DIGITALIZAZIOA: MERKATARITZAREN ERRONKA
Informazio hau gazteleraz ere irakurri dezakezu
Denda txikien aukera beharra
Digitalizazioa ez da bakarrik aukera bat, beharrezkoa da denda guztientzat. Hala eta guztiz ere normalean egiten den gauza bakarra
ordenagailu bat erostea da, eta oso kasu gutxitan gestio-programa bat ere erostea.
Baina digitalizazioa askoz gehiago da, erronka nagusia datuen gestioa da, prozesuen eraginkortasuna, automatizazioa, eskariaren predikzioa eta bezeroaren erosketa-esperientzia hobetzea, eta ez dio axola zein kanal erabiltzen den.
Artikulu honetan digitalizazioaren garrantzia azaltzen da (erdaraz)
Digitalizatu ez da soilik online saltzea
Askotan pentsatzen dugu digitalizazioa ordenagailu bat eta TPV-a erostea dela. Gaur egun, bikote horri online saltzea gehitu zaio, baina ez da zuzena. Digitalizazioa ezinbestekoa da denda fisiko bat gestionatzeko, bestela prozesuak gutxi gorabehera egiten dira eta horrek akatsak dakartza, eta negozioetan akatsak izatea dirua galtzea da.
Badakigu merkatariak prezioak gogoratzeko, bezeroaren gustuak ezagutzeko eta areago ere gai direla baina, badaki merkatari batek produktu zehatz baten zenbat ale saldu zuen pasa den urtean? Bai, koaderno bat dago eta arratsalde batean kontuak egin ditzake, baina ez al da errazago botoi bat sakatu eta berehala datua sortzea?
Eskuz hartutako datuak kudeatzeko behar duzun denborak zenbat balio du?
Ezin da Amazonera jokatu Amazonekin
Digitalizazioaren bidezko online salmenta denda txikien aukera paregabea modura agertu da, baina ez da horrela izan behar. Internet askoz interesgarriagoa izan daiteke erakusleiho bezala erabiltzen bada. Denda txikien abantaila nagusiena eta diferentzia da denda fisikoa izatea. Esparru horretan Internetek ez dauka zer egiterik, mundu fisikoan ematen diren zerbitzuak ezin dira parekatu Interneten.
EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua
ZURE USTEZ BERRI HAU INTERESGARRIA DA ZABALDU INTERNET-EN:
iruzkinik ez:
Argitaratu iruzkina