Merkataritzarako diru-laguntzak 2014 etiketadun mezuak erakusten. Erakutsi mezu guztiak
Merkataritzarako diru-laguntzak 2014 etiketadun mezuak erakusten. Erakutsi mezu guztiak

2014(e)ko abenduaren 2(a), asteartea

GABONETAKO BONO DENDA, Olentzerok deskontuak dakartza

GABONETAKO BONO DENDA: OPARIAK PREZIO BEREZITAN
http://comercio-gernika-lumo.blogspot.com.es/2014/12/bono-denda-navidad-2014.htmlInformazio hau gazteleraz ere irakurri dezakezu


Bizkaiko Foru Aldundiak eta CECOBI  bultzatzen dute GABONETAKO BONO DENDA kanpaina hau..

Kanpainari atxikipena agertu dioten edozein dendatan trukatu daitezke bono hauek. Bono bakoitzak 40 euro balio du, baina 50 euroko gastua egitea ahalbidetzen du. Hortaz, prezioaren %20ko deskontua eragingo luke bonoa erabiltzeak.

Bizkaian baino ezingo dira erabili bono hauek, atxikipen-ezaugarria erakusgarri duten dendetan, alegia. Bonoaren erabilpenak iraungitze data du: 2014ko abenduaren 9tik 2015eko urtarrilaren 31ra. Aurten 20.000 bono jarriko dira salgai.
Zer egin behar dute BEZEROEK programa honetan parte hartzeko?Baldintza hauek bete beharko dituzte deskontuak izateko:
  1. Bonoak erostea KUTXABANK-eko zerbitzu anitzetarako edozein kutxatan. Bonoek 40 euroko balioa dute, eta edozein bankuko txartela erabilita lortu ahal dira komisiorik gabe.
  2. Atxikipena duen dendetan erosketa egitea, 2015eko urtarrilaren 31 baino lehen.
  3. Kredituko txartel bakoitzeko bi bono eros daitezke, gehienez, baina ez dago inolako mugarik pertsona batek erabil ditzakeen bonoen kopuruari dagokionez.
  4. Ticket bakoitzean bono bat erabiliko da soilik

Zer egin behar dute MERKATARIEK programa honetan parte hartzeko?
OHARRA: Aurreko Bono Denda kanpainetan parte hartu duten dendariek bakarrik inprimakia bete eta bidali egin behar dute.

Merkatariek honako baldintza hauek bete beharko dituzte:
  1. Bizkaian dagoen txikizkako merkataria izatea.
  2. Kanpainari atxikimendua adieraztea. Horretarako, CECOBI patronalarekin harremanetan jarri, 94 400 28 00 telefonora deituta edo web orrian. Dagokion inprimakia bete beharko dute, halaber.
  3. Kanpainaren bereizgarria ikusgarri jartzea eta sustapenean parte hartzen duten produktuak behar bezala etiketatzea.
  4. Prezioan deskontua egitea, bonua aurkeztutakoan.
  5. Atxikimendu konpromisoan eskatutako baldintza betetzea, hots, behar diren agiriak aurkeztea.
Laburpena:
  • BONO DENDA-k KUTXABANK-eko kutxatiletan lortu ahal dira 40 eurotan. Bonoak 2015eko urtarrilaren 31ra arte trukatu ahal izango dira.
  • BONO DENDA-k soilik erabili ahal izango dira kanpainaren bereizgarria ikusgarri duten dendetan.
  • BONO DENDA-k erosketa bakoitzeko baino ezingo dira erabili; ezingo dira, beraz, bonoak pilatu erosgai bera erosi ahal izateko, baina ez dago inolako mugarik pertsona batek erabil ditzakeen bonoen kopuruari dagokionez.
ANIMA ZAITEZ ETA BIZKAIAN EROSI!, ZURETZAT DA!
Informazio gehiago:
Bizkaiko Foru Aldundia
CECOBI: Bizkaiko Merkataritzako Enpresari Konfederazioa
EGILEA:Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , , , ,

2014(e)ko azaroaren 24(a), astelehena

Bizkaiko Kultur Txartela 2014: Gabon kulturalak

BIZKAIKO KULTUR TXARTELA: EDIZIO BERRIA 2014KO GABONETARAKO
Informazio hau gazteleraz ere irakurri dezakezu

Bizkaiko Foru Aldundiak eta CECOBI elkarteak 2014ko Gabonetan erabiltzeko BIZKAIKO KULTUR TXARTELA atera dute, deskontu mamitsuak kultura bultzatzeko

Txartela guztiek 40 euroko gastua egiteko aukera emango dute, baina hiru mota izango ditu eta bana prezio
desberdinarekin.

Bizkaian erabili behar dira eta erosketak programari atxikitako establezimenduetan 2014ko abenduaren 1etik 2015eko urtarrilaren 31ra egin behar dira.
BEZEROENTZAT:

NON eros daitezke Bizkaiko Kultur Txartelak?
BBKren orotarako kutxazainetan, Bizkaian.
NOIZ EROS daitezke Bizkaiko Kultur Txartelak?
2014ko abenduaren 1etik 2015eko urtarrilaren 29ra arte
NOIZ ERABIL daitezke Bizkaiko Kultur Txartelak?
2014ko abenduaren 1etik 2015eko urtarrilaren 31ra
ZENBAT txartela mota daude?
Hauexek dira Bizkaiko Kultur Txartelak izango dituen hiru mota:
  • A motako Txartela
    • Prezioa: 32 euro
    • Erderazko edozein kultur produktu erosteko (liburuak, musika, zinema).

  • B motako Txartela
    • Prezioa: 28 euro
    • Erderaz egindako zuzeneko kultur ikuskizunetara joateko (zinema, antzerkia, musika...) eta museoak bisitatzeko.

  • D motako Txartela
    • Prezioa: 24 euro
    • Euskarazko produktuak erosteko eta euskaraz egindako kultur ikuskizunetara joateko (zinema, antzerkia, musika...)

NON ERABIL daitezke Bizkaiko Kultur Txartelak?
Bizkaiko programari atxikitako establezimenduetan, zerrenda hemen ikus dezakezu: DENDEN ZERRENDA
OHARRA:
Kategoria bakoitzeko bi txartel erosi ahal izango dira.
DENDARIENTZAT:

Aurreko kanpainaren inskripzioak ez dira kontuan hartuko; beraz, momentu honetan inskripzioa egiten ez bada, ezin izango da Bizkaiko Kultur Txartela edizio honetan parte hartu.
Nola egiten da programa honetan parte hartzeko?

Bizkaian dauden establezimenduak atxiki ahal izango zaizkio Bizkaiko Kultur Txartela programari, baldintza hauek betetzen badituzte:
  • Pertsona fisikoak edo juridikoak betebehar hau betetzen badute: Haien jarduera bada kultur produktu eta ondasunak kontsumitzaileari saltzea edo kultur produktuak jendaurrean erakustea izan behar da.

Zer epea daukate enpresak izena emateko?
Dendek izena eman dezakete abenduaren 1etik aurrera, horretarako inskripzio orria bete behar da eta CECOBI-ko bulegoan edo edo Bizkaiko Foru Aldundiko Kultura Sailean.

Programari atxikitzeko baldintzak
  • Kanpainako material publizitario guztia jaso eta dendako leku ikusgarrian kokatu
  • Dirurik ez itzultzea erosketaren kostea eta Bizkaiko Kultur Txartelarean arteko diferentziaz
INFORMAZIO GEHIAGO:
Txartelari buruzko informazioa Bizkaiko Foru Aldundiaren web orrian

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , , ,

2014(e)ko urriaren 2(a), osteguna

EVE 2014: Etxetresna Elektrikoen Renove Plana

ELEKTROGAILUEN RENOVE PLANA: 2014
Informazio hau gazteleraz ere irakurri dezakezu

Etxean kontsumitzen den energia elektrikoa murriztea da plan honen helburua; energia eraginkortasunaren hobekuntzaren bidez, hori lortzeko, egun etxeetan erabiltzen diren hozkailuen, izozkailuen, garbigailuen eta ontzi-garbigailuen ordez, A++ klaseko edo hortik goragoko energia-etiketa duten etxetresnak berriztatzea.
Diruz lagunduko diren etxetresna elektrikoak eta bakoitzari dagokion diru-laguntzaren zenbatekoahauexek dira:
Etxetresna
diru-laguntza (€/tresnako)
Hozkailua eta hozkailu-izozkailua, A+++ energia eraginkortasun mailarekin
125
Izozkailua, A+++ energia eraginkortasun mailarekin
125
Garbigailua, A+++ energia eraginkortasun mailarekin
125
Ontzi-garbigailua, A+++ energia eraginkortasun mailarekin
125
Hozkailua eta hozkailu-izozkailua, A++ energia-kalifikazioarekin
105
Izozkailua, A++ energia-kalifikazioarekin
105
Garbigailua, A++ energia eraginkortasun mailarekin
105
Ontzi-garbigailua, A++ energia eraginkortasun mailarekin
105
* Mikrouhinak eta mikrouhin labeak ez dira sartzen
Pertsona fisikoak. Pertsona horiek laguntza-ildo honen baitan jasotako etxetresna-mota bakoitzetik bakar bat ordeztu dezakete, baldin eta haren ordez A++ klaseko edo hortik goragoko etiketa energetikoa duen beste etxetresna elektrikoren bat eskuratzen badute, erabiltzeko bada eta Euskal Autonomia Erkidegoan bizi badira.
OHARRA: Laguntza hau jasotzeko egin behar den tramite bakarra etxetresna berria erostea eta zaharra programa honetan atxikitako edozein dendatan ematea da, hau da, berriztatze bat izan behar da derrigorrez. Atxikitako dendek kanpainaren logoa erakutsiko dute eta zerrenda osoa EVE-ko web orrian egongo da: Atxikitako denden zerrenda.
2014ko Etxetresna Elektrikoen Renove Planera atxiki nahi diren dendek Atxikimendu Protokoloa bidali behar dute EVE-ra. Dokumentu hau erakunde honen orrian aurkitu dezakete. Bestalde "2013ko Etxetresna Elektrikoen Renove Plan"-era atxikitako dendek, kontrakoa idatziz adierazi ezik, 2014ko Etxetresna Elektrikoen Renove Planarekin ere bat egingo dute.
Dendek berariaz prestatutako aplikazio informatiko bat edukiko dute operazioen datuak sartzeko, aplikazio horren lotura programaren orrian dago: SALTOKIENTZAKO SARRERA
Diru-laguntza eskabideak aurkezteko epea 2014ko urriaren 2an hasiko da, eta 2014ko azaroaren 28an edo plan honetara esleitutako aurrekontua agortzean amaituko da.
Telefonoak: 689 593 191

EVE-ko orrian informazioa:

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , , ,

EVE 2014: Kondentsazio Bidezko Banakako Galdaren Renove Plana

KONDENTSAZIO BIDEZKO GALDAREN RENOVE PLANA: 2014
Informazio hau gazteleraz ere irakurri dezakezu

LAGUNTZAREN XEDEA

Galdarak berriztatzea, egoitza barruan dauden potentzien maila kontuan izanik, energia-eraginkortasunaren, segurtasunaren eta erosotasun egoeraren hobekuntzan oinarritzen da. Izan ere, diren ekipo ugari oso zaharrak dira, energia-eraginkortasun maila apala dute, eta, beraz, eskaintzen duten erosotasuna ez da egokiena.

Horregatik guztiagatik, honako programa honen bitartez diruz lagundu nahi da gaur egun dauden banakako galdaren berriztatzea (edo antzeko funtzionamendua duten ekipoak), eta horien ordez 70 kW-eko potentzia edo txikiagoa duten kondentsazio-galdarak jartzea, energia-eraginkortasun handia duten galdarak, hain zuzen ere.

ONURADUNAK

Jarduteko ahalmena duten pertsona fisikoak (etxebizitzaren jabea edo usufruktuduna), betiere baldintza hauek bete badituzte:

  • Programaren helburua den berritzea Euskal Autonomia Erkidegoan (aurrerantzean EAE) egin behar da
  • Galdara berrituko den etxebizitza EAEn egon beharko da, eta ohiko etxebizitza izan beharko da
  • 2014ko urtarrilaren 1a baino lehen onuradunak egindako inbertsioen fakturak ezin izango dira laguntza programa honetaz baliatu

LAGUNTZAREN ZENBATEKOA

Diru laguntza zehatzaren guztizko zenbatekoa 200 eurokoa izango da, baldin eta Condensa Renove Plan honen eskakizun guztiak betetzen baditu.

Ez da diru-laguntzarik emango honako ezaugarri hauek dituzten ekipoak edo galdarak jartzen badira:

  1. 70 kW-etik gorako potentzia badu
  2. Jarri nahi den ekipo berriak lehendik zegoen beste bat ordezten ez badu (etxebizitza edo denda berria)
  3. Ekipo berria ez da kondentsazio teknologian oinarritzen

ESKABIDEAK AURKEZTEKO EPEA

Diru-laguntza eskabideak aurkezteko epea 2014ko uztailaren 22an hasiko da, eta 2014ko azaroaren 30ean edo plan honetara esleitutako aurrekontua agortzean amaituko da.

INFORMAZIO GEHIAGO

Telefonoa: 94 403 56 00

EVE-ko orrian informazioa:


EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , , ,

EVE 2014: Leihoen Renove Plana

LEIHOEN RENOVE PLANA 2014
Informazio hau gazteleraz ere irakurri dezakezu

LAGUNTZAREN XEDEA

Programa hau ohiko etxebizitzaren beiraztatutako itxiturak berritzeko laguntzak emateko eratu da, eraginkortasun handiko prestazio termikoak dituzten leihoak jarri ahal izateko. Beiraztatutako itxituratzat hauexek hartuko dira: berotutako leku edo gune batean dauden eta kanpo aldetik aldentzeko erabiltzen diren leihoak edo ate-leihoak, etxeko alorrean energiaren kontsumoa gutxitzeko xedez.

ONURADUNAK

Etxebizitza baten jabea den pertsona fisikoa edo haren usufruktuduna, edo haren errentaria, eta leihoak berritu nahi dituena termikoki eraginkorragoak direnak jartzeko asmoz.

Etxebizitza Euskal Autonomia Erkidegoan egoteaz gain, ohiko etxebizitza izan behar da.

LAGUNTZAREN ZENBATEKOA

Emango den diru-laguntzaren gehieneko zenbatekoa inbertsioaren %22 izango da (Ezarritako Oinarria). Nolanahi ere, leihoaren m2 bakoitzeko emango den gehieneko diru-laguntza 400 eurokoa izango da, eta etxebizitzako emango den gehieneko zenbatekoa 1.000 eurokoa izango da.

DIRUZ LAGUNDUKO DIREN EGITASMOAK

Leiho berriek ezaugarri hauek bete beharko dituzte:

  • CE marka eduki beharko dute
  • Arotzia metalikoaren kasuan, zubi termikoaren haustura eduki beharko dute
  • Beira bikoitza Isolamendu Termiko Sendoa (ATR) deritzonaren modukoa izango da, eta honako ezaugarri hauek izango dituzte:
    • Transmisio termikoaren balioa (Ug) 1,40 W/m2.K.edo txikiagoa izango da
    • Kamera-lodiera 14 mm edo handiagoa izango da
  • Leiho zulo guztiak etxebizitzaren kanpo aldeko itxituren barruan izango dira, eta ez dute diru laguntzarik jasoko etxebizitzaren barne aldeko itxituretan kokatutako leihoek

ESKABIDEAK AURKEZTEKO EPEA

Diru-laguntza eskabideak aurkezteko epea 2014ko urriaren 2an hasiko da eta 2014ko azaroaren 28an edo plan honetara esleitutako aurrekontua agortzean amaituko da.

2014ko urtarrila 1a baino lehen egindako inbertsioak ezin izango dira baliatu programa honen dirulaguntzaz.

INFORMAZIO GEHIAGO

EVE-ko arreta telefono zenbakia: 94 403 56 00

EVE-ko orrian informazioa:


EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , , ,

2014(e)ko uztailaren 7(a), astelehena

EUSKO JAURLARITZA: MEC 2014 Programa, Merkataritzako Saltokiak Modernizatzeko Laguntza-Programa


"MERKATARITZAKO SALTOKIAK MODERNIZATZEKO LAGUNTZA-PROGRAMA: MEC 2014

Informazio hau gazteleraz ere irakurri dezakezu

Laguntzaren Xedea:
Laguntza honen xedea EAEko merkataritzako saltokien modernizazioa sustatzea da berrikuntzaren, kudeaketa-tresnen hobekuntzaren eta establezimenduen azpiegituren bidez.
Hau lortzeko, egoitza Euskal Autonomia Erkidegoan duten enpresek merkataritza-establezimenduak modernizatzeko egiten dituzten inbertsio-proiektuei emango zaie dirulaguntza, berritzeko beharrezkoak diren merkataritza-ekipamenduen, obra zibilaren eta altzarien finantziazioaren bidez.
Erakunde onuradunak:
Egoitza Euskal Autonomia Erkidegoan duten merkataritza-establezimenduak.

Betiere, nahitaezkoa da enpresak, laguntza eskatzeko egunean, gutxienez urtebete bat lehenagotik eratuak eta merkataritzan lan egindakoak izatea.
Laguntza mota:
Laguntza hauek ez itzultzekoak izango dira.
Diruz lagun daitezkeen inbertsioak:
Honako baldintzak betetzen dituzten inbertsioak izango dira diruz lagungarriak:
  • Orokorrean
    • Lokala berritzeko eta modernizatzeko bideraturiko inbertsioak.
    • Altzariak
    • Merkataritza-jarduna garatzeko beharrezko ekipamenduak eta lokal horren elementuak, barrukoak nahiz kanpokoak, merkataritza-errotuluak ere barnean hartuz.
  • Balantza elektronikoak, informatika-ekipoak eta horien aplikazio eta osagarriak, betiere merkaturatze-prozesuan barne hartuta badaude edo enpresa-kudeaketara bideratuta.
Diruz lagunduak izateko proiektuetako inbertsioek baldintza hauek bete behar dituzte:
  1. Enpresaren aktibora sartu behar dute
  2. Inbertsioa gutxienez 3.000 euro enpresako izango da, ekipo informatikoak salbu, eta horietan gutxieneko inbertsioa 900 euro izango da
  3. Aktiboak estreinakoz erabiltzen diren edo funtzionatzen duten tresnak izango dira
  4. Enpresako aktiboan gutxienez hiru urtez iraungo dute
  5. Hirugarren pertsona fisiko edo juridikoei ez dira lagatuko
  6. Enpresa eskatzaileak berak fabrikatuak, eginak edo garatuak ez dira izango
  7. Laguntza jasotzen duten inbertsio-proiektuak Euskal Autonomia Erkidegoaren lurraldearen barruan kokatuko dira
  8. Laguntzen kalkulua egiteko, 2014 urtean egin den aktiboen erosketaren zenbatekoa kontuan hartuko da. Aurreko ekitaldiko inbertsioak onar daitezke, betiere 2013ko ekainaren 18tik ondoren (egun hau barne) egikaritu badira
NOTAK:
  • Aktiboen preziotzat haien balio «garbia» hartuko da, hots, fakturatutako zenbatekoari Balio Erantsiaren gaineko Zerga (BEZ) kenduta ateratzen den balioa
  • Ezein kasutan ez da merkataritza-lokala ezta garraiorako elementua erostea diruz lagunduko. Renting edo leasing bidez erositako aktiboak ez dira sartuko ere
Laguntzen kopurua:
Araututako laguntzak itzultzekoak ez diren diru-laguntzen bidez gauzatuko dira eta kopuruak hauexek izango dira:
  • OROKORREAN:
  • Inbertsioaren %15 lokala berritzeko eta modernizatzeko bideraturiko inbertsioak
  • Inbertsioaren %20 Balantza elektronikoak, informatika-ekipoak eta osagarriak erosteko bideraturiko inbertsioak
  • GEHIKUNTZAK
  • 2 puntu gehiago UNE 175001 ziurtagiria badu
  • 3 puntu gehiago Merkataritza Bikaina ziurtagiria badu
  • 5 puntu gehiago saltoki eskatzaileak elkarteren batekiko bere lotura egiaztatzen badu
  • 5 puntu gehiago informatika inbertsioa gestio programa batean egiten bada
  • 5 puntu gehiago laguntza eskatzen zaion saltokiaren nagusiak edo gutxienez hango langile batek hezkuntza arautuko tituluren bat (Lanbide Heziketako gradua nahiz Unibertsitateko Titulua) edo Lanbidek jaulkitzen dituen profesionaltasun-ziurtagiriren bat baduela egiaztatuz gero, tituluak merkataritzarekin zuzeneko loturaren bat badu, betiere. Tituluek eta ziurtagiriek merkataritzarekin zuzeneko lotura dutela ulertuko da badin eta haien helburua merkataritzako saltokiaren kudeaketa enpresariala bada; alegia: erosketa, salmenta, bezeroarentzako arreta, biltegien kudeaketa, marketina...
  • 2 puntu gehiago baldin eta saltokiak Emakundek edo beste edozein herri-administraziok jaulkitako Gizonen eta Emakumeen arteko Aukera Berdintasunaren aldeko Erakunde Laguntzaile moduko aintzatespena badu
Notak:
  • Ezein kasutan ez du diru-laguntzaren gehieneko zenbatekoak 12.000 euro gaindituko establezimendu eta urte bakoitzeko
  • Ezein kasutan ez da diru-laguntzaren gehieneko portzentaia onartutako inbertsioaren %25a baino haundiagoa izango
Tramitazioa:
Eskaerak: Eskabideen tramitazioa egiteko bi bide daude:
  • Paperean: Eskabidea online bete behar Eusko Jaurlaritzako web orrian da eta behin inprimatuta eskatutako dokumentazioarekin batera Industria, Berrikuntza, Merkataritza eta Turismo saileko Lurralde bulego batean aurkeztu
  • Interneten: Eskabidea online egiten eta bidaltzen da. Hau egiteko dendak Txartela Elektronikoa eduki behar du. Eskarea Interneten egingo da eta eskatutako dokumentazioa bide berdinakin bidaliko da
LOTURA EUSKO JAURLARITZAKO WEB ORRIRA
Eskatzeko epea:
Eskatzeko epea 2014ko irailaren 5 arte luzatuko da
Notak:
Dendak eskabidea Internetez egiten badu eta Txartela Elektronikoa badauka ez du eskaera paperez aurkeztu behar
Loturak:
Informazioa Eusko Jaurlaritzako orrian

Arautegiko loturak:


EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , , ,

2014(e)ko maiatzaren 30(a), ostirala

2014ko BONO DEKOR-a: %20 deskontuan altzariak erosteko

BONO DEKOR: %20KO DESKONTUA ALTZARIAK EROSTEKO
http://comercio-gernika-lumo.blogspot.com.es/2014/05/bono-dekor-2014-20-de-descuento-en.htmlInformazio hau gazteleraz ere irakurri dezakezu


Bizkaiko Merkataritzako enpresari konfederazioak (CECOBI), Bizkaiko Altzarien Merkataritzako Elkarteak (AMUBI) eta Bizkaiko Foru Aldundiak aurten ere BONO DEKOR kanpaina hasi dute salmentak dinamizatzeko altzari dendetan.

Bono hauekin etxerako eta sukaldeko altzariak, lanparak eta koltxoiak erostean produktuen prezioan %20ko deskontua jasoko dute erosleek.

Bonoak Bizkaian baino ez dira erabilgarriak izango kanpainako atxikimen pegatina duten dendetan. Erosketak maiatzaren 30etik ekainaren 30era egin beharko dira.
Zer egin behar dute bezeroek deskontu hau eskuratzeko?

Deskontu hauek lortzeko hauxe da beharrezkoa:
  1. Bonoak erostea: edozein BBKko kutxazain automatikoan.
  2. Edozein atxikitutako dendetan gutxienez 300euroko (BEZ gabe) erosketa bat egitea ekainaren 30 aurretik.
OHARRA: Posiblea da dendetan kanpainan kanpoko produktuak egotea, produktu hauetan ez da deskonturik aplikatuko.
Zer egin behar dute dendek programan parte hartzeko?

Kanpaina honetan parte hartzeko ekintza hauek egin behar dituzte dendek:
  1. Altzari-denda, sukaldeko altzari-denda edota elektratresna-denda izatea.
  2. Kanpainan parte hartzea, horretarako beharrezkoa da CECOBI/AMUBIrekin kontaktatzea telefono zenbaki honetan 94 400 28 00 edo CECOBI-ren web orrian eta atxikipen-dukumentua betetzea.
  3. Inskripzio-kuota ordaintzea: 100€ AMUBIko kideentzat eta 200€ beste denda guztientzat.
  4. Dendako leku ikusgarri batean ipini kanpainako kartela eta promozioan hartuko diren produktuak ondo etiketatu.
  5. Deskontua aplikatu bezero batek bono bat aurkezten duen bakoitzean.
  6. Atxikipen-dokumentuan eskatzen diren betebehar guztiak bete.
Nola funtzionatzen den kanpaina?

Bezero batek 300€ baino gehiagoko erosketa bat egiten denean (gutxienezko salmenta prezioa 363€) merkatariak %20 deskontua egingo dio BONO DEKOR aurkezten badu. Deskontuaren kopurua honela kalkulatuko da:

Adibide:
Altzariaren salmenta prezioa: 400 €
Deskontua: 20% x 400 = 80 euro
Bezeroak ordainduko du: 320 euro
Laburpena:
  • BONO DEKOR-rak BBK kutxazain-automatikoetan erosten dira, prezioa 5€ (0,90 euro gehiago Kutxabank-eko ex den txartelak erabiltzen badira)
  • Bonoak erabiltzeko epea ekainaren 30ean amaituko da
  • BONO DEKOR-rak kanpainan arte hartzen duten dendetan baino ez dira erabilgarriak
  • Gutxienezko erosketa 300 eurokoa (BEZ gabe) izan behar da
  • Dendako produktu guztiek ez dute kanpainan parte hartu behar. Onartutako produktuek kanpainaren etiketa edukiko dute
Informazio gehiago:
CECOBI: Bizkaiko Merkataritzako enpresari konfederazioa
AMUBI: Bizkaiko Altzarien Merkataritzako Elkartea

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , , ,

2014(e)ko maiatzaren 16(a), ostirala

BONO DENDA heldu da: 40 euroko bonoak 50 euroko gastua egiteko

UDABERRIKO BONO DENDA: ALERGIA PREZIO ALTUEI
Informazio hau gazteleraz ere irakurri dezakezu


Bizkaiko Foru Aldundiak eta CECOBI bultzatzen dute kanpaina hau. Bilbaodendak, Bizkaidendak, Ezkerraldenda eta Getxo Enpresa erakundeen laguntza izango du.

Kanpainari atxikipena agertu dioten edozein dendatan trukatu daitezke bono hauek. Bono bakoitzak 40 euro balio du, baina 50 euroko gastua egitea ahalbidetzen du. Hortaz, prezioaren %20ko deskontua eragingo luke bonoa erabiltzeak.

Bizkaian baino ezingo dira erabili bono hauek, atxikipen-ezaugarria erakusgarri duten dendetan, alegia. Bonoaren erabilpenak iraungitze data du: 2014ko maiatzaren 16 uztailaren 15era. Aurten 15.000 bono jarriko dira salgai.
Zer egin behar dute BEZEROEK programa honetan parte hartzeko?Baldintza hauek bete beharko dituzte deskontuak izateko:
  1. Bonoak erostea BBK-ko zerbitzu anitzetarako edozein kutxatan. Bonoek 40 euroko balioa dute, eta edozein bankuko txartela erabilita lortu ahal dira.
  2. Atxikipena duen dendetan erosketa egitea, 2014ko uztailaren 15a baino lehen.
  3. Kredituko txartel bakoitzeko bi bono eros daitezke, gehienez, baina ez dago inolako mugarik pertsona batek erabil ditzakeen bonoen kopuruari dagokionez.

Zer egin behar dute MERKATARIEK programa honetan parte hartzeko?
OHARRA: Aurreko Bono Denda kanpainetan parte hartu duten dendariek bakarrik inprimakia bete eta bidali egin behar dute.

Merkatariek honako baldintza hauek bete beharko dituzte:
  1. Bizkaian dagoen txikizkako merkataria izatea.
  2. Kanpainari atxikimendua adieraztea. Horretarako, CECOBI patronalarekin harremanetan jarri, 94 400 28 00 telefonora deituta edo web orrian. Dagokion inprimakia bete beharko dute, halaber.
  3. Kanpainaren bereizgarria ikusgarri jartzea eta sustapenean parte hartzen duten produktuak behar bezala etiketatzea.
  4. Prezioan deskontua egitea, bonua aurkeztutakoan.
  5. Atxikimendu konpromisoan eskatutako baldintza betetzea, hots, behar diren agiriak aurkeztea.
Resumen:
  • BONO DENDA-k BBK-ko kutxatiletan lortu ahal dira 40 eurotan. Bonoak 2014ko uztailaren 15era arte trukatu ahal izango dira.
  • BONO DENDA-k soilik erabili ahal izango dira kanpainaren bereizgarria ikusgarri duten dendetan.
  • BONO DENDA-k erosketa bakoitzeko baino ezingo dira erabili; ezingo dira, beraz, bonoak pilatu erosgai bera erosi ahal izateko, baina ez dago inolako mugarik pertsona batek erabil ditzakeen bonoen kopuruari dagokionez.
ANIMA ZAITEZ ETA BIZKAIAN EROSI!, ZURETZAT DA!
Informazio gehiago:
Bizkaiko Foru Aldundia
CECOBI: Bizkaiko Merkataritzako Enpresari Konfederazioa
BILBAO DENDAK

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , , , ,

2014(e)ko apirilaren 2(a), asteazkena

Bizkaiko Kultur Txartela 2014: Kultura erostea ezin errazago

BIZKAIKO KULTUR TXARTELA: KULTURA PAREGABEA PREZIO EZIN HOBEAN
Esta información también puedes leerla en euskera
Bizkaiko Foru Aldundiak eta CECOBI elkarteak aurten ere atera dute BIZKAIKO KULTUR TXARTELA, deskontu mamitsuak kultura bultzatzeko.
Txartela guztiek 40 euroko gastua egiteko aukera emango dute, baina hiru mota izango ditu eta bana prezio desberdinarekin.
Bizkaian erabili behar dira eta erosketak programari atxikitako establezimenduetan 2014ko martxoaren 31tik ekainaren 30ra egin behar dira.
BEZEROENTZAT:

NON eros daitezke Bizkaiko Kultur Txartelak?
BBKren orotarako kutxazainetan, Bizkaian.
NOIZ EROS daitezke Bizkaiko Kultur Txartelak?
2014ko martxoaren 31tik ekainaren 27ra arte
NOIZ ERABIL daitezke Bizkaiko Kultur Txartelak?
2014ko martxoaren 31tik ekainaren 30ra
ZENBAT txartela mota daude?
Hauexek dira Bizkaiko Kultur Txartelak izango dituen hiru mota:
  • A motako Txartela
    • Prezioa: 32 euro
    • Erderazko edozein kultur produktu erosteko (liburuak, musika, zinema).

  • B motako Txartela
    • Prezioa: 28 euro
    • Erderaz egindako zuzeneko kultur ikuskizunetara joateko (zinema, antzerkia, musika...) eta museoak bisitatzeko.

  • D motako Txartela
    • Prezioa: 24 euro
    • Euskarazko produktuak erosteko eta euskaraz egindako kultur ikuskizunetara joateko (zinema, antzerkia, musika...)

NON ERABIL daitezke Bizkaiko Kultur Txartelak?
Bizkaiko programari atxikitako establezimenduetan, zerrenda hemen ikus dezakezu: DENDEN ZERRENDA
OHARRA:
Kategoria bakoitzeko bi txartel erosi ahal izango dira.
DENDARIENTZAT:

Nola egiten da programa honetan parte hartzeko?
Gabonetako kanpainan programa honi atxiki ziren establezimenduek ez dute izapiderik egin behar; bakar-bakarrik jakinarazpen bat helerazi behar diote Kulturako Sailari baldin eta udaberriko kanpainan parte hartu nahi ez badute.

Bizkaian dauden establezimenduak atxiki ahal izango zaizkio Bizkaiko Kultur Txartela programari, baldintza hauek betetzen badituzte:
  • Pertsona fisikoak edo juridikoak betebehar hau betetzen badute:
Haien jarduera bada kultur produktu eta ondasunak kontsumitzaileari saltzea edo kultur produktuak jendaurrean erakustea izan behar da.

Zer epea daukate enpresak izena emateko?
Dendek izena eman dezakete martxoaren 31etik aurrera, horretarako inskripzio orria bete behar da eta CECOBI-ko bulegoan edo edo Bizkaiko Foru Aldundiko Kultura Sailean.

Programari atxikitzeko baldintzak
  • Kanpainako material publizitario guztia jaso eta dendako leku ikusgarrian kokatu
  • Dirurik ez itzultzea erosketaren kostea eta Bizkaiko Kultur Txartelarean arteko diferentziaz
INFORMAZIO GEHIAGO:
Txartelari buruzko informazioa Bizkaiko Foru Aldundiaren web orrian
EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , , ,

2014(e)ko martxoaren 26(a), asteazkena

Bizkaiko Foru Aldundia 2014: Lana sortzeko neurri berezia


LANA SORTZEKO NEURRI BEREZIA
Informazio hau gazteleraz ere irakurri dezakezu

Laguntzaren Xedea:
Neurri hauek urtebeteko -gutxienez- lankontraturen bat egiteagatik jaso daitezkeen diru-laguntzak izango dira, itzuli behar izango ez direnak. Enpresa Onuradunak:
Honako hauek eskuratu ahal izango dituzte laguntza hauek:
  • Sozietatearen egoitza eta zerga-egoitza Bizkaiko Lurralde Historikoan izatea. Eta, era berean, lantokia ere lurralde horretan izatea.
  • Jarduera ekonomikoetan alta emanda egotea, 2013ko azaroaren 1etik 2014ko irailaren 30 arteko epearen barruan, egun biak barne. (Halakoetarako, erakunde bat ez da erakunde onuraduntzat joko, baldin eta erakunde horrek alta eman duen ekonomia-jardueran, FZ/NAN berarekin, beste erakunde bat egon bada 2014an edo 2013ko azken seihilekoan jarduera-talde berean baja ematea gertatu bada).
  • Erakunde onuraduneko pertsona sustatzaile batek gutxienez egiaztatu behar du jarduera ekonomikoetan alta eman aurreko berehalako unean langabezian zegoela eta langile autonomoen araubide berezian edo haren pareko mutualitateren batean alta eman izana 2013ko azaroaren 1etik 2014ko irailaren 30 arteko epean, egun biak barne.
  • Autonomoen alta egingo duen pertsona sustatzaile horrek egoitza Bizkaian eduki behar du.
  • Egunean izatea bere zerga-betebeharrak edo indarreko xedapenek ezarritako Gizarte Segurantzarekikoak.
  • Ez egotea Diru-laguntzak jasotzeko debekuetan egoeretarikoren batean.
Gainera ezinbestekoa da Enpresak sortzeko eta martxan jartzeko laguntzak (Enpresak abiarazteko eta sortzeko laguntzak) eskatzea ere. Lan-kontratuen baldintzak:
2013ko azaroaren 1etik 2014ko irailaren 30era bitartean formalizatu beharko dira lan-kontratuok, eta Bizkaian bizi diren langileak kontratatu behar dira.

Lan-kontratua era honetakoa izan behar da: kontratu mugagabea, aldizkako kontratu finkoa, mugagabe bihurtutako kontratua edo gutxienez hamabi hilabeteko iraupeneko kontratua. Gutxienez hamabi hilabeteko iraupena agertzen ez duten kontratuak kanpoan geratuko dira.

Mugagabe bihurtutako kontratuei dagokienez, bihurketa-data joko da kontratuaren hasieratzat.

Kontratuak lanaldi osokoak edo lanaldi partzialekoak izan beharko dira, baina, partzialetan ohiko lanaldi gisa ezarritakoaren %50 izan behar du lansaioak, gutxienez.

Ez dira diruz laguntzekotzat joko enpresako bazkideei eginiko lan-kontratuak. Laguntza mota:
Laguntzak ez-itzultzekoak izango dira.
Laguntza Kopurua:
Lanaldi osoko lan-kontratu bat egiteagatik 4.000 euroko dirulaguntza emango da, gehienez.

Kontratatutako pertsona emakumeen kolektibokoa bada, edo zehaztutako gizartean baztertuta geratzeko arrisku-egoerako kolektibokoa bada, kopuru hori 5.000 eurokoa izango da, gehienez.

Lanaldi partzialeko lan-kontratua bada, honela kalkulatuko da diru-laguntzaren zenbatekoa: 4.000 euroko kopuruari edo 5.000 eurokoari, kasuaren arabera, ezarritako ohiko lanaldiarekiko duen portzentajea ezarrita.

Erakunde bakoitzak 25.000 euro jaso ditzake, gehienez. Diru-laguntzaren muga:
Kontratuko diru-laguntzaren zenbatekoa ezin izango da izan diruz lagundutako soldata gordinaren %70tik gorakoa. Eskaerak:
Eskabideak eta gainerako dokumentazioa Ekonomia Sustatzeko Sailaren bulego birtualaren bidez aurkeztu behar dira (www.bizkaia.net/sustapena-bulegobirtuala). Horretarako, enpresak sinadura elektronikoa eduki behar du edo, bestela, BizkaiBai zerbitzuan izena emanda egon behar du; azken kasu horretarako, Orueta apezpikua kaleko 6an dauden bulegoetan eska daiteke txartela. Eskatzeko Epea:
Aurten eskatzeko epea martxoan hasiko da. Oharrak:
Laguntza hauek jasotzen dituztenek xede bererako beste laguntza, diru-laguntza, sarrera edo baliabide batzuk jaso ahal izango dituzte aldi berean estatuko, Europar Batasuneko edo nazioarteko administrazio, erakunde publiko zein erakunde pribatuengatik, baina ezin izango dute legez ezarritako mugak gainditu. Loturak:
Informazioa: Lana sortzeko neurri berezia programaren informazio telefono zenbakia: 94 406 80 08
Bizkaiko Foru Aldundiaren web orrian informazioa
Arauak

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , , ,

2014(e)ko martxoaren 25(a), asteartea

Bizkaiko Foru Aldundia 2014: Enpresak sortzeko eta martxan jartzeko laguntzak


ENPRESAK SORTZEKO ETA MARTXAN JARTZEKO LAGUNTZAK
Informazio hau gazteleraz ere irakurri dezakezu

Laguntzaren Xedea:
Enpresa bat sortzea, abian jartzea eta funtzionaraztea izango dira diruz laguntzeko ekintzak. Enpresa horiek edozein forma juridiko izan dezakete, norbanako enpresaburuak ere izan daitezke, edo profesionalak, ondasun-erkidegoak eta sozietate zibilak ere. Enpresa Onuradunak:
Honako hauek eskuratu ahal izango dituzte ezarritako onurak:
  • Sozietatearen egoitza eta zerga-egoitza Bizkaiko Lurralde Historikoan izatea. Eta, era berean, lantokia ere lurralde horretan izatea.
  • Jarduera ekonomikoetan alta emanda egotea, 2013ko azaroaren 1etik 2014ko irailaren 30 arteko epearen barruan, egun biak barne. (Halakoetarako, erakunde bat ez da erakunde onuraduntzat joko, baldin eta erakunde horrek alta eman duen ekonomia-jardueran, FZ/NAN berarekin, beste erakunde bat egon bada 2014an edo 2013ko azken seihilekoan jarduera-talde berean baja ematea gertatu bada).
  • Erakunde onuraduneko pertsona sustatzaile batek gutxienez egiaztatu behar du jarduera ekonomikoetan alta eman aurreko berehalako unean langabezian zegoela eta langile autonomoen araubide berezian edo haren pareko mutualitateren batean alta eman izana 2013ko azaroaren 1etik 2014ko irailaren 30 arteko epean, egun biak barne.
  • Autonomoen alta egingo duen pertsona sustatzaile horrek egoitza Bizkaian eduki behar du.
  • Egunean izatea bere zerga-betebeharrak edo indarreko xedapenek ezarritako Gizarte Segurantzarekikoak.
  • Ez egotea Diru-laguntzak jasotzeko debekuetan egoeretarikoren batean.
Sustatzaileek bete beharreko baldintzak:
Hauxek dira baldintzak:
  1. Honako hauek joko dira pertsona sustatzailetzat:
    1. Norbanako enpresaburua edo profesionala
    2. Ondasun-erkidego edo sozietate zibil bateko bazkidea
    3. Enpresa bateko bazkide-langilea
    4. Uztailaren 11ko 20/2007 Legearen III. kapituluko II. tituluan
      5. aipatutako ekonomikoki mendekoak diren autonomoak
    Enpresaburu autonomo baten laguntzailea den senidea ez da joko pertsona sustatzailetzat.

  2. Aurreko artikuluan aipatu diren erakundeetako pertsona sustatzaileek baldintza hauek bete behar dituzte:
    1. Bizkaian bizi izatea
    2. Jarduera ekonomikoetan alta eman aurreko berehalako datan langabezian egon izana egiaztatzea
    3. Langile autonomoen araubide berezian edo haren pareko mutualitateren batean alta emanda egotea 2013ko azaroaren 1etik 2014ko irailaren 30 arteko epean, egun biak barne.

  3. Gainera, langintzaren zenbatekoa arauan azaltzen den moduan kalkulatzeko orduan, erakunde onuraduneko pertsona sustatzaile batek gutxienez dekretu honen 2. artikuluan zehaztutako prestakuntza eta banan-banako aholkularitza egin behar izan ditu, 2013ko azaroaren 1etik 2014ko irailaren 30era arteko epearen barruan, dekretu honen 1. ataleko erakunde adjudikaziodunekin, edo prestakuntza eta banan-banako aholkularitza Barakaldoko DEMA Enpresa Garapena Elkartearekin, epe beraren barruan.
    4. Erakunde onuraduneko pertsona sustatzaileetariko batek gutxienez bete behar du baldintzan hori, eta, gainera, pertsona horrek aurreko baldintzak ere bete behar ditu.
Laguntza mota:
Laguntzak ez-itzultzekoak izango dira.
Laguntza Kopurua:
Diru-laguntzaren zenbatekoa 3.000 euro izango da, gehienez erakunde onuradun bakoitzeko.

Bestetik, prestakuntza ikastaroaren baldintza betetzen duen pertsona sustatzaile edo bazkide-langile bat duten erakunde onuradunei dagokien diru-laguntza kalkulatzeko orduan, irizpide hauek erabiliko dira:
  • 5.000 euro zenbatuko dira, gehienez, emakumea den edo gizarte-bazterkeriako arrisku-egoeran dagoen pertsona den sustatzaile bakoitzeko, betiere ere beste baldintza guztiak betez gero
  • 4.000 euro zenbatuko dira, gehienez, gainerako kasuetako pertsona sustatzaile bakoitzeko, betiere beste baldintza guztiak betez gero
Halere, diru-laguntza kalkulatzeko zenbaketan sar daitekeen pertsona sustatzaile edo bazkide-langile kopururik handiena 5 pertsona da; ondorioz, erakunde onuradun bakoitzeko eman daitekeen diru-laguntzaren kopururik handiena, gehienez, 25.000 euro izango da, guztira. Laguntzen Muga:
Honako gastu hauek joko dira diru-laguntza jaso dezaketen gastutzat: negozioa kokatzen den lokalaren errentamendua; negoziolokaleko hornidurak (argia, ura, gasa, telefonoa); aseguru-primak; garbitasuna eta mantentze-lana; bulegoko materiala; profesional independenteen zerbitzuak; publizitatea eta promozioa; Gizarte Segurantzan autonomoen araubide berezian edo haren pareko mutualitateren batean egiten diren kotizazioak, bai eta araubide orokorreko gertakizun arruntetakoak ere (enpresak ekonomia-jardueretan alta hartu eta, gehienez ere, urtebeteko epean zehar sorturikoak).

Diru-laguntzaren zenbatekoa ezin izango da izan gastu hauen batura baino handiagoa. Eskaerak:
Eskabideak eta gainerako dokumentazioa Ekonomia Sustatzeko Sailaren bulego birtualaren bidez aurkeztu behar dira (www.bizkaia.net/sustapena-bulegobirtuala). Horretarako, enpresak sinadura elektronikoa eduki behar du edo, bestela, BizkaiBai zerbitzuan izena emanda egon behar du; azken kasu horretarako, Orueta apezpikua kaleko 6an dauden bulegoetan eska daiteke txartela.
Eskatzeko Epea:
Aurten eskatzeko epea martxoan irekiko da.
Oharrak:
Laguntza hauek jasotzen dituztenek xede bererako beste laguntza, diru-laguntza, sarrera edo baliabide batzuk jaso ahal izango dituzte aldi berean estatuko, Europar Batasuneko edo nazioarteko administrazio, erakunde publiko zein erakunde pribatuengatik, dauden mugak errespetatuz gero. Loturak:
Informazioa: Enpresak sortzeko eta martxan jartzeko laguntzaren informazio telefono zenbakia: 94 406 80 08
Bizkaiko Foru Aldundiaren web orrian informazioa
Arauak

EGILEA:
Borja Escalona
Merkataritzarako Teknikaria
Gernika-Lumoko Merkataritza Dinamizatzeko Bulegoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , , ,
Harpidetu honetara: Mezuak (Atom)