2020(e)ko urriaren 22(a), osteguna

Merkataritzako sari nazionalak

MERKATARITZAKO SARI NAZIONALAK

Informazio hau gazteleraz ere irakurri dezakezu

Industria, Merkataritza eta Turismo Ministerioak 15000 euroko saria duten Merkataritzako Sari Nazionaletarako deialdia ireki berri du.

Nortzuk aurkez daitezkeen:

Enpresaburu autonomoak eta txikizkako merkataritzan aritzen diren merkataritza-sozietateak izan daitezke hautagai, baldin eta Jarduera Ekonomikoen gaineko Zergaren 64., 65. eta 66. epigrafeetan badaude (elikagaien merkataritza eta elikagaiena ez den merkataritza).

Zer baloratzen den:

  1. Negozioan teknologia berriak sartzea, bai kudeaketari dagokionez, bai merkaturatze-prozesuari dagokionez (30 puntu, gehienez).
  2. Webaren edukia, on line erosteko aukera, kontsumitzailearekin komunikatzeko bideak eta marketin digitala erabiltzea (30 puntu, gehienez).
  3. Norberaren markaren erregistroa, kalitate-sistema homologatuak ezartzea edo hautagaitza aurkezteko unean indarrean dauden kalitate-ziurtagiriak lortzea (15 puntu, gehienez).
  4. Azken bost urteetako produktuari dagokion berrikuntza (15 puntura arte).
  5. Etengabeko prestakuntzako eta gaitasun teknologikoen garapeneko prozesuak, hala erdi-mailako agintarienak, dendako langileenak, komertzialenak, bai eta beste langile batzuenak ere, azken bost urteetan, kontsumitzailearen gogobetetasunean eragiten dutenak (15 puntu, gehienez).
  6. Merkataritza-asoziazionismoa hobetzea, lehendik ezarritako talde/elkarteetan sartuz edo berriak sortuz (10 puntu, gehienez).
  7. Belaunaldi-txanda eta antzinatasuna merkataritza-jardueran (10 puntu, gehienez).
  8. Enpresa-dimentsioa handitzea, bai kapital-prestakuntzan, bai lurralde-ezarpenean. Horretarako, sukurtsalak/frankiziak irekiko dira, eta beste enpresa batzuekin akordioa lortuko da, merkataritza-kanalean edo nazioartekotzean parte hartu ahal izateko, estadio guztietan (15 puntu, gehienez).
  9. Merkaturatze-prozesuak hobetzea, eragin berezia izan dezan azken kontsumitzaileari kostuak eta prezioak jaistean, eta emandako zerbitzuak hobetzea, arreta berezia jarriz erosketa-turismoan eta enpresaren gizarte-erantzukizunean (10 puntura arte).


Hautagaitzak non aurkeztu:

Eskabidea Secretaría de Estado de Comercio-ren egoitza elektronikoaren bidez aurkeztu ahal izango da, helbide honetan:
SEDE ELECTRÓNICA

Epea:

Hautagaitzak 2020ko urriaren 31ra arte aurkeztu ahal izango dira.

EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:

ordua: iruzkinik ez:
Etiketak: , ,

Concurso de ideas Tecnológicas para el Comercio Minorista

TXIKIZKAKO MERKATARITZARAKO IDEIA TEKNOLOGIKOEN LEHIAKETA

Informazio hau gazteleraz ere irakurri dezakezu

Industria, Merkataritza eta Turismo Ministerioko Merkataritzako Estatu Idazkaritzak, Espainiako Udalerrien eta Probintzien Federazioarekin (FEMP) eta Sociedad Estatal Correos y Telégrafos S.A. S. M. E.-arekin lankidetzan, "Concurso de ideas Tecnológicas para el Comercio Minorista"-ren hirugarren edizioa aurkeztu du.

HELBURUA:

Lehiaketaren helburua software, hardware edo sentsoringaren garapena da, txikizkako merkataritza-jardueraren berezko negozioetarako. Soluzioek txikizkako merkataritza-jardueraren berezko edozein prozesutan txertatzeko modukoak izan behar dute:
  • Barne-prozesuak (erosketak, stockak antolatzea, informazioa erabiltzea, informazioa biltegiratzea, etab.)
  • Merkataria azken kontsumitzailearekin erlazionatzen duten kanpo-prozesuak, erosketa-esperientzia hobetuko duten teknologia berriak txertatuz
  • Saltokiak MarketPlace batean sar daitezen erraztea


NORTZUK AURKEZ DAITEZKEEN:

Lehiaketa, batez ere, honakoei zuzenduta dago:
  • Merkataritza-jardueraren sektoreko profesionalak eta enpresaburuak.
  • Software-garatzaileak, aplikazio informatikoak (aplikazioak), etab.


SARIAK:

Sarien zuzkidura ekonomikoa 34.000 €-koa da, eta ideia irabazleen artean banatuko da. Ideia horiek gehienez 4 izango dira.

ZER BALORATZEN DEN:

Honako hauek baloratuko dira:
  • Proposamenaren izaera berritzailea, originaltasuna eta sormena.
  • Proiektuen interesa eta egokitasuna.
  • Proiektuaren kalitate teknikoa.
  • Merkataritza-negozioen ideien bideragarritasuna eta moldagarritasuna.


HAUTAGAITZAK NON AURKEZTU:

Interesdunek Merkataritza Politikako Zuzendaritza Nagusian aurkeztu ahal izango dute eskabidea, helbide elektroniko honen bidez: areaeconomica@femp.es

EPEA:

Hautagaitzak 2020ko urriaren 31ra arte aurkeztu ahal izango dira, egun.

INFORMAZIO GEHIAGO

Edozein argibide edo informazio gehigarri behar izanez gero, FEMPekin harremanetan jartzea:
E-posta: areaeconomica@femp.es
Tel.: 913643700
(Galdetu Paulino Rodríguez Becedasengatik).

EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , ,

2020(e)ko urriaren 8(a), osteguna

Euskadi Bono-Denda

EUSKADI BONO-DENDA

Informazio hau gazteleraz ere irakurri dezakezu

Xedea

Laguntza honen helburua EAEko dendetan kontsumoa sustatzea da.

Horretarako, bonoak jarriko dira Euskadiko herritarren eskura, kanpainari atxikitako establezimenduetan eros ditzaten.

Funtzionamendua

Kanpainari atxikitako saltokietan merkagaiak erosteko diru-laguntzak emango dira, deskontu-bonu baten bidez.

Denda bakoitzak bonu kopuru jakin bat izango du bertan erabiltzeko.

"Euskadi bono-merkataritza" bakoitza 10 €-ko deskontu-bonotzat hartuko da, gutxienez 30 €erosiz gero.

Pertsona bakoitzak, NAN bidez identifikatuta, gehienez ere lau deskontu-bonu batu ahal izango ditu, 40 euroko balioa dutenak, eta onuradun bakoitzak establezimendu batean baino gehiagotan edo bakar batean erabili ahal izango ditu.

Kudeaketa

Kanpainan parte hartzeko eta bonuak jasotzeko, saltokiek izena eman beharko dute horretarako sortutako aplikazioan, orri honetan: http://euskadibonodenda.eus/

Atxikitako establezimenduei beharrezko dokumentazioa eta programaren sustapen-materiala emango zaizkie, dagozkien bonuekin batera. Bonuak ez dira fisikoak izango.

Oharra: saltokiek ezin izango dute bonorik gorde edo atxiki beren ohiko bezeroentzat, eta ondo ikusteko lekuan jarri beharko dute programan parte hartzen dutela.

Epea

Izena emateko epea urriaren 27an amaituko da.


Bezeroek 2021eko otsailaren 28ra arte erabili ahal izango dituzte bonuak dendetan.


EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:










ordua: iruzkinik ez:
Etiketak: , ,

2020(e)ko uztailaren 3(a), ostirala

Saltegiak modernizatzeko laguntza-programa 2020

MERKATARITZA-SALTOKIAK MODERNIZATZEKO LAGUNTZAK: MEC 2020


Informazio hau gazteleraz ere irakurri dezakezu

Laguntzaren Xedea:

Laguntza honen xedea EAEko merkataritzako saltokien modernizazioa sustatzea da berrikuntzaren, kudeaketa-tresnen hobekuntzaren eta establezimenduen azpiegituren bidez, gainera, COVID-19aren ondorioz deklaratutako alarma-egoerak eragin duen aparteko egoera.

Erakunde onuradunak:

Egoitza Euskal Autonomia Erkidegoan duten merkataritza-establezimenduak.

Betiere, nahitaezkoa da enpresak, laguntza eskatzeko egunean, gutxienez urtebete bat lehenagotik eratuak eta merkataritzan lan egindakoak izatea.

Laguntza mota:

Laguntza hauek ez itzultzekoak izango dira.

Diruz lagun daitezkeen inbertsioak:

  • Lokala berritzeko eta modernizatzeko bideraturiko inbertsioak, altzariak, merkataritza-jarduna garatzeko beharrezko ekipamenduak eta lokal horren elementuak, barrukoak nahiz kanpokoak, merkataritza-errotuluak ere barnean hartuz. (Gutxieneko inbertsioa: 4.000 euro)
  • Salgaiak pisatzeko balantza elektronikoak, informatika-ekipoak eta horien aplikazio eta osagarriak, betiere merkaturatze-prozesuan barne hartuta badaude edo enpresa-kudeaketara bideratuta. (Gutxieneko inbertsioa: 900 euro)
  • COVID-19ak eragindako alarma-egoera dela-eta, merkataritza-jarduera baldintza higieniko-sanitario egokietan garatzeko erositako aktibo finkoetan egindako inbertsioak: lurruneztagailuak, airea berritzeko eta arazteko sistemak, termometro digitalak, gorputzeko tenperatura neurtzeko kamerak, esterilizagailuak, deskontaminatzeko alfonbrak, etab. (ez dira kontuan hartuko material hauetan egindako gastuak: higiene-maskarak, eskularruak, erabili eta botatzeko mantalak, etab.). (Gutxieneko inbertsioa: 900 euro)

Laguntzen kopurua:

Araututako laguntzak itzultzekoak ez diren diru-laguntzen bidez gauzatuko dira eta kopuruak hauexek izango dira:
  • Inbertsioaren %16, beti ere, inbertsioaren gutxieneko zenbatekoak errespetatuz

Gehikuntzak:

Enpresak baldintza batzuk betetzen baditu laguntza gehiago jaso dezake. Baldintza hauek araudian kontsultatu behar dira.

Tramitazioa:

  • Interneten: Eskabidea online egiten eta bidaltzen da. Hau egiteko dendak Txartela Elektronikoa eduki behar du. Eskarea Interneten egingo da eta eskatutako dokumentazioa bide berdinakin bidaliko da, AUKERA HAU DERRIGORREZKOA DA ESKATZAILE GUZTIENTZAT.

Eskatzeko epea:

Eskatzeko epea 2020ko abuztuaren 3an amaituko da.

Loturak:


Arautegiko loturak:

EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , ,

2020(e)ko uztailaren 2(a), osteguna

Etxetresna Elektrikoen Renove Plana 2020

ELEKTROGAILUEN RENOVE PLANA: 2020

Informazio hau gazteleraz ere irakurri dezakezu
Etxean kontsumitzen den energia elektrikoa murriztea da plan honen helburua; energia eraginkortasunaren hobekuntzaren bidez, hori lortzeko, egun etxeetan erabiltzen diren hozkailuen, izozkailuen, garbigailuen, ontzi-garbigailuen eta lehorgailuen ordez, A++ klaseko edo hortik goragoko energia-etiketa duten etxetresnak berriztatzea. Baita A+ eraginkortasun energetikoa duten labeak berritzea ere.
Etxetresna elektrikoak ordezteak diruz lagun daitekeen kostuaren % 25eko laguntza izango du, muga hauekin:
Etxetresna
diru-laguntza (€/tresnako)
Hozkailua eta hozkailu-izozkailua, A+++ energia eraginkortasun mailarekin
130
Izozkailua, A+++ energia eraginkortasun mailarekin
130
Arropa-garbigailua, A+++ energia eraginkortasun mailarekin
130
Ontzi-garbigailua, A+++ energia eraginkortasun mailarekin
130
Lehorgailua, A+++ energia eraginkortasun mailarekin
130
Hozkailua eta hozkailu-izozkailua, A++ energia-kalifikazioarekin
100
Izozkailua, A++ energia-kalifikazioarekin
100
Arropa-garbigailua, A++ energia eraginkortasun mailarekin
100
Ontzi-garbigailua, A++ energia eraginkortasun mailarekin
100
Lehorgailua, A++ energia eraginkortasun mailarekin
100
Labea, A+ energia eraginkortasun mailarekin
100
Laguntza-programa honen deialdiaren xede diren diru-laguntzak eskuratu ahal izango dituzte ohiko okupazioko etxebizitzaren jabe, usufruktudun edo errentari diren pertsona fisiko guztiek, baldin eta etxetresna elektriko bakar bat ordezkatzen badute laguntza-lerro honetan jasotako mota bakoitzeko etxebizitza bakoitzeko.

OHARRA: Laguntza hau jasotzeko egin behar den tramite bakarra etxetresna berria erostea eta zaharra programa honetan atxikitako edozein dendatan ematea da, hau da, berriztatze bat izan behar da derrigorrez. Atxikitako dendek kanpainaren logoa erakutsiko dute eta zerrenda osoa EVE-ko web orrian egongo da: Atxikitako denden zerrenda.
Etxetresna Elektrikoen 2020rako Renove Planari atxiki nahi zaizkion saltokiak esteka honen bidez atxiki beharko zaizkio kanpainari: SALTOKIENTZAKO SARRERA
Diru-laguntza eskabideak aurkezteko epea 2020ko ekainaren 22an hasiko da, eta 2020ko azaroaren 30ean edo plan honetara esleitutako aurrekontua agortzean amaituko da.
Telefonoak: 944035600

EVE-ko orrian informazioa:

EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , ,

2020(e)ko ekainaren 5(a), ostirala

NIK GERNIKAN BONOan parte hartzen duten establezimenduen zerrenda

NIK GERNIKAN BONOA

Informazio hau gazteleraz ere irakurri dezakezu

Gernika-Lumoko Udalak, Gernika-Lumoko merkatarien elkartearekin lankidetzan, NIK GERNIKAN BONOa kanpaina sustatu du. Jarduera horren helburua kontsumoa dinamizatzea eta tokiko merkataritza sustatzea da.


47.266 bonu eskainiko dira, lau modalitatetan banatuta:
MERKATARITZA-Bonoa: 20€ ordaindu eta 30€ gastatu
PINTXO-Bonoa: 10€ ordaindu eta 15€ gastatu
GOURMET-Bonoa: 3€ ordaindu eta 5€ gastatu
MENU-Bonoa: 7€ ordaindu eta 10€ gastatu

Atxikitako establezimenduetan bonuak erosteko eta trukatzeko kanpaina ekainaren 1ean hasiko da eta abuztuaren 14an amaituko da.

Bono hauek Turismo Bulegoan erosi ahal izango dira, eta partaidetza-bereizgarria erakusten duten establezimenduetan erabili. Esteka honetan ere kontsulta daiteke zerrenda:


Pertsona bakoitzak bonu mota bakoitzeko bi bonu erosi ahal izango ditu. Bonuak ezin izango dira tiket berean pilatu, PINTXO-bonoa eta GOURMET-bonoaren kasuan izan ezik. Oinarri osoak hemen kontsulta daitezke:



EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:

2020(e)ko ekainaren 1(a), astelehena

Euskal Dendetarako COVID-19 Laguntzak

EUSKAL DENDETARAKO COVID-19  LAGUNTZAK 2020 

Informazio hau gazteleraz ere irakurri dezakezu

Laguntzaren Xedea:

COVID-19aren eragina murriztea eta merkataritza-jarduera ahalik eta azkarren berpiztea.

Onuradunak:

Laguntza hauek mikroenpresek eta enpresa txiki eta ertainek (ETE) eskuratu ahal izango dituzte negozio-bolumena ikusita jarduera nagusia txikizkako merkataritza bada (dendak).

Erakunde eskatzaileak alta eraginkorra izan beharko du ekonomia-jardueren gaineko zergan alarma-egoera deklaratu aurretik.

Diruz lagundu daitezkeen kontzeptuak:

  1. Merkataritza-jarduera egiteko erabiltzen den lokal edo hiri-finka bakar baten alokairuaren gastuak, ondoz ondoko hiru hilabeteri dagozkienak alarma-egoera indarrean sartu zenetik, hots, 2020ko martxoaren 14tik 2020ko abuztuaren 31ra bitartean.
  2. Merkataritza-jarduera egiteko erabiltzen den lokal edo hiri-finka erosteko hipoteka-maileguaren edo mailegu pertsonalaren kuotak (amortizazioa + interesak), ondoz ondoko hiru hilabeteri dagozkienak, alarma-egoera indarrean sartu zenetik 2020ko abuztuaren 31ra bitartean.
  3. 2020ko udaberri-udara sasoiko produktuen stocka erostearen gastua, osasun-alarma indarrean jarri baino lehenago (2020ko martxoaren 14a) erosi eta jaso bada.
  4. Honako gastu arrunt hauek:
    1. Energia-hornikuntzako gastuak, telekomunikabide-zerbitzuak (telefonoa, Interneta) eta aseguruen primak (ondoz ondoko 3 hilabetetakoak), alarma-egoera indarrean jarri zenetik 2020ko abuztuaren 31ra artekoak badira.
    2. COVID-19ari lotutako dirulaguntzetarako aholkularitza eta kudeaketa zerbitzuak kontratatzetik eratorritako gastuak txikizkako merkataritza-enpresetan, alarma-egoera aitortu zenetik agindu honen laguntza eskatzen den arteko tartean, gehienez 150 euro.
    3. Tokiko, eskualdeko, probintziako eta euskal merkataritza-elkarteetarako afiliazio-kostuak (ondoz ondoko 3 hilabetetakoak), alarma-egoera indarrean jarri zenetik 2020ko abuztuaren 31ra artekoak badira.

Laguntza mota:

Laguntza hauek ez itzultzekoak izango dira.

Laguntzen kopurua:

  • Aurkeztutako kontzeptu bakoitzaren %100arengatik emango da dirulaguntza.
  • Emango den laguntzaren gehienezko zenbatekoa ez da izango 3.000 euro baino handiagoa diruz lagundutako entitate bakoitzeko.

Tramitazioa:

Eskabideak bitarteko elektronikoen bitartez egin beharko dira lotura honetan: Merkataritza-Laguntzak Covid-19 online eskabidea

Eskatzeko epea:

Eskatzeko epea 2020ko ekainaren 29 arte luzatuko da.

Loturak:

Informazioa Eusko Jaurlaritzaren web orrian

Arautegiko loturak:
Covid-19 Merkataritza-laguntzei buruzko Agindua 2020 


EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , ,
Harpidetu honetara: Mezuak (Atom)