EUSKADI BONO DENDA 2024

Informazio hau gazteleraz ere irakurri dezakezu

Zer da Euskadi Bono Denda?

Euskadi Bono Denda Eusko Jaurlaritzaren kanpaina bat da, eta erosketako 30 euro bakoitzeko 10 euroko deskontua eskaintzen du.

Non erabil ditzaket nire bonoak?

Esteka honetan, programa honi atxikita dauden Gernika-Lumoko lokalak kontsulta ditzakezu: Gernika-Lumoko saltokien zerrenda

Noiz erabil ditzaket bonoak?

Bonoak 2024ko azaroaren 15etik abenduaren 5era arte erabil daitezke atxikitako establezimenduetan.

Non eros daitezke bonoak?

Bonoak ez dira erosten, baizik eta ordaintzeko unean eskatzen dira kanpainari atxikitako edozein establezimendutan.

Zenbat bono erabil daitezke?

Euskadin bizi den 16 urtetik gorako pertsona bakoitzak gehienez 3 bono jaso ahal izango ditu, 30 euroko balioarekin.

Establezimenduek www.euskadibonoenda.eus plataforman kontsulta dezakete pertsona bakoitzak zenbat bono dituen eskuragarri.

Kontsumitzaileek, hala nahi izanez gero, beren bonoak erosketa bakar batean metatu ahal izango dituzte, edo hainbat erosketatan, hainbat erosketatan edo establezimendu bakar batean erabili ahal izango dituzte.

Euskadi Bono Dendak bateragarriak izango dira administrazioek abian jartzen duten beste edozein bonorekin; beraz, tiket berean adierazitako erosketan metatu ahal izango dira, betiere Euskadi Bono Denda bakoitzak gutxienez 30 euroko gastua badu bono bakoitzeko.

EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:

EUSKADI BONO DENDA 2024

Informazio hau gazteleraz ere irakurri dezakezu

Xedea

Laguntza honen helburua EAEko dendetan kontsumoa sustatzea da.

Horretarako, bonoak jarriko dira Euskadiko herritarren eskura, kanpainari atxikitako establezimenduetan eros ditzaten.

Funtzionamendua

Kanpainari atxikitako saltokietan merkagaiak erosteko diru-laguntzak emango dira, deskontu-bono baten bidez.

Denda bakoitzak bono kopuru jakin bat izango du bertan erabiltzeko.

"Euskadi bono denda" bakoitza 10 €-ko deskontu-bonotzat hartuko da, gutxienez 30 € erosiz gero.

Pertsona bakoitzak, NAN bidez identifikatuta, gehienez ere hiru deskontu-bono batu ahal izango ditu, 30 euroko balioa dutenak, eta onuradun bakoitzak establezimendu batean baino gehiagotan edo bakar batean erabili ahal izango ditu.

Kudeaketa

Kanpainan parte hartzeko eta bonoak jasotzeko, saltokiek izena eman beharko dute horretarako sortutako aplikazioan, orri honetan: http://euskadibonodenda.eus/

Atxikitako establezimenduei beharrezko dokumentazioa eta programaren sustapen-materiala emango zaizkie, dagozkien bonoekin batera. Bonuak ez dira fisikoak izango.

Oharra: saltokiek ezin izango dute bonorik gorde edo atxiki beren ohiko bezeroentzat, eta ondo ikusteko lekuan jarri beharko dute programan parte hartzen dutela.

Epeak

Dendak izena emateko epea 2024ko urriaren 30ean amaituko da.

Bezeroek denboraldi hau edukiko dute bonoak dendetan erabiltzeko: azaroaren 15etik abenduaren 5era.


EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:

EUSKO JAURLARITZA: MEC 2024, Merkataritza-establezimenduak Modernizatzeko Laguntzak

MERKATARITZA-SALTOKIAK MODERNIZATZEKO LAGUNTZAK: MEC 2024

Informazio hau gazteleraz ere irakurri dezakezu

Laguntzaren Xedea:

Laguntza honen xedea EAEko merkataritza-establezimenduak eta zenbait zerbitzu modernizatzea sustatzeko, berrikuntzaren bitartez eta kudeaketa-tresnak eta merkataritza-azpiegiturak eta -ekipamenduak hobetuz, kalitate- eta lehiakortasun-maila handiagoa lortzeko.

---

Erakunde onuradunak:

Egoitza Euskal Autonomia Erkidegoan duten merkataritza edo zerbitzu-establezimenduak.

Merkataritza- edo zerbitzu-establezimenduak Euskal Autonomia Erkidegoan egon beharko du, eta haren jarduera laguntzaren arauan zerrendatutakoen artean kokatu beharko da.

Betiere, nahitaezkoa da diruz lagundutako establezimenduan zerbitzu edo merkataritza-jarduera bera garatzea, Jarduera Ekonomikoen gaineko Zergan altan izanik, eskaera aurkeztu den data baino gutxienez urtebete lehenagotik.

---

Laguntza mota:

Laguntza hauek ez itzultzekoak izango dira.

---

Diruz lagun daitezkeen inbertsioak:

• 1. ildoa. Merkataritza-establezimenduko azpiegitura eta ekipamendua berritzea: merkataritza- edo zerbitzu-establezimendua eraberritzeko eta modernizatzeko inbertsioak, obrak eginez, eta inbertsioak altzarietan eta merkataritza-jarduera gauzatzeko behar diren ekipamenduetan, gehi kanpoko zein barneko elementuetan, zuzen funtzionatzeko beharrezkoak badira. (Gutxieneko inbertsioa: 3.000 euro BEZik gabe )
• 2. ildoa. Teknologia berriak eta berrikuntza txertatzea: ekipamendu eta aplikazio informatikoak, enpresa-kudeaketa hobetzeko, zerga-araudira egokitzeko eta produktuak webguneen bidez merkaturatzea sustatzeko. (Gutxieneko inbertsioa: 1.000 euro BEZik gabe)

---

Diruz lagun daitekeen aldia:

2023ko urriaren 1etik 2024ko irailaren 30era bitartean, biak barne, egiten diren inbertsioek jaso ahal izango dute dirulaguntza.

---

Laguntzen kopurua:

Araututako laguntzak itzultzekoak ez diren diru-laguntzen bidez gauzatuko dira eta kopuruak hauexek izango dira:

• Inbertsioaren %40, beti ere, inbertsioaren gutxieneko zenbatekoak errespetatuz

Gehikuntzak:

Enpresak baldintza batzuk betetzen baditu laguntza gehiago jaso dezake. Baldintza hauek araudian kontsultatu behar dira.

---

Tramitazioa:

• Interneten: Eskabidea online egiten eta bidaltzen da. Hau egiteko dendak Txartela Elektronikoa eduki behar du. Eskarea Interneten egingo da eta eskatutako dokumentazioa bide berdinakin bidaliko da, AUKERA HAU DERRIGORREZKOA DA ESKATZAILE GUZTIENTZAT.

WEB ESKAERARAKO ESTEKA

---

Eskatzeko epea:

Eskatzeko epea 2024ko irailaren 30ean amaituko da.

---

Loturak:

Arautegiko loturak:

• AGINDUA: MEC diru-laguntzak 2024
• Informazioa Eusko Jaurlaritzako orrian
• Ohiko galderak

EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN: