Diru-laguntzak 2015 etiketadun mezuak erakusten. Erakutsi mezu guztiak
Diru-laguntzak 2015 etiketadun mezuak erakusten. Erakutsi mezu guztiak

2015(e)ko abenduaren 9(a), asteazkena

GABONETAKO BONO DENDA, Olentzerok deskontuak dakartza

2015EKO GABONETAKO BONO DENDA: OPARIAK PREZIO BEREZITAN

Informazio hau gazteleraz ere irakurri dezakezu

Bizkaiko Foru Aldundiak eta CECOBI  bultzatzen dute GABONETAKO BONO DENDA kanpaina hau..

Kanpainari atxikipena agertu dioten edozein dendatan trukatu daitezke bono hauek. Bono bakoitzak 40 euro balio du, baina 50 euroko gastua egitea ahalbidetzen du. Hortaz, prezioaren %20ko deskontua eragingo luke bonoa erabiltzeak.

Bizkaian baino ezingo dira erabili bono hauek, atxikipen-ezaugarria erakusgarri duten dendetan, alegia. Bonoaren erabilpenak iraungitze data du: 2015eko abenduaren 11tik 2015eko urtarrilaren 30era. Aurten 15.000 bono jarriko dira salgai.

Zer egin behar dute BEZEROEK programa honetan parte hartzeko?

Baldintza hauek bete beharko dituzte deskontuak izateko:
  1. Bonoak erostea KUTXABANK-eko zerbitzu anitzetarako edozein kutxatan. Bonoek 40 euroko balioa dute, eta edozein bankuko txartela erabilita lortu ahal dira komisiorik gabe.
  2. Atxikipena duen dendetan erosketa egitea, 2015eko urtarrilaren 31 baino lehen.
  3. Kredituko txartel bakoitzeko bi bono eros daitezke, gehienez, baina ez dago inolako mugarik pertsona batek erabil ditzakeen bonoen kopuruari dagokionez.
  4. Ticket bakoitzean bono bat erabiliko da soilik

Zer egin behar dute MERKATARIEK programa honetan parte hartzeko?

OHARRA: Aurreko Bono Denda kanpainetan parte hartu duten dendariek bakarrik inprimakia bete eta bidali egin behar dute.

Merkatariek honako baldintza hauek bete beharko dituzte:
  1. Bizkaian dagoen txikizkako merkataria izatea.
  2. Kanpainari atxikimendua adieraztea. Horretarako, CECOBI patronalarekin harremanetan jarri, 94 400 28 00 telefonora deituta edo web orrian. Dagokion inprimakia bete beharko dute, halaber.
  3. Kanpainaren bereizgarria ikusgarri jartzea eta sustapenean parte hartzen duten produktuak behar bezala etiketatzea.
  4. Prezioan deskontua egitea, bonua aurkeztutakoan.
  5. Atxikimendu konpromisoan eskatutako baldintza betetzea, hots, behar diren agiriak aurkeztea.

Laburpena:

  • BONO DENDA-k KUTXABANK-eko kutxatiletan lortu ahal dira 40 eurotan. Bonoak 2016ko urtarrilaren 30era arte trukatu ahal izango dira.
  • BONO DENDA-k soilik erabili ahal izango dira kanpainaren bereizgarria ikusgarri duten dendetan.
  • BONO DENDA-k erosketa bakoitzeko baino ezingo dira erabili; ezingo dira, beraz, bonoak pilatu erosgai bera erosi ahal izateko, baina ez dago inolako mugarik pertsona batek erabil ditzakeen bonoen kopuruari dagokionez.

ANIMA ZAITEZ ETA BIZKAIAN EROSI!, ZURETZAT DA!

Informazio gehiago:
Bizkaiko Foru Aldundia
CECOBI: Bizkaiko Merkataritzako Enpresari Konfederazioa
  • Telefonoa: 94 400 28 00
  • Web: cecobi.es





    • EGILEA:
    Borja Escalona
    Merkataritzarako Teknikaria
    Gernika-Lumoko Merkataritzako Bulego Teknikoak sortua

    ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , , , ,

Gabonetan Olentzero ere iritsiko da dendetara

GABON HAUETAN... LORTU ZURE ONLINE DENDA DOAN!!!

Informazio hau gazteleraz ere irakurri dezakezu

Eusko Jaurlaritzak, SPRIren bidez, comercioelectronico.eus programa ipini du martxan. Ekimen honi esker nahi duten merkatariek merkataritza elektronikoak dituen abantailak aprobetxatu ditzakete.

Banan-banako zerbitzua:

Denda bakoitza desberdina da eta guztiek ez duzue Internet era berean erabiltzen, horregatik SPRIk lau modelo zerrendatu ditu eta zure dendaren kokapenaren arabera, aholkularitza desberdina izango da, beti pertsonalizatuta zeure denda paregabea eta berezia delako.


Helburua: Interneten saltzea:

Saltzea da garrantzitsuena eta hori da Interneten egotearen arrazoia, bai sare sozialetan, bai web orri batekin. Programa honek abantaila hauek eskura ditzazun du helburu:
  • Zure produktuen salmenta Internetera eramatea
  • Merkatu elektroniko berrietara sartzea
  • Zure jarraitzaileei sare sozialetako zuzeneko denda baten bitartez saltzea
  • Gehien saltzen duten online-denden bitartez saltzea (Amazon, eBay,…)
  • Zu zeu sistema mantentzeko gai izatea


Unea orain da. Ez galdu eskaintza hau. Programak duen Eusko Jaurlaritzako diru-laguntza % 100 da eta ez dauka zuretzako kosturik. Deitu ahalik eta azkarren eta hasi orain Interneten saltzen.

Kontaktua:

comercioelectronico@spri.eus
www.spri.eus

EGILEA:
Borja Escalona
Merkataritzarako Teknikaria
Gernika-Lumoko Merkataritzako Bulego Teknikoak sortua

ZURE USTEZ BERRI HAU INTERESGARRIA DA ZABALDU INTERNET-EN:
ordua: iruzkinik ez:
Etiketak: , , ,

2015(e)ko uztailaren 16(a), osteguna

EUSKO JAURLARITZA: MET 2015 Programa, Turismo-enpresak Modernizatzeko laguntzak

TURISMO-ENPRESEN LEHIAKORTASUNA HOBETU ETA MODERNIZATZEKO LAGUNTZA-PROGRAMA : MET 2015
Informazio hau gazteleraz ere irakurri dezakezu
Laguntzaren xedea enpresa turistikoek egindako honako inbertsioak laguntzea da:
  • Ekimen berritzaileak turismoaren sektorean
  • Turismo-eskaintzaren modernizazioa, lehiakorragoa izan dadin
  • Turismo-establezimenduak indarreko irisgarritasun-araudira egokitzea
  • Euskal Autonomia Erkidegoan dauden eta turismo-sektorean lan egiten duten enpresetan eta establezimenduetan kalitate-kudeaketako eta ingurumen-kudeaketako sistema egiaztagarriak ezartzea
Laguntza hauek mikroenpresek eta enpresa txiki eta ertainek (ETE) eskuratu ahal izango dituzte; jarduerek honako tipologia hauetako batean kokatuta egon beharko dute:
  1. Turismo-alojamenduko enpresak
  2. Jatetxeak, tabernak, kafetegiak eta antzeko establezimenduak
  3. Bidaia-agentziak
  4. Turismo-garraioko enpresak
  5. Turismo aktiboko enpresak
  6. Kongresuak antolatzen dituzten enpresa profesionalak
  7. Turismo-giden enpresak
Enpresa guztiek jarduera egikaritzen egon beharko dute eskaria egiten duten unean, Euskal Autonomia Erkidegoan.
Laguntza hauek ez itzultzekoak izango dira.

  • EKIMEN BERRITZAILEAK TURISMOAREN SEKTOREAN:

    1. (IKT) Informazio eta komunikazioko teknologietan oinarritutako soluzioak ezartzea, bai negozioaren kudeaketa eta eragingarritasuna hobetzeko, bai Web 2.0 teknologia erabiliz turismo-produktuak eta/edo -zerbitzuak sustatu, jakinarazi eta merkaturatzeko (gutxieneko inbertsioa 3.000 euro).
    2. Enpresaren gastua murriztearren, baliabideak (ura, energia) eraginkortasunez erabiltzeko soluzioak ezartzea; era berean, destinoko ingurumen-jasangarritasuna hobetzen delarik (gutxieneko inbertsioa 3.000 euro).
    3. Turismo-negozio eredu berriak sortzea, eta jarduera indibidualak zein kolektiboak burutzea (azken kasu horretan gutxienez turismoko azpisektore ezberdinetako hiru enpresaren artean), hain justu ere turismo-produktu eta/edo -zerbitzu berriak sortzea dakartenak; guztiak ere, jadanik merkatuan direnekiko ezberdinak eta/edo osagarriak (gutxieneko inbertsioa 4.000 euro).

  • TURISMO-ESKAINTZAREN MODERNIZAZIOA, LEHIAKORRAGOA IZAN DADIN:

    1. Hotel-establezimenduetan sailkapena igotzeko egindako inbertsioek, onartutako gutxieneko inbertsioa 60.000 euro bada.
    2. Taberna, jatetxe, kafetegi eta tankera horretako establezimenduetan ekintza hauek gauzatzeko eginiko inbertsioek: Establezimenduaren intsonorizazioa; Makinaria: elikagaiak biltegiratu, maneiatu eta prestatzea; Erabiltzaileen erosotasuna: komunen lan integralak, klimatizazioa eta terrazak egokitzea eta modernizatzea urte osoan turismorako erabiltzeko; Establezimendua garbitzea: ekipamendua eskuratzea (onartutako gutxieneko inbertsioa 5.000 euro izango da); Lokalen erreforma integralak (onartutako gutxieneko inbertsioa 75.000 euro izango da).

  • TURISMO-ESTABLEZIMENDUAK INDARREKO IRISGARRITASUN-ARAUDIRA EGOKITZEA: Atal honetan laguntza emango zaio laguntza-produktuen erosketari, baita aniztasun funtzional fisikoa, ikusmenekoa, entzumenekoa, intelektuala edo organikoa duten pertsonei irisgarritasuna bermatzen dieten zerbitzuen, ekipamenduen eta azpiegituren egokitzapenari ere.


  • EUSKAL AUTONOMIA ERKIDEGOAN DAUDEN ETA TURISMO-SEKTOREAN LAN EGITEN DUTEN ENPRESETAN ETA ESTABLEZIMENDUETAN KALITATE-KUDEAKETAKO ETA INGURUMEN-KUDEAKETAKO SISTEMA EGIAZTAGARRIAK EZARTZEA: Atal honetan biltzen dira turismo-establezimendu eta -zerbitzuetan kalitate-kudeaketako (ICTE Espainiako Turismo Kalitaterako Institutuaren Turismo-kalitateko «Q» Marka, ISO 9001:2008) eta ingurumen-kudeaketako (ISO 14001: 2004 eta EMAS) erreferentziazko ereduak txertatuta dituztela frogatzen duten ziurtagiriak lortzera edota berritzera bideratutako laguntzak.

    • Araututako laguntzak itzultzekoak ez diren diru-laguntzen bidez gauzatuko dira eta kopuruak hauexek izango dira (BEZ gabe)


  • EKIMEN BERRITZAILEAK TURISMOAREN SEKTOREAN:

    1. Informazioaren eta Komunikazioaren Teknologietan (IKT) oinarritutako soluzioen ezarpena: Onartutako inbertsio garbiaren %25, 9.000 euroko mugarekin.
    2. Baliabideen (ura, energia) erabilera eraginkorrerako soluzio berritzaileak ezartzea: Onartutako inbertsio garbiaren %25, 9.000 euroko mugarekin.
    3. Turismo-negozio berrien sorkuntza: Onartutako inbertsio garbiaren % 20, 18.000 euroko mugarekin.

  • TURISMO-ESKAINTZAREN MODERNIZAZIOA, LEHIAKORRAGOA IZAN DADIN:

    1. 3 eta 4 izar dituzten hotel-establezimenduetako inbertsioak egin duten sailkapena hobetzeko: Onartutako inbertsio garbiaren %30, 30.000 euroko mugarekin.
    2. Inbertsioak tabernetan, jatetxeetan, kafetegietan eta antzeko establezimenduetan: Onartutako inbertsio garbiaren %20, 12.000 euroko mugarekin (erreforma integralak ez badira gehieneko diru-laguntza 18.000 euro izango da).

  • EUSKADIKO TURISMOKO IRISGARRITASUN EREDURA ATXIKITAKO ESTABLEZIMENDUEN IRISGARRITASUNA HOBETZEA: Onartutako inbertsio garbiaren %30, 15.000 euroko mugarekin


  • EUSKAL AUTONOMIA ERKIDEGOAN DAUDEN ETA TURISMO-SEKTOREAN LAN EGITEN DUTEN ENPRESETAN ETA ESTABLEZIMENDUETAN KALITATE-KUDEAKETAKO ETA INGURUMEN-KUDEAKETAKO SISTEMA EGIAZTAGARRIAK EZARTZEA:

    • Espainiako Turismoko Kalitatearen Q markaren ziurtagiria lortzeko: Onartutako gastuaren %70, 6.600 euroko mugarekin. Aholkularien laguntza teknikorako laguntza eskatzen badute, eta aholkulari horiek Basquetourrek egindako Turismo Kalitate Aholkularien Katalogoan erregistratuta ez badaude, diru-laguntza onartutako gastu garbiaren %45 izango da, eta muga, berriz, 5.500 euro.
    • ISO 9001:2008 ziurtagiria lortzeko: Onartutako gastu garbiaren %70, 6.600 euroko mugarekin. laguntza eskatzen den enpresa-tipologiarentzat Espainiako Turismoko Kalitatearen Q ziurtagiria ez dagoenean. Hori gertatzen bada, diru-laguntza onartutako gastu garbiaren %45 izango da, 5.500 euroko mugarekin.
    • Ingurumen-kudeaketa egiaztatzen duen ziurtagiria lortzeko: Onartutako gastu garbiaren %45, 5.500 euroko mugarekin
    • Espainiako Turismoko Kalitatearen Q ziurtagiria eta ISO 9001:2008 ziurtagiria berritzeko: Onartutako gastu garbiaren %45, 2.000 euroko mugarekin. ISO 9001:2008 kasuan, laguntza eskatzen den enpresa-tipologiarentzat Espainiako Turismoko Kalitatearen Q ziurtagiria ez dagoenean.
    • ISO 9001:2008 ziurtagiria berritzeko, laguntza eskatzen den enpresa- edo establezimendu-tipologiarentzat Espainiako Turismoko Kalitatearen Q ziurtagiria dagoenean: Onartutako gastu garbiaren %35, 1.400 euroko mugarekin.
    • ingurumen-kudeaketa egiaztatzen duen ziurtagiria berritzeko: Onartutako gastu garbiaren %35, 1.400 euroko mugarekin.
    GEHIKUNTZAK:
    • %5 gehiago enpresak Irisgarritasun-zigilu berdearen jabe badu dibertsitate funtzional guztietan.
    • %5 gehiago enpresaren ardura hartzen duen enpresaburuak «Berriz Enpresa» izeneko enpresa-eskualdatze programarekin bat egin izana.
    • %5 gehiago enpresak turismo-sektorerako honako kalitate-ziurtagiri hauetakoren baten badu: ISO 9001:2008, Espainiako Turismoaren Kalitaterako Institutuak emandako turismo-kalitateko markak, Euskalit Bikaintasunerako Euskal Fundazioak administratutako EFQM errekonozimenduak edo ingurumen-kudeaketako ziurtagiri bat (EMAS, Europar Batasuneko Etiketa Ekologikoa, Ekoscan eta ISO 14001), gehikuntza ezartzen denerako ziurtagiriaren berrikuntza-proiektuak salbu.
    • %5 gehiago enpresak Basquetour, S.A.k garatutako jardunbide egokien programetako batean parte hartu eta gainditu badu.
    • %5 gehiago enpresak prestakuntza-plan bat badu, edo plantillaren % 25 atzerriko hizkuntzetan duten prestakuntza eta/edo lanbide-kualifikazioa hobetzeko beste erakunde batzuek antolatutako ikastaroetara joan bada, edo bestela sektoreko elkarteek emandako prestakuntza- eta kudeaketa-ikastaroetara, horiek guztiak eskaera egin eta ez baldin bada urtebete igaro. Ikastaroetara joan izana eta ikastaroen edukiak egiaztatu beharko dira.
    • %5 gehiago enpresak emakumeen eta gizonen arteko berdintasun-plan bat ezarrita badu, edota lana eta familiako bizitza bateratzeko plan bat; edo bestela Emakunde Emakumearen Euskal Erakundeak ematen duen gizonen eta emakumeen arteko aukera-berdintasunerako erakunde laguntzailea dela egiaztatzen duen ziurtagiria badauka.
    • %5 gehiago enpresak Basquetour, S.A.k adierazitako metodologia eta jarraibideak kontuan izanik sortutako «Euskadi Gastronomika» eta/edo «Surfing Euskadi» produktu-klubetako, EAEko turismo-sektoreko enpresa-elkarteren bateko eta/edo beren eragin-arean turismo-garapena helburu duten elkarte edo enpresa publiko edo pribaturen bateko kide edo bazkide dela egiaztatzen badu.
    Eskabideak bitarteko elektronikoen bitartez egin beharko dira lotura honetan: MET online eskabidea
    Eskatzeko epea 2015eko abuztuaren 11 arte luzatuko da.
    Informazioa Eusko Jaurlaritzaren web orrian

    Arautegiko loturak:

    EGILEA:
    Borja Escalona
    Merkataritzarako Teknikaria
    Gernika-Lumoko Merkataritza Dinamizatzeko Bulegoak sortua

    ZURE USTEZ BERRI HAU INTERESGARRIA DA ZABALDU INTERNET-EN:
    ordua: iruzkinik ez:
    Etiketak: , , ,

    2015(e)ko uztailaren 3(a), ostirala

    EUSKO JAURLARITZA: MEC 2015 Programa, Merkataritzako Saltokiak Modernizatzeko Laguntza-Programa


    MERKATARITZAKO SALTOKIAK MODERNIZATZEKO LAGUNTZA-PROGRAMA: MEC 2015

    Informazio hau gazteleraz ere irakurri dezakezu

    Laguntzaren Xedea:
    Laguntza honen xedea EAEko merkataritzako saltokien modernizazioa sustatzea da berrikuntzaren, kudeaketa-tresnen hobekuntzaren eta establezimenduen azpiegituren bidez.
    Hau lortzeko, egoitza Euskal Autonomia Erkidegoan duten enpresek merkataritza-establezimenduak modernizatzeko egiten dituzten inbertsio-proiektuei emango zaie dirulaguntza, berritzeko beharrezkoak diren merkataritza-ekipamenduen, obra zibilaren eta altzarien finantziazioaren bidez.
    Erakunde onuradunak:
    Egoitza Euskal Autonomia Erkidegoan duten merkataritza-establezimenduak.

    Betiere, nahitaezkoa da enpresak, laguntza eskatzeko egunean, gutxienez urtebete bat lehenagotik eratuak eta merkataritzan lan egindakoak izatea. Laguntza mota:
    Laguntza hauek ez itzultzekoak izango dira.
    Diruz lagun daitezkeen inbertsioak:
    Honako baldintzak betetzen dituzten inbertsioak izango dira diruz lagungarriak:
    • Orokorrean
      • Lokala berritzeko eta modernizatzeko bideraturiko inbertsioak.
      • Altzariak
      • Merkataritza-jarduna garatzeko beharrezko ekipamenduak eta lokal horren elementuak, barrukoak nahiz kanpokoak, merkataritza-errotuluak ere barnean hartuz.
    • Salgaiak pisatzeko balantza elektronikoak, informatika-ekipoak eta horien aplikazio eta osagarriak, betiere merkaturatze-prozesuan barne hartuta badaude edo enpresa-kudeaketara bideratuta.
    Diruz lagunduak izateko proiektuetako inbertsioek baldintza hauek bete behar dituzte:
    1. Enpresaren aktibora sartu behar dute
    2. Inbertsioa gutxienez 3.000 euro enpresako izango da, ekipo informatikoak salbu, eta horietan gutxieneko inbertsioa 900 euro izango da
    3. Aktiboak estreinakoz erabiltzen diren edo funtzionatzen duten tresnak izango dira
    4. Enpresako aktiboan gutxienez hiru urtez iraungo dute
    5. Hirugarren pertsona fisiko edo juridikoei ez dira lagatuko
    6. Enpresa eskatzaileak berak fabrikatuak, eginak edo garatuak ez dira izango
    7. Laguntza jasotzen duten inbertsio-proiektuak Euskal Autonomia Erkidegoaren lurraldearen barruan kokatuko dira
    8. Laguntzen kalkulua egiteko, 2015 urtean egin den aktiboen erosketaren zenbatekoa kontuan hartuko da. Aurreko ekitaldiko inbertsioak onar daitezke, betiere 2014ko irailaren 6tik ondoren (egun hau barne) egikaritu badira

    NOTAK:

    • Aktiboen preziotzat haien balio «garbia» hartuko da, hots, fakturatutako zenbatekoari Balio Erantsiaren gaineko Zerga (BEZ) kenduta ateratzen den balioa
    • Ezein kasutan ez da merkataritza-lokala ezta garraiorako elementua erostea diruz lagunduko. Renting edo leasing bidez erositako aktiboak ez dira sartuko ere
    Laguntzen kopurua:
    Araututako laguntzak itzultzekoak ez diren diru-laguntzen bidez gauzatuko dira eta kopuruak hauexek izango dira:
    • OROKORREAN:
    • Inbertsioaren %15 lokala berritzeko eta modernizatzeko bideraturiko inbertsioak
    • Inbertsioaren %20 Balantza elektronikoak, informatika-ekipoak eta osagarriak erosteko bideraturiko inbertsioak
    • GEHIKUNTZAK
    • 2 puntu gehiago UNE 175001 edota Saltokitik enpresara programan parte hartzeaz ziurtagiria badu
    • 3 puntu gehiago Merkataritza Bikaina ziurtagiria badu
    • 5 puntu gehiago saltoki eskatzaileak elkarteren batekiko bere lotura egiaztatzen badu
    • 5 puntu gehiago informatika inbertsioa gestio programa batean egiten bada
    • 5 puntu gehiago laguntza eskatzen duen saltokiaren nagusiak edo gutxienez hango langile batek hezkuntza arautuko tituluren bat (Lanbide Heziketako gradua nahiz Unibertsitateko Titulua) edo Lanbidek jaulkitzen dituen profesionaltasun-ziurtagiriren bat baduela egiaztatuz gero, tituluak merkataritzarekin zuzeneko loturaren bat badu, betiere. Tituluek eta ziurtagiriek merkataritzarekin zuzeneko lotura dutela ulertuko da badin eta haien helburua merkataritzako saltokiaren kudeaketa enpresariala bada; alegia: erosketa, salmenta, bezeroarentzako arreta, biltegien kudeaketa, marketina...
    • 5 puntu gehiago laguntza eskatzen duen enpresak “Berriz Enpresa” transmisioko zerbitzua erabili badu
    • 2 puntu gehiago baldin eta saltokiak Emakundek edo beste edozein herri-administraziok jaulkitako Gizonen eta Emakumeen arteko Aukera Berdintasunaren aldeko Erakunde Laguntzaile moduko aintzatespena badu
    Notak:
    • Ezein kasutan ez du diru-laguntzaren gehieneko zenbatekoak 12.000 euro gaindituko establezimendu eta urte bakoitzeko
    • Ezein kasutan ez da diru-laguntzaren gehieneko portzentaia onartutako inbertsioaren %25a baino haundiagoa izango
    Tramitazioa:
    Eskaerak: Eskabideen tramitazioa egiteko bi bide daude:
    • Paperean: Eskabidea online bete behar Eusko Jaurlaritzako web orrian da eta behin inprimatuta eskatutako dokumentazioarekin batera Industria, Berrikuntza, Merkataritza eta Turismo saileko Lurralde bulego batean aurkeztu
    • Interneten: Eskabidea online egiten eta bidaltzen da. Hau egiteko dendak Txartela Elektronikoa eduki behar du. Eskarea Interneten egingo da eta eskatutako dokumentazioa bide berdinakin bidaliko da
    LOTURA EUSKO JAURLARITZAKO WEB ORRIRA Eskatzeko epea:
    Eskatzeko epea 2015eko irailaren 15 arte luzatuko da Notak:
    Dendak eskabidea Internetez egiten badu eta Txartela Elektronikoa badauka ez du eskaera paperez aurkeztu behar Loturak:
    Informazioa Eusko Jaurlaritzako orrian

    Arautegiko loturak:
    EGILEA:
    Borja Escalona
    Merkataritzarako Teknikaria
    Gernika-Lumoko Merkataritza Dinamizatzeko Bulegoak sortua

    ZURE USTEZ BERRI HAU INTERESGARRIA DA ZABALDU INTERNET-EN:
    ordua: iruzkinik ez:
    Etiketak: , , ,

    2015(e)ko apirilaren 28(a), asteartea

    Eusko Jaurlaritza 2015: ETE eta Autonomoak finantzarioki laguntzeko programa

    ETE, BANAKO ENPRESABURUENTZAKO ETA PROFESIONAL AUTONOMOENTZAKO 2015. URTERAKO FINANTZA-LAGUNTZAREN PROGRAMA
    Informazio hau gazteleraz ere irakurri dezakezu

    Laguntzaren Xedea:
    Elkarrekiko berme-baltzu (SGR) eta finantza-erakunde laguntzaileen bitartez, Euskal Autonomia Erkidegoko Administrazioak ETEen eta autonomoen aldeko finantzaketa-lerroa eratzea.
    Onuradunak:
    Egoitza Euskal Autonomia Erkidegoan duten enpresa txiki eta ertainak (ETE), banakako enpresaburu eta profesional autonomoak.
    • Pertsona onuradunak hurrengo baldintzak bete behar dituzte ere:
      • Norberaren konturako langileen edo autonomoen Gizarte Segurantzaren Araubide berezian alta emanda izatea
      • Pertsona Fisikoen Errentaren Zergari lotutako jarduera ekonomikoen edo profesionalen bidez etekinak lortzea
    Finantzatzeko moduko egoerak:
    Programa hone bidez lortutako maileguek helburu hauek eduki ditzakete:
    • Kapital zirkulatzaileko likidezia
    • Finantzaketa-premiei aurre egitea
    Laguntza mota:
    Laguntza honen bidez enpresek abalak lortuko dituzte maileguak eskatzeko. Maileguek ere interes-tasa mugatuta edukiko dute.
    Abal operazioen ezaugarriak:
    Elkarrekiko berme-baltzuek emandako finantza-abalek onuradunen diruzko arriskuak bermatuko dituzte.

    Abalen kostea hauxe izango da:
    • Azterketa-komisioa: maileguaren zenbateko nagusiaren % 0,10, behin bakarrik, abala eskatzean
    • Gauzatze-komisioa: formalizatutako abalaren % 0,20, behin bakarrik
    • Abal-komisioa: % 0,75 urteko
    • Ez da bestelako komisio edo gastu gehigarririk aplikatuko
    Mailegu operazioen ezaugarriak:
    • Interes-tasa eta Epea:
      • Epea (urteetan)
      Diferentziala (gehienekoa)
      3
      %2,00
      5
      %2,25
      7
      %2,50
    • Zenbatekoa:
      • 50.000 euro eta 650.000 euro artean, enpresa txiki eta ertainentzat
      • 5.000 euro eta 100.000 euro artean, banako enpresarientzat eta profesional autonomoentzat
    Eskaerak:
    Hitzarmenaren arabera laguntzaileak diren elkarrekiko berme-baltzuen bulegoetan aurkeztu beharko dira eskabideak eta bai aurreko artikuluan aipatutako gainerako agiri guztiak ere, entitate hauen bulegoak hemen ikus daitezke:
    Akordioa sinatu duten finantza-erakunde laguntzaileak:
    Hauexek dira programan honetan parte hartzen duten erakundeak:
    • Kutxabank, S.A.
    • Caixabank, S.A.
    • Banco Bilbao Vizcaya Argentaria, S.A.
    • Banco Santander, S.A.
    • Bankinter, S.A.
    • Banco Popular Español, S.A.
    • Banco de Sabadell, S.A.
    • Bankoa, S.A.
    • Targobank, S.A.
    • Banco Popolare Etica, S.C.P.A, sucursal en España
    • Caja Laboral Popular, C.C.
    • Caja Rural de Navarra, S.C.C.
    Eskatzeko Epea:
    Aurten eskatzeko epea 2015eko otsailaren 9an irekiko da eta aurrekontua amaitu arte egongo da irekita.
    Loturak:
    Informazioa:
    Informazioa Eusko Jaurlaritzaren web orrian
    Arauak (DEKRETUA)
    Arauak (AGINDUA)

    EGILEA:
    Borja Escalona
    Merkataritzarako Teknikaria
    Gernika-Lumoko Merkataritza Dinamizatzeko Bulegoak sortua

    ZURE USTEZ BERRI HAU INTERESGARRIA DA ZABALDU INTERNET-EN:
    ordua: iruzkinik ez:
    Etiketak: , , ,

    2015eko BONO DEKOR-a: %20 deskontuan altzariak erosteko

    BONO DEKOR: %20KO DESKONTUA ALTZARIAK EROSTEKO
    http://comercio-gernika-lumo.blogspot.com.es/2014/05/bono-dekor-2014-20-de-descuento-en.htmlInformazio hau gazteleraz ere irakurri dezakezu
    Bizkaiko Merkataritzako enpresari konfederazioak (CECOBI), Bizkaiko Altzarien Merkataritzako Elkarteak (AMUBI) eta Bizkaiko Foru Aldundiak aurten IV BONO DEKOR kanpaina hasi dute salmentak dinamizatzeko altzari dendetan.

    Bono hauekin etxerako eta sukaldeko altzariak, lanparak eta koltxoiak erostean produktuen prezioan %20ko deskontua jasoko dute erosleek.

    Bonoak Bizkaian baino ez dira erabilgarriak izango kanpainako atxikimen pegatina duten dendetan. Erosketak maiatzaren 30etik ekainaren 30era egin beharko dira.
    Zer egin behar dute bezeroek deskontu hau eskuratzeko?

    Deskontu hauek lortzeko hauxe da beharrezkoa:
    1. Bonoak erostea: edozein BBKko kutxazain automatikoan.
    2. Edozein atxikitutako dendetan gutxienez 300euroko (BEZ gabe) erosketa bat egitea ekainaren 30 aurretik.
    OHARRA: Posiblea da dendetan kanpainan kanpoko produktuak egotea, produktu hauetan ez da deskonturik aplikatuko.
    Zer egin behar dute dendek programan parte hartzeko?

    Kanpaina honetan parte hartzeko ekintza hauek egin behar dituzte dendek:
    1. Altzari-denda, sukaldeko altzari-denda edota elektratresna-denda izatea.
    2. Kanpainan parte hartzea, horretarako beharrezkoa da CECOBI/AMUBIrekin kontaktatzea telefono zenbaki honetan 94 400 28 00 edo CECOBI-ren web orrian eta atxikipen-dukumentua betetzea.
    3. Inskripzio-kuota ordaintzea: 100€ AMUBIko kideentzat eta 200€ beste denda guztientzat.
    4. Dendako leku ikusgarri batean ipini kanpainako kartela eta promozioan hartuko diren produktuak ondo etiketatu.
    5. Deskontua aplikatu bezero batek bono bat aurkezten duen bakoitzean.
    6. Atxikipen-dokumentuan eskatzen diren betebehar guztiak bete.
    Nola funtzionatzen den kanpaina?

    Bezero batek 300€ baino gehiagoko erosketa bat egiten denean (gutxienezko salmenta prezioa 363€) merkatariak %20 deskontua egingo dio BONO DEKOR aurkezten badu. Deskontuaren kopurua honela kalkulatuko da:

    Adibide:
    Altzariaren salmenta prezioa: 400 €
    Deskontua: 20% x 400 = 80 euro
    Bezeroak ordainduko du: 320 euro
    Laburpena:
    • BONO DEKOR-rak BBK kutxazain-automatikoetan erosten dira, prezioa 5€ (0,90 euro gehiago Kutxabank-eko ex den txartelak erabiltzen badira)
    • Bonoak erabiltzeko epea ekainaren 30ean amaituko da
    • BONO DEKOR-rak kanpainan arte hartzen duten dendetan baino ez dira erabilgarriak
    • Gutxienezko erosketa 300 eurokoa (BEZ gabe) izan behar da
    • Dendako produktu guztiek ez dute kanpainan parte hartu behar. Onartutako produktuek kanpainaren etiketa edukiko dute
    Informazio gehiago:
    CECOBI: Bizkaiko Merkataritzako enpresari konfederazioa
    AMUBI: Bizkaiko Altzarien Merkataritzako Elkartea

    EGILEA:
    Borja Escalona
    Merkataritzarako Teknikaria
    Gernika-Lumoko Merkataritza Dinamizatzeko Bulegoak sortua

    ZURE USTEZ BERRI HAU INTERESGARRIA DA ZABALDU INTERNET-EN:
    ordua: iruzkinik ez:
    Etiketak: , , ,

    2015(e)ko apirilaren 10(a), ostirala

    Bizkaiko Foru Aldundia 2015: ETEei Diruz Languntzeko Programa. EETIFIL


    EETIFIL PROGRAMA 2015: ETEEI DIRUZ LANGUNTZEKO PROGRAMA
    Informazio hau gazteleraz ere irakurri dezakezu

    Laguntzaren Xedea:
    Diruz laguntzea Ekonomia sustatzeko sailarekin lankidetza-hitzarmena sinatu duten finantza-erakundeek emandako maileguen interesak, baldin eta maileguok lehiakortasuna hobetzeko inbertsioetarako erabiltzen badira.
    Onuradunak:
    6 eta 100 langile bitartean dituzten Bizkaiko enpresak, baldin eta haien jarduera nagusia industria eta industriarekin lotutako zerbitzuen sektoreekoa bada.
    Entitate onuradunek, gainera, baldintza hauek bete behar dituzte:
    • Helbide sozial eta fiskala Bizkaian izatea
    • Zerga-betebeharrak eta Gizarte Segurantzarekikoak ordainduta izatea
    • Sexuaren ziozko bereizkeria dela-eta zigor edo administrazioaren arloan inoiz zehapenik jaso ez izana
    Laguntza mota:
    Laguntzak ez-itzultzekoak izango dira.
    Diru-laguntza jaso dezaketen proiektuak:
    Diruz laguntzeko ekintzatzat joko dira jarduera ekonomikoa hobetzeko, zabaltzeko edo berriko inbertsioek. Inbertsioek gutxienez 40.000 euroko bolumeneko diru-laguntza jaso dezakete.

    OHARRA: Inbertsioak 2014ko urtarrilaren 1etik 2015eko abenduaren 31ra bitarteko epearen barruan gauzatu behar dira

    Zehazki, kapitulu honen ondoreetarako, diruz lagun daitezke honako kategoria hauetakoren batekoa diren ibilgetuak:
    • 206. Aplikazio informatikoak
    • 212. Instalazio teknikoak
    • 213. Makinak
    • 215. Beste instalazio batzuk
    • 217. Informazioa prozesatzeko ekipamenduak
    Honako hauek ez dira diruz lagunduko:
    • 1.000 euro (BEZa kenduta) baino gutxiagoko gastuen frogagiriak
    • BEZa
    • Enpresa eskatzaileari lotutako enpresa edo pertsonen bidez egindako gastuak
    • Erakunde onuradunaren jarduerarekin ezinbestez identifikatu ezin diren gastu guztiak edota deialdi bakoitzean ezarritako epearen barruan egin ez direnak
    • Makinan CE zigilua modu ikusgarrian, irakurgarrian eta ezabaezinean ez duen makineria
    Laguntza Kopurua:
    Diru-laguntzaren zenbatekoa kalkulatuko da ondoko portzentaje hauek diruz lagun daitezkeen gastuei aplikatuz, kostu motaren arabera:
    • Puntuazioa 61-100 puntu: %15 Ezarritako diru-laguntza
    • Puntuazioa 35-60 puntu: %6 Ezarritako diru-laguntza
    Diru-laguntzaren gehineko kopurua, erakundeko, 70.000 eurokoa izango da.
    Eskaerak:
    Eskabideak eta gainerako dokumentazioa Ekonomia Sustatzeko Sailaren bulego birtualaren bidez aurkeztu behar dira (www.bizkaia.net/sustapena-bulegobirtuala). Horretarako, enpresak sinadura elektronikoa eduki behar du edo, bestela, BizkaiBai zerbitzuan izena emanda egon behar du; azken kasu horretarako, Orueta apezpikua kaleko 6an dauden bulegoetan eska daiteke txartela.
    Eskatzeko Epea:
    Aurten eskatzeko epea 2015eko ekainaren 1ean hasi eta hil bereko 19an bukatuko da, 13:30ean.
    Oharrak:
    Laguntza hauek bateragarriak izango dira beste erakunde publiko edo pribatu batzuek kontzeptu beragatik ematen dituztenekin.
    Loturak:
    Informazioa: EETIFIL programaren informazio telefono zenbakiak: 94 406 80 08
    Bizkaiko Foru Aldundiaren web orrian informazioa
    Arauak

    EGILEA:
    Borja Escalona
    Merkataritzarako Teknikaria
    Gernika-Lumoko Merkataritza Dinamizatzeko Bulegoak sortua

    ZURE USTEZ BERRI HAU INTERESGARRIA DA ZABALDU INTERNET-EN:
    ordua: iruzkinik ez:
    Etiketak: , , ,

    2015(e)ko apirilaren 9(a), osteguna

    Bizkaiko Foru Aldundia 2015: Langile Autonomoei Laguntza Finantzarioa Emateko Programa. LALF


    LALF PROGRAMA 2015: LANGILE AUTONOMOEI LAGUNTZA FINANTZARIOA EMATEKO PROGRAMA
    Informazio hau gazteleraz ere irakurri dezakezu

    Laguntzaren Xedea:
    Diruz laguntzea Ekonomia Sustatzeko sailarekin lankidetza-hitzarmena sinatu duten finantza-erakundeek emandako maileguen interesak, baldin eta maileguak ekonomi jarduera hobetu, handitu edo berritzeko inbertsioetarako erabiltzen badira.
    Onuradunak:
    Jarduera ekonomiko batean diharduten mikroenpresak, pertsona fisikoak eta nortasun juridikorik gabeko entitateak (Ondasun-erkidegoak, Sozietate zibilak,...), baldin eta jarduera hori hobetu, handitu edo berritzeko inbertsioetarako mailegu bat sinatu badute finantza-erakunde batekin.
    • Pertsona onuradunek, gainera, baldintza hauek bete behar dituzte:
      • Ekonomi jarduera batean diharduten pertsona fisikoak, Langile Autonomoen Araubide Nagusian edo haren pareko mutualitate batean izena emanda dutenak eta ohiko bizilekua Bizkaian dutenak
      • Ondasun erkidegoen eta sozietate zibilen kasuan, kide guztiek ohiko bizilekua Bizkaian dutela egiaztatu behar dute, eta batek, gutxienez, Langile Autonomoen Araubide Nagusian edo haren pareko mutualitate batean izena emanda izan behar du
    • Mikroenpresek, sei langile baino gutxiago eduki behar dituzte, eta helbide soziala eta fiskala Bizkaian izan behar dituzte
    Laguntza mota:
    Laguntzak ez-itzultzekoak izango dira.
    Diru-lagutza jaso dezaketen proiektuak:
    Finantza-erakundeek emandako maileguen eta/edo finantza-errentamenduen interesak, baldin eta maileguak ekonomi jarduera hobetu, handitu edo berritzeko inbertsioetarako erabiltzen badira. Inbertsio hauek, gutxienez, diruz lagundu daitekeen 10.000 euroko bolumena izango dute.

    OHARRA: 2014ko urriaren 1etik 2015eko irailaren 30era arte formalizatu ahal izango dira maileguak edota finantza-errentamenduak
    Diru-laguntza jaso dezakeen maileguaren edota finantza-errentamenduaren bidez finantzatutako inbertsioak Kontabilitate Plan Orokorreko epigrafe hauetakoren bati egokitu behar zaizkio:
    • 206. Aplikazio informatikoak
    • 211. Eraikuntzak (higiezinak erosi eta eraikitzea kanpo geratzen dira)
    • 212. Instalazio teknikoak
    • 213. Makinak
    • 216. Altzariak
    • 217. Informazioa prozesatzeko ekipamenduak
    • 218. Garraio-osagaiak (jarduera nagusi legez pertsona edota merkantzien garraioa duten erakundeentzat bakarrik)
    Honako gastu hauek, berriz, ezin izango dituzte diru-laguntza hauek jaso:
    • 300 euro baino gutxiagoko gastuen frogagiriak, fakturak edo aurrekontuak (BEZik gabe)
    • BEZa
    • Kreditu-lerro mota guztiei dagozkien interesak
    • Banku-komisioak
    • Kudeaketa edota koordinazio gastuak
    • Enpresa eskatzaileari lotutako enpresa edo pertsonen bidez egindako gastuak
    • Tresneriako gaiak edo kontsumigarriak
    • Entitate onuradunaren jarduerarekin inolako zalantzarik gabe identifika daitezkeen eta/edi deialdi bakoitzean ezarritako epearen barruan egin ez diren gastu guztiak
    Laguntza Kopurua:
    Diru-laguntza hurrengo kontzeptuen baturaren ondorioz ematen da:
    • Finantza eragiketaren lehen urteko interesak (gehienez diruz lagun daitekeen finantza-maileguaren edota errentamenduaren eta diruz lagun daitekeen inbertsioaren arteko zenbatekorik txikienaren %5a)
    • Diruz lagun daitekeen finantza-maileguaren edota errentamenduaren eta inbertsioaren arteko zenbatekorik txikienaren %5
    Diru-laguntzaren gehineko kopurua, erakundeko,10.000 euro izango da. Eskaerak:
    Eskabideak eta gainerako dokumentazioa Ekonomia Sustatzeko Sailaren bulego birtualaren bidez aurkeztu behar dira (www.bizkaia.net/sustapena-bulegobirtuala). Horretarako, enpresak sinadura elektronikoa eduki behar du edo, bestela, BizkaiBai zerbitzuan izena emanda egon behar du; azken kasu horretarako, Orueta apezpikua kaleko 6an dauden bulegoetan eska daiteke txartela.
    Eskatzeko Epea:
    Aurten eskatzeko epea apirilaren 15ean hasiko da, eta 2015eko irailaren 30ean, 13:30ean, amaituko da.
    Oharrak:
    Laguntza hauek bateragarriak izango dira beste erakunde publiko edo pribatu batzuek kontzeptu beragatik ematen dituztenekin.
    Loturak:
    Informazioa: LALF programaren informazio telefono zenbakiak: 94 406 80 08
    Bizkaiko Foru Aldundiaren web orrian informazioa
    Arauak

    EGILEA:
    Borja Escalona
    Merkataritzarako Teknikaria
    Gernika-Lumoko Merkataritza Dinamizatzeko Bulegoak sortua

    ZURE USTEZ BERRI HAU INTERESGARRIA DA ZABALDU INTERNET-EN:
    ordua: iruzkinik ez:
    Etiketak: , , ,

    2015(e)ko martxoaren 12(a), osteguna

    SPRI 2015: Inbertsiorako Finantza Laguntzak, AFI


    AFI PROGRAMA 2015: INBERTSIORAKO FINANTZA LAGUNTZAK
    Informazio hau gazteleraz ere irakurri dezakezu

    Laguntzaren Xedea:
    Programa honen helburua finantza-laguntzak ematea da, hain zuzen, ibilgetu ez-material eta/edo material berrietan inbertsioak egiteko eta zirkulatzailea finantzatzeko Euskal Autonomia Erkidegoko industria, merkataritza eta turismo sektoreetan
    Onuradunak:
    Jarduera nagusia Industrial, Merkataritza edo Turistikoa duten ETE eta Autonomoek. Beste zerbitzu aktibitateak EZ DIRA SARTUKO (ile-apaindegiak,...)
    Laguntza mota:
    Laguntzak inbertsioak ordaintzeko eskatutako mailegu edo leasing-go interes-tasaren hobaria izango dira.
    Diru-lagutza jaso dezaketen inbertsioak:
    Ondorengoak hartuko dira diruz laguntzeko moduko jardueratzat, inbertsioak finantzatzeko, edo zirkulatzailea finantzatzeko mailegu-eragiketak.

    IBILGETU ESKURATZEA:
    Diru-laguntza jaso dezaketen inbertsioak. Ibilgetu ez-material eta/edo material berriak eskuratzea, honako kontularitza-kategorietakoren batean:
    • 206 Aplikazio informatikoak
    • 210 Lurrak eta ondasun naturalak (turismo-arlokoak izan ezik)
    • 211 Eraikuntzak
    • 212 Instalazio teknikoak
    • 213 Makineria
    • 214 Tresneria
    • 215 Beste instalazio batzuk
    • 216 Altzariak (merkataritza-eta turismo-arlokoak bakarrik)
    • 217 Informazio-prozesuetarako ekipoak
    • 218 Garraio-elementuak (turismo-arlokoak bakarrik eta beti ere ezinbestekoak badira proiektuaren osotasunerako)
    • 219 Bestelako ibilgetu materialak
    Inbertsioek baldintza hauek bete behar dituzte:
    1. Laguntza eskatzen den ekitaldiari dagokion inbertsio-bolumena, gutxienez, 100.000 eurokoa izango da industria-sektorean, 30.000 eurokoa turismo-sektorean eta 30.000 eurokoa merkataritza-sektorean.
    2. Laguntzak kalkulatzeko, horiek eskatu diren urtean bertan aktiboak eskuratzeko ordaindutako zenbatekoa baino ez da aintzat hartuko.
    3. Inbertsio-proiektua eta dagozkion polizak 2014. urtean gauzatutakoak izan beharko dira.
    ZIRKULATZAILEA FINANTZATZEA:
    Finantza-eragiketek berariaz jaso beharko dute zirkulatzailea finantzatzekoak direla; betiere, industria-sektorean 100.000 euroko zenbateko gutxienaz formalizatutako polizen bitartez, eta merkataritzaren eta turismoaren sektoreetan, 30.000 eurotarakoaz.
    Inbertsioak gauzatzeko epea
    Inbertsio proiektuek EAEn kokatu behar dute, eta maileguaren edota finantza errentamenduaren operazioa formalizatzen den ekitaldi berean egin beharko dira. Maileguen Baldintzak:
    ZENBATEKOA: Diruz lagundu daitekeen mailegua izango da bi zenbateko hauetatik txikiena:
    • Diruz lagundu daitekeen inbertsioaren %100
    • Finantza-erakundeak baimendutako maileguaren zenbatekoa
    EPEA:
    Ibulgetu eskuratzeko eskatutako maileguak
    Gutxienez, 5 urte eta, gehienez, 7 urte, hasierako gabealdia barne dela; gabealdi hori, gehienez, honelakoa izango da:
    • 7 urterako maileguak: 24 hilabete
    • 6 urterako maileguak: 18 hilabete
    • 5 urterako maileguak: 12 hilabete
    SPRI-k bestelako epeak ere onar ditzake (gutxieneko epea 5 urtekoa izango da, betiere), baldin eta formalizatutako maileguan berariaz jasotzen bada berau laguntza-programa honetan sartuta dagoela. Nolanahi ere, horrek ez du aldaketarik ekarriko laguntzen zenbatekoan. Zenbateko hori, bestalde, ez da inoiz izango 7 urterako maileguei. dagokiena baino handiagoa.

    Zirkulatzailea finantzatzeko mailegu-eragiketak
    Gutxienez, 1 urte eta, gehienez, 5 urte, printzipala ordaintzeko gabealdia barne.

    EPEMUGAK: Gutxienez, hilero izango dira.

    GASTU ETA KOMISIOAK: Egongo den komisio bakarra irekitzekoa izango da eta ezin da %0,4 baino handiagoa izan

    GEHIENEZKO INTERES-TASA APLIKAGARRIA:
    • ICO maileguetan: ICO-ren indarrean dagoen interes-tasa
    • ICO ez diren maileguetan:
      • ALDAKOR-TASA:
      • EURIBOR + %3

      • TIPO FINKOA:
      • TIPO FINKOA: %4,5
    Leasing-en baldintzak:
    Leasing eragiketek baldintza hauek bete behar dituzte:
    • Enpresa onuradunak konpromisoa hartuko du erosteko aukera gauzatzeko, hala dagokionean; konpromiso hori kasuan kasuko formalizazio-agirian jasoko da.
    • Leasing-a Eusko Jaurlaritzako Ekonomi eta Ogasun Sailak eta finantza-erakundeen arteko ituna sinatu duen Entitate batek egingo du.
    ZENBATEKOA: Diruz lagundu daitekeen mailegua izango da bi zenbateko hauetatik txikiena:
    • Diruz lagundu daitekeen inbertsioaren %100
    • Finantza-erakundeak baimendutako leasing-aren zenbatekoa
    EPEA: Gutxienez 2 urte, eta gehienez 5 urte
    SPRIk epe ezberdinak onartzea: laguntza-programa honetan sartzen dela berariaz jasotzen bada formalizatutako finantza-errentamenduaren kontratuan. Eta horrek ez du aldatuko emango diren laguntzen zenbateko; edozelan ere, zenbateko horrek ez du gaindituko 5 urterako finantza-errentamenduari dagokiona.

    EPEMUGAK: Gutxienez, hilero izango dira.

    GEHIENEZKO INTERES-TASA APLIKAGARRIA:
    • ALDAKOR-TASA:
    • EURIBOR + %3,5
    • TIPO FINKOA:
    • %5
    Laguntza Kopurua:
    Laguntzak diru-laguntza legez eratuko dira, onartzen den operazio bakoitzaren interes puntuetan oinarriturik:
    • OROKORREAN:

    • Puntu 1 diruz lagun daitekeen inbertsiorako operazioen kasuan (Aktibo Finkoak)
    • 0,50 puntu Zirkulatzailerako maileguen kasuan
    • BESTE ALDE BATETIK
    • 0,25 puntu Elkarrekiko berme sozietate batek, hitzarmena sinatzen duenak, bermatutako finantza-eragiketaren kasuan.
    Notak:
    • Diruz lagun daitezkeen jardueren balio guztizkoaren zenbatekoa, zehazki, finantza erakunde baten eskura dezakeena ez da izango 1.500.000 eurotik gorakoa
    Eskaerak:
    Eskaerak: Tramitazioa SPRI-ren web orrian egingo da:
    ESKABIDEA ONLINE EGITEKO LOTURA
    Eskatzeko Epea:
    2015 urtean eskatzeko epea 2015eko azaroaren 12an amaituko da
    Loturak:
    Informazioa: AFI programaren informazio telefonoa: 902 702 142
    SPRI-ren web orrian informazioa
    Arauak

    EGILEA:
    Borja Escalona
    Merkataritzarako Teknikaria
    Gernika-Lumoko Merkataritza Dinamizatzeko Bulegoak sortua

    ZURE USTEZ BERRI HAU INTERESGARRIA DA ZABALDU INTERNET-EN:
    ordua: iruzkinik ez:
    Etiketak: , , ,
    Harpidetu honetara: Mezuak (Atom)