GERNIKA-LUMOKO MERKATARITZAREN BEHATOKIA
Informazio hau gazteleraz ere irakurri dezakezu
Gernika-Lumoko Udaleko Merkataritza Bulegoak "Merkataritzaren Behatokia" jarri zuen martxan 2023an, sektoreak herrian duen egoera zuzenean ezagutzeko asmoz.
Tresna honen bidez lortutako informazioa garrantzitsua da zure sektoreari zuzendutako ekintzak hobeto diseinatzeko. Enpresek zerbitzu onena eskaintzeko zer behar duten ondo ezagutu behar da.
Aldizkako inkestak:
Uztailean inkesta erronda berri bat egingo da eta Gernika-Lumoko hiriko denda eta beste enpresa guztiei (ile-apaindegiak, edertasun aretoak...) parte hartzeko gonbitea luzatzen zaie.
Datu-bilketa bi bidetatik egin daiteke:
- Telefono bidezko inkesta bati erantzunez, 15 minutu baino gutxiago beharko dituzte. Aukera hau aukeratu nahi baduzue deitu Merkataritza Bulegora (946257940) data bat hitzartzeko.
- Online inkesta betetzen. Esteka honen bidez sar zaitezke eta 5 minututan erantzuten da: ERANTZUN INKESTA.
Bi kasuetan, bildutako datuak erabat konfidentzialak dira, eta emaitza agregatuak lortzeko baino ez dira erabiliko.
Datak eta datuak:
Inkesta uztailaren 24ra arte erantzun ahal izango da, egun horretan itxiko baita datu-bilketa.
30 galdera oso erraz inguru ditu: lehenengo zatian, negozioa identifikatzen da (jarduera-sektorea, tamaina eta enplegua), eta bigarrenean, datu ekonomikoak eta koiunturari buruzkoak.
5 minututan ebazten da eta Merkataritza Bulegorako informazio interesgarria eskaintzea ahalbidetuko du.
Erantzunetan oinarritutako ondorioak irailean izango dira, eta enpresa guztiek jasoko dute horien laburpen bat. Aldi berean, prentsa-ohar bat argitaratuko da informazio horrekin.
Eguneratzea eta joerak:
Hau da behatoki honen hirugarren bolada, bere helburuen artean, Gernika-Lumoko hiriko merkataritza-sektorearen funtsezko parametro batzuen joera eta bilakaera ezagutu nahi duena. Aurreko jasoaldiak 2023an eta 2024an egin ziren.
Gernika-Lumon establezimendu bat irekita duten hiriko merkataritzako enpresa guztiak parte hartzera gonbidatzen dira, baita elikagaiak, arropa, oinetakoak, etxea, etxetresna elektrikoak, kirola... saltzen dituzten lokalak eta zerbitzu pertsonaletako enpresak ere, hala nola ile-apaindegiak, edertasun-aretoak...
Zenbat eta enpresa gehiagok parte hartu, orduan eta esanguratsuagoak izango dira emaitzak.
MILA ESKER PROZESU HONETAN PARTE HARTZEN DUTEN ENPRESA GUZTIEI!
EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua
ZURE USTEZ BERRI HAU INTERESGARRIA DA ZABALDU INTERNET-EN:
AZOKA
BATZARRA
BESTEAK
