Informazio hau gazteleraz ere irakurri dezakezu- Laguntzaren Xedea
- Laguntzaren Zenbatekoa
- ONURADUNAK: Bezeroak
- ONURADUNAK: Dendak
- Eskabideak Aurkezteko Epea
- Informazio gehiago
Programa hau ohiko etxebizitzaren beiraztatutako itxiturak berritzeko laguntzak emateko eratu da, eraginkortasun handiko prestazio termikoak dituzten leihoak jarri ahal izateko (ikus Baldintza Orokorrak pdf formatuan). Beiraztatutako itxituratzat hauexek hartuko dira: berotutako leku edo gune batean dauden eta kanpo aldetik aldentzeko erabiltzen diren leihoak edo ate-leihoak, etxeko alorrean energiaren kontsumoa gutxitzeko xedez.
Emango den diru-laguntzaren gehieneko zenbatekoa inbertsioaren %22 izango da (Ezarritako Oinarria). Nolanahi ere, leihoaren m2 bakoitzeko emango den gehieneko diru-laguntza 450 eurokoa izango da, eta etxebizitzako emango den gehieneko zenbatekoa 1.200 eurokoa izango da.
Etxebizitza baten jabea den pertsona fisikoa edo juridikoa edo haren usufruktuduna, edo haren errentaria, eta leihoak berritu nahi dituena. Etxebizitza Euskal Autonomia Erkidegoan egoteaz gain, ohiko etxebizitza izan behar da.
Diru-laguntza onuradungaiak eskatuko du, eta onuraduna nor izan daiteken aurreko puntuan dago adierazita.
Edozein kasutan jarriko diren leiho berri guztiek CE marka eraman beharko dute, eta arotzia metalikoaren kasuan, zubi termikoaren haustura eduki beharko dute.
Beira bikoitza Isolamendu Termiko Sendoa (ATR) deritzonaren modukoa izango da, eta transmisio
termikoaren balioa (ahalmen isolatzailea edo U balioa) eta kamera-lodiera honako arotzia motaren araberakoak izango dira:
| Arotzia mota | Eskatutako Ug balioa | balioa Eskatutako kamera-lodiera |
| Metalikoa | 1,50 m2*K edo txikiagoa | 14 mm edo handiagoa |
| Ez metalikoa (PVC, zura, mistoa, poliuretanoa, etab.) | 2,00 m2*K edo txikiagoa | 12 mm edo handiagoa |
Gainera, leiho zuloak etxebizitzaren kanpo aldeko itxituren barruan izango dira, eta ez dute diru laguntzarik jasoko etxebizitzaren barne aldeko itxituretan kokatutako leihoek.
Diru-laguntza eskabideak aurkezteko epea 2011ko urriaren 2an hasiko da eta 2012ko urtarrilaren 31an edo plan honetara esleitutako aurrekontua agortzean amaituko da.
Emateko dagoen diru laguntzaren berri izateko, honako helbide honetara jo daiteke: www.eve.es
2011ko urriaren 1a baino lehen egindako inbertsioak ezin izango dira baliatu programa honen dirulaguntzaz.
EVE-ko orrian informazioa:
EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua
ZURE USTEZ BERRI HAU INTERESGARRIA DA ZABALDU INTERNET-EN:
iruzkinik ez:
Argitaratu iruzkina