Onartu da Merkataritza Txikizkariaren Antolaketaren gaineko 7/1996 Legearen erreforma

AZALERA HANDIKO MERKATALGUNEAK EGITEKO ERAGOZPENAK EZABATUKO DITU ESTATU-LEGEAREN ERREFORMAK

Informazio hau gazteleraz ere irakurri dezakezu

Merkataritza Txikizkariaren Antolaketaren gaineko 7/1996 Legearen erreforma 1/2010 Legea ebatzi du Parlamentuak. Arau hau Estatuko Aldizkari Ofizialean (BOE) izango da aurki argitaratua, eta argitaratzen den unetik beretik jarriko da indarrean. Erreforma hau egitearen zergatia hau baino ez da, hots, lege hau egokitzea Zerbitzuetako Direktibara (Bolkestein Direktiba). Zuzentarau honek zerbitzuak liberalizatzea du helburu Europako Batasunean.

Gai honen inguruan EAE-k autonomia arauemailea edukiagatik ere, estatuko Lege hau oinarrizko araudia da zenbait aspektutan, azalera handiko merkatalguneak egiteari dagokionez, bereziki. Arau hau aldatzeak, hortaz, eragin handia du euskal merkataritzan.

• Azalera handiko merkatalguneak direla eta, zeintzuk dira estatuko Lege honetan egiten diren aldaketak?
  

Erreforma honen funtsezko aldaketa honetan datza: aurrerantzean ez da merkatalguneak jartzeko baimena eskatu behar izango. Hortaz, enpresa handiek instalatu ahal izateko ez dute aurretik lizentzia eskatu behar izango, lehen zegoen baldintza hori egun ez dago eta.

• Zein eragin izango du erreforma honek EAEko merkataritzan?

Egia esateko, badirudi erreforma honek ez diola aldaketa handirik ekarriko EAEko merkataritzako marko arau-emaileari, aurretik izan beharreko baldintza ezabatuta baitzegoen merkataritzako erregulaziotik 7/2008 Legearen bitartez eta Zerbitzuetako Direktibak eskatutakoa aplikatu ostean, 262/2004 Dekretoak, abenduaren 21ekoa, erabakitako Lurralde-Plan Sektorialak ezarritako mugekin bat egiteko derrigortasunagatik aldatu zena.

Alabaina, ezin zaio ukatu erreformari daukan garrantzia, bermatu egiten baititu lege honen aldaketak, eta badirudi baliotasuna ematen diola azalera handiko merkatalguneen ezarpena Lurralde-Plan Sektorial honetan batzen diren arrazoiek mugatuko dutela. Egungo muga-sistemari eutsiko zaio, bestalde. Muga-sistema honek, gainera, eragotzi egingo luke, besteak beste, Gernika-Lumoko udalerri batean 15.000 metro karratuko merkatalgunerik jartzea.

• OUTLETak direla eta, beste erregulazio mota bat?

Aldi berean, Merkataritzaren Lege berriak “Salmenta saldoetan” kontzeptua aldatu egingo du eta beste kontzeptu bat sortu, hots, ez dago salgai zaharkiturik eta ondorioz saldotan saldu beharrekorik, produkzio- edo denboraldi-gaineratikoa dena.

Honek ateak irekiko dizkie komunitate autonomoei jarduera hau arautzeko eta zenbait merkatalguneen gehiegikeriei mugak jartzeko, Outlet epigrafea erabili eta saldo prezioan (kostuaren azpiko prezioa, hain zuzen) saltzen dituztelako saldotzat hartu ezin diren denboraldiko produktuak. Jardunbide honek kalte izugarria eragiten die zuzen-zuzen haiekin lehiatu behar duten gainontzeko enpresei.

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN: