MLTK Gernika-Lumoko URRIAren Boletina

MLTK Gernika-Lumo: 2009KO URRIAREN BULETINAREN INDIZEA

---

• MERKATARI ELKARTEAK:

ZATOZTE (ONDARROA)

Zozketa berezia Ondarroako tabernetan

---

• MARKETINA:

Merkatal estrategiak: TARIFA FINKOko denda

---

• MERKATAL GESTIOA
  

Prezioak igotzeko estrategiak

---

• LEGERIA:

Ordainketa Zerbitzuetarako Legea: komisioa tarjetaz ordaintzeagatik

---

• 2009KO AZAROAKO ERAKUSKETA AZOKAK

2009ko azaroako erakusketa azokak

Ondarroako tabernetan tragoek sari dute

ZOZKETA BEREZIA: SARIAK TRAGO, PINTXO EDO AFARIAN GASTATZEKO

Datorren hileko (2009ko azaroan) lehen hamabostaldian, Zatozten dauden taberna batzuk zozketa berezi bat antolatu dute.

Azaroaren 1etik 15era kontsumitzearren, tike edo boleto batzuk emango dituzte, gero azaroaren 20 eta 21ean beraien negoziotan gasta ahal izateko.

Zozketa hilaren 16an egingo da eta 100 euroko 10 sari izango dira.

Sariak nahi dituzten bezala gastatu ditzakete tokatzen zaienak: Poteoa eginez, pintxoak janez, bokatak edo kazolatxoak janez edo afaltzera joanez, baina beti ere azaroaren 20 eta 21 egunetan.

Informazio gehiago zatozteko web orrian: www.zatozte-ondarroa.com

PREZIOAK IGOTZEKO ESTRATEGIAK

BEZEROARI ZIRIA SARTU DIOZUN USTERIK EZ IZATEKO, ZER EGIN PREZIO MERKEEN TRANPATIK ATERATZEKO?

Informazio hau gazteleraz ere irakurri dezakezu

Jendeak uste du merkealdietan merkatariek dirua irabazten jarraitzen dutela, nahiz eta prezioek behera egin. Ondorioz, bezeroek honako galdera hauek egiten dizkiote beren buruari:

• Merkealdietan ez gaudenean, hortaz, zenbat irabazten dute?
• Engainatu egiten gaituzte merkatariek prezioak merkatuta ez daudenean?

Denda bat duen edozein pertsonarentzat argi eta garbi dago merkealdietan ez dela dirua barra-barra irabazten. Batzuetan hainbeste merkatzen da prezioa, ezen merkatariak erosten duen preziotik behera sal lezakeela arropa. Baina mutur horretaraino iritsi ez izanagatik ere, merkealdietan geratzen diren marjina murriztuak ez dira nahikoak denda batek izan ditzakeen kostu finkoak bermatzeko.

Bezeroak, ordea, horrela pentsatzen du eta hori ezin da saihestu.

Pentsamolde horrekin egungo egoerari egin behar diogu aurre, krisi ekonomikoari, alegia. Merkatari eta fabrikatzaile askok hori ikusita, jaitsi egin dituzte produktuen prezioak. Prezio jaitsiera hauek “kontsumitzailea laguntzea” eta “salmentak mantentzea” dute helburu.

Hau guztia kontuan hartuta:
Zelan igo atzera prezioak, bezeroari ziria sartzen ari zaiola susmorik eragin barik?

Erantzuna argi dago: zerbait gehiago eskaini behar zaio bezeroari. Ezin dira besterik gabe prezioak igo, bezeroek beren burua engainatuta ikusiko zutelako: “Enpresa prezio baxuekin aurrera ateratzeko gai bada, zertara dator orain prezioak gora egite hau? Irabazi handiagoak ateratzeko gure kontura?”

Hau ikusita, produktuari zerbitzu berriak, funtzionaltasuna edota beste edozer ezartzea aztertzea komenigarri ikusten da, produktu horrek berorrek balio erantsia izan dezan bezeroarentzat.

PRODUKTUEN BALIOA EMENDATZEKO TEKNIKAK:

Jarraian aipatuko ditugu produktuen balioa emendatzeko erabili daitezkeen teknikak. Baina, aldi berean, prezioa igotzea justifikatuko lukeen aldaketa nabaritu behar du bezeroak produktuan:

• PRODUKTUAREN EZAUGARRIREN BAT ALDATU:

Aldaketa hau egitea zailago zaio merkatariari fabrikatzaileari baino. Merkatariak dagoena jartzen dio bezeroari ikusgai, ezer aldatu barik.

Alabaina, bada produktua eraldatzeko modurik ere, janari-dendetan, esaterako (fruta-dendetan, harategietan…). Jaki erdi prestatuak jar daitezke, gero sukaldatuko liratekeenak. Jakina, prestaketa lan horrek prezioen igoera justifikatuko luke, produktuak balio erantsia bai baitauka, izan ere.

• EROSKETA EGITEKO ERABAKIA BEZEROAREN ESKU UZTEA:

Baleko estrategia da hau gehigarriak erantsi dakizkiekeen produktuetan (esaterako: osagai erantsiagatik kobratzen den pizza). Oinarrizko produktuaren prezioa baxua izan daiteke, eta prezioaren igoera “osagaietan” gehitu.

Gailu elektronikoak saltzen diren dendetan ezar daiteke formula hau, halaber. Denda hauetan oinarrizko gailuen eskaintza egiten da prezio baxuan. Baina hobekuntzak gehitzen zaizkionean, bezeroarentzat aukerakoa dena, dendak irabaziak izan ditzake.

• ESKARI AGREGATUAK SORTU:

Sustapen-kanpainetan prezioak igotzeko “pack”ak sortzea formula egokia da. Bi produktuen batuketak eragina izan behar du bataren prezioaren igoeran. Baina hori bai, igoera hori txikiagoa izango litzateke. Bakoitza bere aldetik erosiko balitz, ordea, garestiagoa izango litzateke. Alabaina, estrategia hau erabilgarria da, halaber, horrenbeste saltzen ez diren produktuetan, batik bat, errotazio handiagoa dutenekin alderatuta.

Edozein dendatan eskaini ahal dira honelako paketeak: janari dendetan, modakoetan eta osagarriak saltzen dituztenetan ere bai. Izan ere, produktu bereziak ere lor daitezke pakete horiek egiteko, esaterako, alkandorentzako gorbatak, soinekoentzako imitaziozko bitxiak,…

• BEZEROAK BANAKATZEA:

Badira bestelako alternatibak ere, konplikatu samarrak diren arren. Esaterako, tratu (prezio) desberdina eskaintzea pertsona bakoitzari, irizpide jakin batzuen arabera. Irizpide hauek erabat lotuta egon behar dute bezeroak uste izatearekin prezioak gora egin duela erosiko duen produktuak hori balio duelako.

Dendak berak ezarrita dituen baldintzen arabera erabili ahal ditu irizpide horiek (denda irekitzeko ordutegia, esaterako) edo, bestela, produktuak berak dituen baldintzen arabera (elkarte jakin batzuei zuzendutako produktu bereziak). Oso kontuan izan behar da, bestalde, balio berezia duen produktua eskaini behar diotela bezeroari. Adibidez, bezeroak ez du modu berean baloratuko dendak erabil dezakeen ordutegian aldaketarik balego, bezero hori beti ohiko orduan joaten bada. Baina bai baloratuko du ordutegi aldaketa horrek dendara joateko aukera ematen badio.


ONDORIOAK:
Momentuz ez dago presarik, krisiak luze joko duelako. Baina aipatutako tekniken gaineko hausnarketa egitea eta denda bakoitzean zelan aplikatu daitezkeen pentsatzea ez litzateke bidegabekeria izango, eta horrela denda prest egongo da etor litekeen egoerari aurre egiteko.

EGILEA:
Borja Escalona
Merkataritzarako Teknikaria
MLTK Gernika-Lumo-k sortua

Ordainketa Zerbitzuetarako Legea: komisioa tarjetaz ordaintzeagatik

EZTABAIDARAKO GAIA: MERKATARIEK KOMISIOA KOBRATU AHAL IZANGO DUTE, BEZEROAK TXARTELAZ ORDAINDUZ GERO

Informazio hau gazteleraz ere irakurri dezakezu

Ordainketa Zerbitzuetarako Legearen 25. artikuluaren hirugarren puntuan batzen den xedapenak piztu du eztabaida. Artikuluak, hitzez hitz, hauxe dio:

"Baliogabetzat joko da klausula oro, ordainketa aginduaren onuradunari agindu-emaileari kuota gehigarri baten ordainketa eskatzea edo ordainketarako baliabide espezifikoa erabiltzeagatik murrizketarik eskaintzea eragozten badio. Edozelan ere, ordainketarako baliabide espezifikoak erabiltzeagatik ezarritako kuota gehigarriek ezingo dituzte baliabide horiek onartzeagatik onuradunak egin ditzakeen gastu diferentzialak gainditu"

• Zer esan nahi du honek guztiak?

Hedabideetan behin eta berriz azaldu dena baino ez: dendek orain eskubidea dute ordainketarako txartela erabiltzen duten bezeroei plus bat kobratzeko. Eskubide hau onartzearen baitan hauxe dago: txartelaren bidezko kobraketak kostua eragiten dio dendari, komisioa delakoa, alegia.

Hortaz, gehigarri hau kobratzeko jarri diren baldintzak hauek dira:

• Kobratzen den gehigarria ezingo da izan dendariari kobratzen zaion komisioa baino handiagoa.
• Bezeroak behar bezala eta aurretiaz informatuta egon behar du gorabehera honetaz.

• Zer-nolako ondorioak izango ditu eskubide honek dendetan?

Hasteko eta behin, Confederación Española de Comercio delakoak, Estatuaren administrazioen aurrean sektoreko ordezkari nagusiak aholkatu du ez kobratzea bezeroari txartela erabiltzeagatik kobratuko litzaiokeen deskontuaren kostua, hots, berdin-berdin kobratzen jarraitzea, bezeroak erabiltzen duen ordainketa-bidea edozein delarik ere.

Alabaina, azpimarratu ere azpimarratu egin dute oso positiboa dela sektorearentzat. Arrazoi desberdinak erabili dituzte hau baieztatzeko, baina garrantzitsuena da gaur egun merkatariek komisioak aztertzean, banketxeekin negoziatzeko arma boteretsua dutela.

Banketxeek ezingo dituzte baldintzak ezarri. Aurrerantzean, merkatarien esku egongo da txartelen erabilpena zehatzeko edo ez zehatzeko azken erabakia, eta, ondorioz, banketxeek kontzeptu hau dela eta dituzten diru-sarrerak zehatzeko edo ez zehatzekoa ere bai.

EGILEA:
Borja Escalona
Merkataritzarako Teknikaria
MLTK Gernika-Lumo-k sortua

BERRIKUNTZA MERKATARITZAN: TARIFA FINKOko denda

TARIFA FINKOA KOBRATU DIE BEZEROEI MERKATALGUNE BATEK, SEI HILABETEAN ZEHAR EGINDAKO EROSKETENGATIK

Informazio hau gazteleraz ere irakurri dezakezu
Merkataritzaren zaharberritzea bide desberdinetatik etor liteke. Izan ere, berrikuntza hau ez da teknologia berriak aplikatzen diren kontu horrekin beti lotu behar. Egunero egin ohi dena berrasmatu eta beste era batera sortu, hori baino ez da egin behar dena.

Asmakizun berri honen adibide argigarrienetakoa Bartzelonan dagoen esloúltimo denda dugu. Merkataritza arloan errotik aldatu duen ibilbideari ekin dio denda honek. Bezeroek 5 euroko kuota ordaintzen dute seihileko eta, ordainetan, dendatik 5 produktu eramateko eskubidea dute, hau edozein delarik ere.

Bost (5) produktu aukera daitezke, hortaz, dendan dauden guztietatik (50 bat). Baina bada mugarik erosketan, eta hauexek dira:

• Ezin da produktu bera birritan aukeratu.
• Ezin dira 5 produktu baino gehiago eraman sei hilabete horietan.

Bartzelonako denda honek web orri bat du eta, honen bitartez, bezeroen iritziak kontuan harturik, informazioa zabaltzen dute dendan dauden produktuen ezaugarrien gainekoa. Esperientzia berri honek, bada, bultzatu eta indartu egingo du enpresa horren negozio nagusia.

Merkataritza-eredu berritzailea dela ezin da ukatu. Dena den, txistetzat hartu duenik ere bada, eta ikusi besterik ez dago eskuko telefono-operadore ezagun batean agertzen diren iragarkiak hori frogatzeko.





EGILEA:
Borja Escalona
Merkataritzarako Teknikaria
MLTK Gernika-Lumo-k sortua

Kudeaketa Komertziala Aldaketen garaian

ATERIK EZ IXTEKO OINARRIAK

Informazio hau gazteleraz ere irakurri dezakezu

Gernikako Merkataritza Ganberaren ordezkaritzak lan jardunaldi bat antolatu du dendarien merkataritza kudeaketa hobetzeko. Erakunde honek atseginez gonbidatzen ditu dendari guztiak bertan parte hartzera:

• IZENBURUA: ATERIK EZ IXTEKO OINARRIAK
• DATA: Urriak 28 (eguaztena)
• ORDUTEGIA: 14:30 - 16:30
• LEKUA: Lanbide Ekimenak Gernika (Alhóndiga kalea, 6 behea)

Izen ematea doakoa da eta horretarako bi bide daude:

• Telefonoa: 94 625 57 58
• Posta elektronikoa: delegacion.camara@lanbide-ekimenak.com

EGILEA:
Borja Escalona
Merkataritzarako Teknikaria
MLTK Gernika-Lumo-k sortua

KONTSUMO ASTEA 2009: Hitzaldia

KRISIALDI GARAIAN SALTZEA

Informazio hau gazteleraz ere irakurri dezakezu
Data hauetan Kontsumo Astea egingo da Gernika-Lumon. Ekitaldi honen programaren barruan hitzaldi hau merkatarientzat bereziki antolatuta dago eta interesgarria izan daiteke:

• IZENBURUA: KRISIALDI GARAIAN SALTZEA
• DATA: Urriak 22 (eguena)
• ORDUTEGIA: 20:00 - 21:15
• LEKUA: Gernika-Lumoko ELAI ALAI Aretoa

Edonork dauka hitzaldira joaterik baina komenigarria da aurrez aurretik izena ematea, horretarako bi telefono zenbakia daude:

• Gernika-Lumoko MLTK: 94 625 79 40
• 902 540 076 (Maite Fernandez)

EGILEA:
Borja Escalona
Merkataritzarako Teknikaria
MLTK Gernika-Lumo-k sortua