioa
AMUBI: Asociación de Comercio del Mueble de Bizkaia

• Telefonoa: 94 400 28 00
• Web: http://www.cecobi.es

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:

Marketin-ean Experiencia

MARKETIN-EAN ESKARMENTUA

Informazio hau gazteleraz ere irakurri dezakezu

Egun, edozein produktu saldu ahal izateko ez da nahikoa kalitatezko produktua eskaintzearekin, hau da, erabat ezaguna, telebistan dagerrena eta kirolari ospedunek erabilia izatea. Erosketa bizipena bakarra izan behar da eta bezeroek hori baloratu egin behar dute. Denda horrek, ondorioz, ez du arazorik izango nahi duena saltzeko.

Kontua hartu behar da, bestalde, edozein produktu erosteko erabakia hartzen denean, bihozkada soilez egiten denaz salbu, dendara joan orduko egiten dela, hots, ezer erosi aurretik non erosiko den erabakitzen da. Establezimendua aukeratu eta gero joan ohi gara produktua erostera.

Erosteko eskarmentuaz dihardugunean, baina, badirudi dendak antzoki bilakatu behar direla eta saltzaileak mozorrotu. Ezta hurrik eman ere!

Bideo hau marketin eskarmentuaren eredu eta adibide da. Bezeroa, ikus daitekeenez, erosketa hutsetik haratago doa (Muriel-en Ezkontza, 1994)


MARKETIN ESKARMENTURAKO OINARRIAK
Eskarmentu hauek eskaintzeko eta positiboki baloratuak izan daitezen lortzeko bi gako daude, gainera gakook herri merkataritzan ardatz garrantzitsuak dira:

• • Bezeroak ezagutzea: bezeroa ezagutzen badugu, badakigu zer behar duen, zalantzaren bat izanez gero argitzen lagunduko zaio, … Honek alde ona izango du bezeroari gertuko zerbitzua eskaintzen zaiolako.

• • Bestelako zerbitzuak: lekuko merkataritzan saltoki bakoitza bakarra da eta horixe da berezitasuna.
  

MARKETING ESKARMENTUEN ADIBIDEAK
Bezeroaren eta saltokiaren araberako zerbitzu honetan esperientzia-marketin ezberdinak daude; hau da, ez dago bezeroei erantzuteko modu bakarra. Horregatik, bezeroek aukera handia dute eskarmenturako.

Hala ere, saltoki bakoitzak duen bezeroa zein den jakinda, eskarmentu mota ezberdinak ezagutuko dira, bakoitzari behar duen arreta emanez.

Bizipenak direla eta, hona hemen establezimenduaren araberako zenbait adibide:

• Elikagaiak:

Ohiko eta beharrezko erosketa izangatik ere, zergatik ez eskertzeko modukoa izango den bizipena eskaini? Honela, bezeroak chef ospetsuaren gisara ikusiko luke bere burua. Helburu lortze aldera, dendak aholkulari lanak egin ditzake eta elikagaiak zelan sukaldatu, zelan kontserbatu, osagaiak falta direnean alternatibak eskaini… eta hau guzti hau lortzeko langileek produktua ezagutu behar dute, errezeta edo informazio orriak ere prest eduki ditzake behar izanez gero.

• Moda/oinetakoak:

Kasu honetan zailagoa izan daiteke bizipena estandarizatzea, baina jantzia norentzat den jakinda badago hori ere planteatzerik. Jai baterako soinekoa bada, langileak informaturik egon beharko du eta aholkuak eman ditzake osagarri, orrazkerari etabarrei buruz. Eta honen helburua hauxe baino ez da: erosleak jakitea jaian begiratu guztien erdigune izango dela.
Erositakoa egunero ibiltzen duen arropa batekin erabiltzeko bada, dendak duen estiloa kontuan hartzekoa izango da, zer sustatu nahi den jakiteko: xalotasuna, dotorezia, erosotasuna, irudia…

• Drogeria/lurrindegia

SBesteen gainetik sentsazio eta eskarmenturik eskain lezakeen sektoreren bat balego, hauxe berau, jakina. Iragarkiak ikusi besterik ez daude, lurrinek ez dute kalitatearen gainean hitz egiten, aldiz, irudiak, ametsak igortzen dizkigute, hauek erabilita bete daitezkeenak?
Iragarkietako nabarmenkeriak bazter utzita, badago modurik bezeroak aholkatzeko, erosgaiak aukeratzeko garaian, eta lagundu bere pelikularen protagonista izaten: jaiaren izar, opari ederrenaren eramaile…

Bizipen onenak eskaintzeko, dendan sartzen den pertsona bakoitzak buruan duen pelikula ezagutzea litzateke, eta horrela jakin dendak eta produktuak berak eragin zezaketela era atseginean bezeroarengan beregana.

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:

Erakusketa Azokak: 2012KO EKAINA

OHARRAK:

• Ekitaldi bakoitzaren informaziona lehio berri batean agertuko da


• Zerrenda zutabeen izenen arabera ordena dezakezu, hori egiteko goiburua klikatu behar duzu

---

ERAKUSKETA AZOKAK: 2012KO EKAINA

AZOKA	DATAK	DESKRIBAPENA	HIRIA	AZOKA
RALLY DE OURENSE	Ekainaren 01etik 30era		OURENSE	EXPOURENSE / Fundación de Feiras e Exposicions de Ourense
AGRI-FOOD CHINA	Ekainaren 02tik 04ra	Feria Interncional de Alimentación	Guangzhou	Emporio Ferial
INTERWINE CHINA	Ekainaren 02tik 04ra	Feria Internacional de Vinos y Licores	Guangzhou	Emporio Ferial
ALIMENTARIA MEXICO	Ekainaren 05etik 07ra	Salón Internacional de la Alimentación y Bebidas	Mexico City-Centro Banamex	Reed Exhibitions Iberia
FM&BS-Facility Management and Business Services	Ekainaren 05etik 07ra		BARTZELONA	Fira Barcelona
MEDPI IBERIA ( Se celebra en Valencia)	Ekainaren 05etik 07ra	El Club de Negocios del Canal Retail IT	VALENTZIA	Reed Exhibitions Iberia
MEDPI IBERIA (organizado por Reed Exhibition)	Ekainaren 05etik 07ra	El Club de negocios del Canal Retail IT-	VALENTZIA	Feria Valencia
SIL	Ekainaren 05etik 07ra	Salón Internacional de la Logística y de la Manutención	BARTZELONA	Fira Barcelona
DIKE-Salón internacional de patrimonio, bienes e Itinerarios religiosos	Ekainaren 09tik 11ra	Muestra de las distintas ofertas en productos, destinos, serviciosy manifestaciones artísticas vinculadas al ámbito del culto religioso	VALENTZIA	Feria Valencia
TECMA	Ekainaren 12tik 15era	Feria Internacional del Urbanismo y Medio Ambiente	MADRIL	IFEMA / Feria de Madrid
BIZ BARCELONA	Ekainaren 13tik 14ra	SALÓN DEL EMPRENDEDOR-Salón dirigido a empresas que ofrezcan productos y servicios orientedos a : emprendedores, pequeñas y medianas empresas, autónomos, etc.Los principales sectores que se encontrarán representados en el salón son: FINANCIACIÓN, INVERSORES Y ASEGURADORAS.FRANQUICIAS Y NEGOCIOS ASOCIADOS.EMPRESAS PROVEEDORAS DE PRODUCTOS / SEVICIOS PARA EMPRENDEDORES, PYMES YAUTÓNOMOS.INSTITUCIONES PÚBLICAS, FORMACIÓN Y REDES SOCIALES.	BARTZELONA	Fira Barcelona
CHEMSPEC EUROPE	Ekainaren 13tik 14ra	El Evento dedicado a la química fina y especializada	BARTZELONA	Fira Barcelona
FERIA DEL CABALLO Y DEL TORO -ECUEXTRE	Ekainaren 14tik 17ra		BADAJOZ	IFEBA / Feria de Badajoz
SALÓN DEL VEHÍCULO DE OCASIÓN	Ekainaren 15etik 24ra	Salón del Vehiculo de Ocasión	MADRIL	IFEMA / Feria de Madrid
SONAR	Ekainaren 15etik 16ra		BARTZELONA	Fira Barcelona
FIMI (edición primavera/verano)	Ekainaren 16tik 18ra	Feria Internacional de la Moda Infantil y Juvenil	VALENTZIA	Feria Valencia
FERIA DE LA CUCHILLERÍA	Ekainaren 16tik 17ra		ALBACETE	IFAB / Institución Ferial de Albacete
AUTOPLUS	Ekainaren 25etik 30era	Feria del Coche de Segunda Mano	CIUDAD REAL	Diputación Provincial de Ciudad Real

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN: